影片
更多
2024-12-03
3156 瀏覽
今日去咗尖沙咀一間叫「KABOOM」嘅高人氣餐廳食晚飯，餐廳長期位於OpenRice嘅人氣排名榜，上層天台有一個可以飽覽維港景色嘅觀景，望住個咁靚嘅夜景食飯真係好加分！不過記得預早訂位，先可以預留一個靚位食飯，好似我咁怕凍嘅朋友就可以坐下層嘅室內，入面有個好靚嘅吧枱，啱晒近距離觀賞bartender調出餐廳多款signature cocktail嘅過程。🍊Miss You!呢間餐廳嘅signature cocktail全部都好有心機，呢杯miss you用咗雀仔形狀嘅玻璃杯，再將紅色嘅玫瑰花瓣圍住飲筒放喺雀仔嘅尾部，而且雞尾酒嘅顏色係淡粉紅色，成杯雞尾酒嘅外觀都好靚。味道方面用咗Vodka做base，加入桃味嘅liqueur帶出輕微嘅酒感，再混合Japanese Yuzu Juice同Rose Syrup帶出又酸又甜嘅味道，最後加上一層蛋白增加層次感🍊Let's Get Cracking!呢杯Cocktail係用咗雞蛋殼外型嘅酒杯，底層放咗類似鳥巢嘅托盤，入面喺Earl Grey Infused Whisky做base，酒感較為強烈，另外用咗朱古力味嘅liqueur，調制出帶有甜味嘅烈
🍊Miss You!
呢間餐廳嘅signature cocktail全部都好有心機，呢杯miss you用咗雀仔形狀嘅玻璃杯，再將紅色嘅玫瑰花瓣圍住飲筒放喺雀仔嘅尾部，而且雞尾酒嘅顏色係淡粉紅色，成杯雞尾酒嘅外觀都好靚。味道方面用咗Vodka做base，加入桃味嘅liqueur帶出輕微嘅酒感，再混合Japanese Yuzu Juice同Rose Syrup帶出又酸又甜嘅味道，最後加上一層蛋白增加層次感
🍊Let's Get Cracking!
呢杯Cocktail係用咗雞蛋殼外型嘅酒杯，底層放咗類似鳥巢嘅托盤，入面喺Earl Grey Infused Whisky做base，酒感較為強烈，另外用咗朱古力味嘅liqueur，調制出帶有甜味嘅烈酒，混合咗Caramel同Oat Milk去增加雞尾酒嘅甜度同順滑度，頂層有Ovaltine碎同細細塊嘅葉去營造出嚟泥土嘅感覺
🍊Thai Style Beef Tartare with Bone Marrow
呢碟前菜係一份生牛肉他他混合咗帶有泰式風味嘅香料例如香蔥、墨西哥辣椒等，用墨西哥脆片配合生牛肉他他一齊食可以增加口感，頂層有少量帶有鹹香嘅魚子醬，味道層次豐富
🍊Red Prawn and Scallop Caroaccio
呢碟前菜用咗新鮮嘅北海道帶子同紅蝦刺身，配上細香蔥同墨西哥辣椒製成嘅冬陰功醬汁，刺身嘅味道鮮甜清爽，搭配濃味嘅醬汁可以提鮮，係一道開胃嘅前菜
🍊Thai Lobster Sauce Spaghetti with Canada Lobster Tail
呢碟意粉嘅龍蝦汁非常濃郁，醬汁濃稠，帶有龍蝦嘅鮮味同蒜頭洋蔥嘅惹味，加拿大龍蝦嘅肉質彈牙，味道鮮甜，意粉口感煙靭，唔會煮得太腍，而且意粉可以掛上龍蝦醬汁，每一啖都充滿鮮味
🍊Baked Sambal Sous Vide Black Cod Fish
呢碟主菜用咗美國阿拉斯加銀鱈魚，魚肉非常嫩滑
，好彩有燈籠椒同紅蘿蔔，醬汁用咗東南亞特色嘅sambal sauce、檸檬草加yogurt，味道帶點辛辣同微酸，食落非常清新惹味，為清淡嘅銀鱈魚提味
📍尖沙咀北京道12A號太子集團中心20樓
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
張貼
