方叔叔重慶老火鍋 (新城市廣場一期)

營業中

休息中

【沙田區】【方叔叔重慶老火鍋】同呢班同事唔知幾時再聚，活在當下，打個邊爐先。叫咗 $1288 嘅「本店限定4人全日套餐」，食「雙拼鴛鴦鍋」。唔知係咪知我唔太食得辣，叫咗「番茄湯鍋」拼「大骨滋補湯鍋」。可能因為都唔係佢哋嘅撚手嘢，所以質素相對平庸，只係勝在唔算好鹹。肉類有「美國Prime特級牛胸腹」同「嫩嫩嫩牛肉」，兩者只屬 okay，份量亦都唔算好多。滑類就有「手打魚籽蝦滑」同「豬肉貢菜滑」，反而又幾夠味，可以一戰。仲有「屠場鮮毛肚」、「珊瑚蚌」同「鴨血」，反而呢幾樣葷菜好似仲好食過啲純肉類喎。配埋「黃金針菇」同「田園菜籃」，啲蔬菜都乾淨企理嘅。而「武隆苕粉」就似薯粉，填飽個肚。甜品半份「爆漿糍粑」嫌佢早咗啲上，可能趕收工啦，我哋都晚上八點正算比較夜去，冇計。我哋另外散叫咗 $58 嘅「鮮滑魚麵」，呢碟係唔錯嘅，頂到吓肚。個套餐其實本身都有汽水飲，但我哋都加 $25 要咗大杯特飲，分別係「水仙烏龍檸檬茶」、「生津止渴楊梅汁」同「洛神花鮮橙特飲」，合理火鍋飲品，勝在大大杯。用 $30 禮券連埋服務費之後，埋單係 $1421.8，我哋四個人食，一人就三百零蚊，香港商場價。。。（地址：沙田沙