捌哥‧馬拉籽 (已結業)

🍲豬肚肉骨茶 $56🐓馬拉籽芽菜雞 半隻 $138🍛仁噹牛肉辣死你嗎 $82🥪咖央多士 $33🥤茶啡滲 $22🥤Zero $12 (+$2冰底)🔸去大圍玩之後揀咗間親民馬拉菜小店，入座之後店員就比咗肉骨茶我地飲下先，好濃郁好香藥材味，勁正！🔸到真係嗌嘢食啦，首先試咗豬肚肉骨茶，就好似上面咁講，藥材香味好重，豬肚煲得好腍，但仲係彈牙。呢個湯唔只暖胃，仲有一種家鄉味，飲完真係好滿足🔥🔸之後試咗馬拉籽芽菜雞，半隻雞$138。雞肉好嫩滑多汁，配埋爽口嘅芽菜，真係好開胃。呢個份量好大，兩三個人食都夠😋🔸仁噹牛肉辣死你嗎都唔錯，其實係辣牛肉椰漿飯，牛肉煮得啱啱，好嫩滑之餘又有嚼勁，仁噹醬嘅辣味同香味融合得啱啱好，辣得嚟唇齒留香，但又唔會太刺激🔸甜品方面，我哋揀咗咖央多士。咖央醬甜而唔膩，配埋酥脆嘅多士，簡直係絕配。每一啖都感受到咖央醬嘅濃郁香甜。飲品我哋點咗茶啡滲同Zero。茶啡滲係馬來西亞經典飲品，茶同咖啡嘅味道融合得好好，層次分明🔸總括嚟講呢間餐廳唔單止提供平靚正嘅馬來西亞菜，仲令人感受到濃厚嘅馬來風情🇲🇾值得一試