影片
更多
2024-09-01
119 瀏覽
今次去到尖沙咀樓上試一間專門做日式串燒嘅餐廳，呢間餐廳串燒非常高質同時價錢都相當合理，大部份日式串燒都係$38串。佢主打雞肉串燒，超多雞部位可以選擇。開始食前佢種準備咗一碟調味粉，包括山椒粉、一味粉、七味粉、柚子鹽同山葵鹽，每款調味都有佢嘅特色，配上串燒都係超級好味。———————————————🌟雞頸肉 $38雞頸肉係一款非常有嚼勁嘅串燒，呢度嘅雞頸肉燒得非常到位，外層微焦，內裡保持住嫩滑多汁嘅口感。調味簡單，但能帶出雞肉本身嘅鮮味，加上雞頸肉帶有特別嘅彈牙口感，食落特別有滿足感，絕對係雞肉愛好者嘅必點選擇。🌟燒鱈魚乾 $48呢個鱈魚乾大概係我食過最好食嘅一次，食落非常香脆，果個鱈魚味道要好濃郁，咬落去香口同時帶有甜味，什至令人有種鮮甜魚肉嘅錯覺。🌟雞腿肉 $38雞肉鮮嫩多汁，每咬一口都感受到雞汁嘅甜美。加上少少青檸汁仲可以突出咗雞腿肉嘅原汁原味，非常值得一試。🌟雞心 $38雞心係其中一款比較特別嘅選擇，咬落有少少爽口彈性，口感獨特。雞心本身帶有濃郁嘅香味，食到味尾段先會有少少好似食豬紅嘅味道，啱哂鍾意食內臟嘅朋友。🌟雞皮 $38雞皮燒到外脆內軟，真係入口即溶，每一口都充滿咗雞油嘅香
今次去到尖沙咀樓上試一間專門做日式串燒嘅餐廳，呢間餐廳串燒非常高質同時價錢都相當合理，大部份日式串燒都係$38串。佢主打雞肉串燒，超多雞部位可以選擇。開始食前佢種準備咗一碟調味粉，包括山椒粉、一味粉、七味粉、柚子鹽同山葵鹽，每款調味都有佢嘅特色，配上串燒都係超級好味。
———————————————
🌟雞頸肉 $38
雞頸肉係一款非常有嚼勁嘅串燒，呢度嘅雞頸肉燒得非常到位，外層微焦，內裡保持住嫩滑多汁嘅口感。調味簡單，但能帶出雞肉本身嘅鮮味，加上雞頸肉帶有特別嘅彈牙口感，食落特別有滿足感，絕對係雞肉愛好者嘅必點選擇。
🌟燒鱈魚乾 $48
呢個鱈魚乾大概係我食過最好食嘅一次，食落非常香脆，果個鱈魚味道要好濃郁，咬落去香口同時帶有甜味，什至令人有種鮮甜魚肉嘅錯覺。
🌟雞腿肉 $38
雞肉鮮嫩多汁，每咬一口都感受到雞汁嘅甜美。加上少少青檸汁仲可以突出咗雞腿肉嘅原汁原味，非常值得一試。
🌟雞心 $38
雞心係其中一款比較特別嘅選擇，咬落有少少爽口彈性，口感獨特。雞心本身帶有濃郁嘅香味，食到味尾段先會有少少好似食豬紅嘅味道，啱哂鍾意食內臟嘅朋友。
🌟雞皮 $38
雞皮燒到外脆內軟，真係入口即溶，每一口都充滿咗雞油嘅香氣，肥而不膩。雞皮燒到微焦帶有少少炭香，配上簡單鹽調味，令雞皮更加突出，非常適合作為下酒菜。
🌟糯米雞翼棒 $48
糯米雞翼棒可以話係呢度嘅特色之一，雞肉外層包有糯米再燒香，變到好似飯焦一樣。而內裡嘅雞肉就非常多汁，咬落亦都好軟熟，內外口感形成一層強烈對比。
🌟唐辛子 $38
唐辛子串燒帶有輕微嘅辛辣味，但食落其實似青椒，唔會太刺激。
🌟秋葵 $38
秋葵燒得恰到好處，外層燒到微焦，咬落軟身內裡帶鮮甜味。
🌟水牛芝士煙肉卷 $48
呢款水牛芝士煙肉卷絕對係芝士控嘅最愛。外層鹹香，包住咗濃郁嘅水牛芝士，芝士仲要流心效果，邪惡得黎又好好味。
🌟醬油燒飯糰 $38
醬油燒飯糰燒到外層脆口，飯糰入面軟糯可口。每一口都滲透住醬油嘅香味，簡單但好味，特別適合配搭其他串燒一齊食，係非常飽肚嘅選擇。
🌟抹茶厥餅 $38
最後甜品時間嚟到抹茶厥餅，呢個甜品係完美嘅收尾。抹茶味濃郁，厥餅口感軟糯，唔會過甜。
張貼
