影片
更多
2025-05-14
244 瀏覽
【油尖旺區】【春城銅鍋米線】之前有位朋友介紹我食呢間米線，一直都想試吓佢之下，終於有機會趁同莊敬哥喺旺角做嘢嗰陣試到，掂。莊敬哥試 $54 嘅「招牌豬扒酸酸辣辣銅鍋米線」，配肉碎、芽菜、腐皮、酸菜、木耳絲、甜酸菜，揀「BB辣」都夠晒辣，佢話呢碗嘢酸度幾夠喎。而份豬扒另上，唔會影響到佢唔錯嘅味道。莊敬哥仲加 $12 要埋「竹笙」嚟索汁，識食呀。嘢飲佢飲「凍檸檬茶少甜」，正常水準。我就試 $67 嘅「招牌海南胡椒豬肚雞米線」，配腐皮、肉碎、芫茜、芽菜，我仲 $2 轉「紅薯粉」同埋加 $8 轉咗「雞髀」。食落係好香濃嘅胡椒味，份量又多，加 $9 要「新鮮肉眼筋」同加 $16 要「豬肉腐皮卷」，前者又爽又滑，後者香脆可口，掂。嘢飲加 $6 飲枝裝「豆漿」，係正達嗰隻。小食試 $20 嘅「爆漿紅糖糍粑」同 $25 嘅「炸脆脆蝦膠豆卜」，勁好食，埋單$219 咋。。。（地址：旺角砵蘭街175號地舖）
而份豬扒另上，唔會影響到佢唔錯嘅味道。莊敬哥仲加 $12 要埋「竹笙」嚟索汁，識食呀。嘢飲佢飲「凍檸檬茶少甜」，正常水準。我就試 $67 嘅「招牌海南胡椒豬肚雞米線」，配腐皮、肉碎、芫茜、芽菜，我仲 $2 轉「紅薯粉」同埋加 $8 轉咗「雞髀」。
食落係好香濃嘅胡椒味，份量又多，加 $9 要「新鮮肉眼筋」同加 $16 要「豬肉腐皮卷」，前者又爽又滑，後者香脆可口，掂。嘢飲加 $6 飲枝裝「豆漿」，係正達嗰隻。小食試 $20 嘅「爆漿紅糖糍粑」同 $25 嘅「炸脆脆蝦膠豆卜」，勁好食，埋單$219 咋。。。
（地址：旺角砵蘭街175號地舖）
張貼
