影片
更多
2025-05-09
0 瀏覽
每次同朋友嚟「Ruên Thai & Vietnamese」都見到坐爆人，今次又係假期前夕同朋友過黎Chill，順便都推介比大家。———————————————🌟 泰式牛肉沙律 $148牛肉切得厚薄適中，中間粉嫩完全冇筋，腍身得嚟牛味好濃！泰式沙律汁酸辣開胃，加埋新鮮蔬菜，清爽又惹味，絕對係必點前菜！🌟 泰式椰菜苗 $108鑊氣十足！椰菜苗炒得翠綠爽脆，面頭鋪滿炸蒜，蒜香撲鼻。🌟 泰式黃咖哩蟹肉配蒜蓉包 $188咖哩非常有驚喜，唔會太辣帶甜味，而且非常之香，入面仲會有蟹肉。蒜蓉包上面有牛油，外脆內軟，加埋咖哩汁超好食。🌟 泰式蟹肉炒飯 $158炒飯乾身唔油膩，蟹肉份量足，仲有蛋絲同蔥花，簡單但好有鑊氣，食落好香口。🌟 燒扇貝 4Pc $138燒扇貝比我想像中大粒，咬落去啖啖肉，燒得岩岩好好，肉質彈牙！特調醬汁酸酸辣辣，更加帶出扇貝嘅鮮味。🌟 Coconut/Pandan milkshake $78呢間餐廳既奶昔非常推薦，不論斑蘭定係椰子都係超級香甜，我個人會比較推薦斑蘭味，出面比較少有而且真係好香，面層忌廉都好重奶味好好味。
每次同朋友嚟「Ruên Thai & Vietnamese」都見到坐爆人，今次又係假期前夕同朋友過黎Chill，順便都推介比大家。
———————————————
🌟 泰式牛肉沙律 $148
牛肉切得厚薄適中，中間粉嫩完全冇筋，腍身得嚟牛味好濃！泰式沙律汁酸辣開胃，加埋新鮮蔬菜，清爽又惹味，絕對係必點前菜！
🌟 泰式椰菜苗 $108
鑊氣十足！椰菜苗炒得翠綠爽脆，面頭鋪滿炸蒜，蒜香撲鼻。
🌟 泰式黃咖哩蟹肉配蒜蓉包 $188
咖哩非常有驚喜，唔會太辣帶甜味，而且非常之香，入面仲會有蟹肉。蒜蓉包上面有牛油，外脆內軟，加埋咖哩汁超好食。
🌟 泰式蟹肉炒飯 $158
炒飯乾身唔油膩，蟹肉份量足，仲有蛋絲同蔥花，簡單但好有鑊氣，食落好香口。
🌟 燒扇貝 4Pc $138
燒扇貝比我想像中大粒，咬落去啖啖肉，燒得岩岩好好，肉質彈牙！特調醬汁酸酸辣辣，更加帶出扇貝嘅鮮味。
🌟 Coconut/Pandan milkshake $78
呢間餐廳既奶昔非常推薦，不論斑蘭定係椰子都係超級香甜，我個人會比較推薦斑蘭味，出面比較少有而且真係好香，面層忌廉都好重奶味好好味。
張貼
