影片
更多
2023-05-05
404 瀏覽
【沙田區】【洪師父牛肉麵】沙田火車站連城廣場嗰度不嬲多嘢食，之但係都唔係間間做得咁穩定，有次就係見到新開咗呢間台灣嘢所以想試。我初初見呢間嘢嘅時候，都同上水嗰間洪祖師混淆咗，後尾先搞返清楚原來係兩間嘢嚟，咁樣就更加有動力去試。話雖如此，喺得連城廣場食嘢，都要注意時間。試過去嗰邊做嘢，中午 lunch time 時段喺嗰邊搵嘢食，嘩，根本係一位難求，最後要出去第二度食。所以我呢啲都係下午去，等大部份打工仔都返返工作崗位我先蒲返出嚟食嘢，唔使等位先啦。我叫咗個下午茶「煙肉芝士肉鬆蛋餅配滷肉飯」，我係極度討厭呢啲肉鬆嘅，所以對呢個感覺麻麻，芝士煙肉我都唔係好食到，因為我真係太憎肉鬆，個腦係咁喺度鬧佢，冇乜留意其他。個滷肉飯就 Okay 啲，雖然好似滷肉少咗啲，但都夠食嘅。個餐有嘢飲嘅，「凍冬瓜茶」唔使加錢，梗係飲佢啦。飲落都算沖得幾濃，幾好飲，抵呀。加 $10 要多隻「滷香雞蛋」，我冇食伴碟啲沙律唔知咩味，隻蛋唔係我想像嗰回事，唔係太啱我口味。咁樣夾埋食咗 $61，我冇乜特別大嘅意見。我有去第二次嘅，因為食嘅嗰時仲係覺得起碼要食幾次先好出 post 否則就係失德敗行，不過之後被其他朋友加上自
話雖如此，喺得連城廣場食嘢，都要注意時間。試過去嗰邊做嘢，中午 lunch time 時段喺嗰邊搵嘢食，嘩，根本係一位難求，最後要出去第二度食。所以我呢啲都係下午去，等大部份打工仔都返返工作崗位我先蒲返出嚟食嘢，唔使等位先啦。
我叫咗個下午茶「煙肉芝士肉鬆蛋餅配滷肉飯」，我係極度討厭呢啲肉鬆嘅，所以對呢個感覺麻麻，芝士煙肉我都唔係好食到，因為我真係太憎肉鬆，個腦係咁喺度鬧佢，冇乜留意其他。個滷肉飯就 Okay 啲，雖然好似滷肉少咗啲，但都夠食嘅。
個餐有嘢飲嘅，「凍冬瓜茶」唔使加錢，梗係飲佢啦。飲落都算沖得幾濃，幾好飲，抵呀。加 $10 要多隻「滷香雞蛋」，我冇食伴碟啲沙律唔知咩味，隻蛋唔係我想像嗰回事，唔係太啱我口味。咁樣夾埋食咗 $61，我冇乜特別大嘅意見。
我有去第二次嘅，因為食嘅嗰時仲係覺得起碼要食幾次先好出 post 否則就係失德敗行，不過之後被其他朋友加上自己說服咗先冇咗呢個羈絆。今次食呢個係「Q版紅燒牛肉麵」，我揀咗粗麵，係唔錯嘅，但好似冇佢吹到又攞獎又盛咁英明神武囉。
呢個餐飲我揀咗「蘋果西打（冰底）」，都係唔使加錢喎，仲要係原罐上，呢個就真係好地道台灣特色喇。連埋加一食咗 $50，冇乜意見啦都係，佢嗰個位做得太平都係搞唔掂。總括而言，都係咁啦，如果以維持生命嚟講佢嘅味道係算唔錯嘅。。。
（地址：沙田沙田車站圍1號Citylink1樓106號舖）
#1amfoodie #foodie #hkfoodie #thatfoodiething #hkfood #food #instafood #1ambackup #1am0504 #delicious #foodies #tasty #globaleats #tastyfood #foodpics #followforfollowback #love #eat #1am沙田區 #沙田 #連城廣場 #沙田火車站 #citylink #洪師父牛肉麵 #洪師父 #牛肉麵 #台灣菜 #滷肉飯 #牛肉麵 #蘋果西打 #冬瓜茶
14 瀏覽
0 讚好
0 留言
張貼
