影片
更多
2022-09-01
7287 瀏覽
早幾日見到百樂酒店果lunch buffet 超級抵，咁抵梗係call班屋企人出黎chill下啦！（睇到最底有優惠‼️） - 冷盤 -⦁海鮮（青口、蜆、蝦等）⦁沙律bar⦁巴拿馬風乾火腿配哈密瓜、多款芝士⦁日式冷麵、溫泉蛋⦁刺身（三文魚、帝皇蟹柳、希靈魚、䲞魚等） 首先一定要講大家最關注既冷盤！雖然好多人去海鮮區度揀野食，不過酒店補貨補得好快，keep住新鮮。沙律bar有超多配料可以選擇，仲有4款醬俾大家自由搭配。另外仲有多款芝士、哈蜜瓜用黎配parma ham。鍾意日式既仲有冷麵同溫泉蛋添！😋又點少得刺身呢，主要以三文魚、帝皇蟹柳、希靈魚、䲞魚為主。冷盤都講左咁多，熟食既款式仲多！🙈 - 熟食 -⦁即煮湯麵（瀨粉/油麵/河粉）⦁即煎五花腩肉、德國腸、雞翼⦁印度咖喱配薄餅/飯⦁卡邦尼煙肉炒年糕⦁蒸魚⦁湯款（濃蘑菇忌廉湯、羅漢果湯） 熟食太多款式揀，多到講唔晒，等我大概講下值得食既幾款啦！湯麵除左可以自選麵底，仲有得揀湯底（大地魚湯/麻辣鴨血/藥膳雞湯），✨個人力推藥膳雞湯好濃郁又健康。講真即煎五花肉超肥美，勁邪惡😈！仲有印度咖喱可以揀雞肉或雜菜，不過我都系鍾意配薄餅先有印度風味！而卡邦
- 冷盤 -
⦁海鮮（青口、蜆、蝦等）
⦁沙律bar
⦁巴拿馬風乾火腿配哈密瓜、多款芝士
⦁日式冷麵、溫泉蛋
⦁刺身（三文魚、帝皇蟹柳、希靈魚、䲞魚等）
首先一定要講大家最關注既冷盤！雖然好多人去海鮮區度揀野食，不過酒店補貨補得好快，keep住新鮮。沙律bar有超多配料可以選擇，仲有4款醬俾大家自由搭配。另外仲有多款芝士、哈蜜瓜用黎配parma ham。鍾意日式既仲有冷麵同溫泉蛋添！😋又點少得刺身呢，主要以三文魚、帝皇蟹柳、希靈魚、䲞魚為主。冷盤都講左咁多，熟食既款式仲多！🙈
- 熟食 -
⦁即煮湯麵（瀨粉/油麵/河粉）
⦁即煎五花腩肉、德國腸、雞翼
⦁印度咖喱配薄餅/飯
⦁卡邦尼煙肉炒年糕
⦁蒸魚
⦁湯款（濃蘑菇忌廉湯、羅漢果湯）
熟食太多款式揀，多到講唔晒，等我大概講下值得食既幾款啦！湯麵除左可以自選麵底，仲有得揀湯底（大地魚湯/麻辣鴨血/藥膳雞湯），✨個人力推藥膳雞湯好濃郁又健康。講真即煎五花肉超肥美，勁邪惡😈！仲有印度咖喱可以揀雞肉或雜菜，不過我都系鍾意配薄餅先有印度風味！而卡邦尼炒年糕勁creamy！蒸魚都幾多人夾，睇落都幾新鮮嫩滑，可惜我唔太喜歡食魚，如果大佬係度一定會好鍾意！😍
- 甜品 -
⦁朱古力噴泉
⦁窩夫、鯛魚燒、迷你葡撻
⦁芝士芒果蛋糕
⦁榴槤慕絲蛋糕
⦁朱古力布朗尼
⦁朱古力黑森林蛋糕
⦁藍莓芝士蛋糕
朱古力噴泉好多小朋友同女神們去拎，有各式各樣水果，棉花糖，手指餅等。仲有waffle🧇、鯛魚燒、葡撻等小食。另外，蛋糕勁多款式，連榴槤慕絲蛋糕都有😅，我最鍾意都藍莓cheese cake😋
- 無限供應的飲品 -
咖啡奶茶、檸茶檸水、各式茶包、果汁、鮮奶
- 藥膳系列 -
⦁慢煮三文魚牛蒡沙律
⦁藥膳五味柱候烤鴨
⦁藥膳醉蝦
⦁竹籠荷葉杞子黨參蒸魚柳
⦁藥膳紅酒燴牛肋條
⦁椒鹽香酥鮮淮山
⦁藥膳豬腳薑
⦁花旗參蜜啫喱
養生系列都有勁多選擇，我見幾多長者同後生的朋友仔都有揀黎食，睇黎疫情令到大家更加注重身體！學酒店話齋「調養身心、寓醫於食」！
✨價格：
星期一至五：成人$278/位，小童$258/位
星期六日假期：成人$308/位，小童$278/位
✨特別優惠：
1️⃣生日優惠：
4位同行1位免費，其他85折
2️⃣長者小童優惠：
65歲長者65折，12歲以下小童可享半價，6歳以下免費
社交平台優惠：
讚好或追蹤香港百樂酒店社交平台專頁，可享低至8折
冷盤
108 瀏覽
0 讚好
0 留言
刺身
105 瀏覽
1 讚好
0 留言
沙律、熟食
109 瀏覽
1 讚好
0 留言
甜品
105 瀏覽
0 讚好
0 留言
張貼
