影片
更多
2023-01-03
203 瀏覽
【大角咀名氣新加坡咖喱餐廳 - 星洲總廚】🤑人均：$100-150呢間食過幾次，每次嚟到都選擇困難，睇餐牌都已經覺得好吸引嘅餐廳。前排裝修完終於嚟試下，個人覺得裝修後坐得仲逼咗，仍然有好多人排隊食，繁忙時間可能要排一陣啦。另外呢加係用QRcode落單，帶個頭盔，太肚餓唔記得影餐牌，價錢同菜名會有出入。🏠環境 ： 啱啱裝修完，光鮮但座位少逼，唔算坐得舒服。🍳食物： 💥 排骨濃蝦湯虎蝦摻摻 （正確菜名唔記得咗）約 $75 (7.5/10)一嚟試下個蝦湯先，自己試過係屋企整蝦湯，其實比想像中要用更多蝦先整到較有味既蝦湯，呢個湯有幾出既蝦味又唔似落味精或者其他調味，幾好飲。另外有2隻虎蝦一開二，份量睇落都多，不過啲肉質‘’梅”，如果煎過下會好啲，似平時惠康百佳買個啲急凍蝦肉但解凍唔好，而且唔止一隻係咁。排骨份量唔算多，食肉獸大食少少未必夠喉，所以啲分數都係俾蝦湯 🤣 摻摻姐係米粉加油麵，想要淨米粉或油麵都可以揀。💥香辣羊架叻沙滲滲 約 $90 (9/10)羊架煎得好靚，用香料醃過有微微辣味，肉都唔算細舊，下面有啲沙律菜墊底吸下油。叻沙湯底香濃甜辣適中，有椰奶香味，我自己就好鐘意，仲有3舊豆卜
🤑人均：$100-150
呢間食過幾次，每次嚟到都選擇困難，睇餐牌都已經覺得好吸引嘅餐廳。前排裝修完終於嚟試下，個人覺得裝修後坐得仲逼咗，仍然有好多人排隊食，繁忙時間可能要排一陣啦。另外呢加係用QRcode落單，帶個頭盔，太肚餓唔記得影餐牌，價錢同菜名會有出入。
🏠環境 ： 啱啱裝修完，光鮮但座位少逼，唔算坐得舒服。
🍳食物： 💥 排骨濃蝦湯虎蝦摻摻 （正確菜名唔記得咗）約 $75 (7.5/10)
一嚟試下個蝦湯先，自己試過係屋企整蝦湯，其實比想像中要用更多蝦先整到較有味既蝦湯，呢個湯有幾出既蝦味又唔似落味精或者其他調味，幾好飲。另外有2隻虎蝦一開二，份量睇落都多，不過啲肉質‘’梅”，如果煎過下會好啲，似平時惠康百佳買個啲急凍蝦肉但解凍唔好，而且唔止一隻係咁。排骨份量唔算多，食肉獸大食少少未必夠喉，所以啲分數都係俾蝦湯 🤣 摻摻姐係米粉加油麵，想要淨米粉或油麵都可以揀。
💥香辣羊架叻沙滲滲 約 $90 (9/10)
羊架煎得好靚，用香料醃過有微微辣味，肉都唔算細舊，下面有啲沙律菜墊底吸下油。叻沙湯底香濃甜辣適中，有椰奶香味，我自己就好鐘意，仲有3舊豆卜、2粒魚蛋一隻流心蛋跟埋，超級豐富，呢個價錢我會想食多次。
每碗跟一杯餐飲，特飲有啲要加錢，我飲咗凍檸水無咩特別就唔多講啦。
✨價錢 : 呢個價錢好似唔平，用料同湯底，成個味道都係好食既，我就覺得好值，叻沙暫時食過最好食一間。
張貼
