影片
更多
2025-03-18
45 瀏覽
為咗慶祝男朋友生日，今日去咗尖沙咀一間叫「八瀧 」日式餐廳食Omakase晚餐，餐廳位於尖沙咀旺區中嘅一棟大廈，私隱度非常高，環境昏暗有情調，面對着師傅嘅席前座位只有六個，另外亦都有幾個梳化位，成間餐廳每晚只會招待10多位客人，所以有興趣嘅朋友記得提早預約！🍊 前菜兩品白子刺身喺當造嘅食材，食落去口感肥美可口；水母刺身配柚子醋，口感爽彈，味道酸甜開胃🍊 北海道仙鳳趾蠔仙鳳趾喺一個盛產生蠔嘅地方，呢隻生蠔嘅尺寸好大，肉身肥厚，味道鮮甜，帶有creamy嘅口感；為咗令生蠔嘅味道提鮮，師傅加入自家製嘅蘋果啫喱粒粒同三文魚籽，令到味道除咗有生蠔自身嘅海水鮮味外，仲帶有蘋果嘅清甜同三文魚籽嘅鹹鮮🍊 醬油漬鮟鱇魚乾 日本人流傳「東有河豚，西有鮟鱇」以表達日本人對河豚同鮟鱇嘅喜愛，呢道鮟鱇魚乾喺來自青森縣 ，用慢煮嘅方式加入日式醬油醃製，肉質柔嫩，醬油味濃🍊 蝦三味我全晚最鍾意嘅一道菜，採用咗牡丹蝦嘅蝦身去做刺身，味道鮮甜；牡丹蝦嘅蝦頭去油炸做到香脆可口；牡丹蝦嘅蝦殼同蝦膏去爆炒提煉蝦油，蝦油嘅味道非常濃郁，蝦味可以停留喺口腔入面，混合已剝殼嘅白蝦刺身一齊食係絕佳嘅享受🍊 赤鯥、大拖羅刺身赤鯥同大拖
🍊 前菜兩品
白子刺身喺當造嘅食材，食落去口感肥美可口；水母刺身配柚子醋，口感爽彈，味道酸甜開胃
🍊 北海道仙鳳趾蠔
仙鳳趾喺一個盛產生蠔嘅地方，呢隻生蠔嘅尺寸好大，肉身肥厚，味道鮮甜，帶有creamy嘅口感；為咗令生蠔嘅味道提鮮，師傅加入自家製嘅蘋果啫喱粒粒同三文魚籽，令到味道除咗有生蠔自身嘅海水鮮味外，仲帶有蘋果嘅清甜同三文魚籽嘅鹹鮮
🍊 醬油漬鮟鱇魚乾
日本人流傳「東有河豚，西有鮟鱇」以表達日本人對河豚同鮟鱇嘅喜愛，呢道鮟鱇魚乾喺來自青森縣 ，用慢煮嘅方式加入日式醬油醃製，肉質柔嫩，醬油味濃
🍊 蝦三味
我全晚最鍾意嘅一道菜，採用咗牡丹蝦嘅蝦身去做刺身，味道鮮甜；牡丹蝦嘅蝦頭去油炸做到香脆可口；牡丹蝦嘅蝦殼同蝦膏去爆炒提煉蝦油，蝦油嘅味道非常濃郁，蝦味可以停留喺口腔入面，混合已剝殼嘅白蝦刺身一齊食係絕佳嘅享受
🍊 赤鯥、大拖羅刺身
赤鯥同大拖羅都係油脂偏重嘅魚，魚皮表面有輕輕炙燒過，食落帶有輕微嘅煙熏味；師傅用味道強烈嘅洋蔥漬配上呢兩款油脂偏重嘅刺身，用洋蔥嘅清甜辛辣去中和油膩感
🍊 天婦羅海膽拿破崙
呢個係餐廳嘅招牌菜，上菜嘅時候餐廳播住日本大熱歌曲「First Love」，師傅後面嘅櫥窗內會噴人造雪係櫻花樹上，然後師傅就會將糖霜灑喺拿破崙上，營造飄雪嘅效果；頂層有北海道嘅赤海膽，味道鮮甜濃郁；但紫菜嘅夾層中間有大拖羅蓉，整體口感層次豐富
🍊 握壽司10貫
北海道帶子味道鮮甜；蝶魚油脂感重，炙燒過嘅魚邊充滿油香；甜蝦口感爽彈；赤身味道濃郁；中拖羅入口即溶；星鰻炙燒完嘅魚香好重；赤海膽軍艦嘅鮮味滿滿；真蠔輕輕用火槍炙燒過再放上紫菜，肉質肥美
🍊 忌廉玉子燒
食完咁多件壽司之後，可以食到忌廉玉子燒做甜品，雪凍之後嘅口感好似蛋糕仔咁綿滑，帶有輕輕嘅甜味
🍊 螢光魷魚松葉蟹茶碗蒸
用時令食材螢光魷魚加松葉蟹肉去做茶碗蒸，食材選用非常特別，蒸蛋非常滑身，螢光魷魚亦都充滿鮮味
🍊 麵豉湯
麵豉湯嘅味道正常，但盛載嘅容器好特別，用特製嘅茶壺去將麵豉湯倒入茶杯中，令麵豉湯保持熱度
🍊 甜品
用咗靜岡蜜瓜同焙茶雪糕作結，蜜瓜嘅甜味同焙茶嘅苦澀味互相平衡，甜品令呢一餐好圓滿
📍 尖沙咀白蘭軒道2號富峰行3樓
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
張貼
