影片
更多
2025-05-05
6 瀏覽
今日去咗啟德最新嘅室內玩樂中心Joypolis Sports度玩左一個下午，玩完之後成身都散晒，就喺入面4樓一間叫「餓虎藏龍」嘅酒吧餐廳食晚餐。餐廳嘅裝修都非常有特色，夜晚嘅時段可以喺室外位置睇到啟德主場館閃亮嘅裝置，適逢今日係謝霆鋒演唱會，酒吧入面亦都播住謝霆鋒嘅經典金曲，真係好有feel！🍊 花生醬鹹蛋黃金沙單骨雞翼金沙單骨雞翼炸得非常酥脆，配上花生醬同鹹蛋黃做調味，食落好惹味，而且單骨雞翼食起上嚟好方便，做餐前小食啱晒🍊 名古屋土雞餃子配洋蔥薑酸醋汁名古屋煎餃子有五隻，即叫即煎所以上菜時仍然熱辣辣，餃子嘅外皮煎到香脆，入面嘅餡料多汁嫩滑，唔會煎到好乾身，有雞肉同蔬菜嘅口感，配上洋蔥薑酸醋汁好夾🍊 明太子鱈場蟹肉忌廉烏冬忌廉烏冬上有大量嘅明太子、鱈場蟹肉同青蔥，加上鮮忌廉醬汁好濃稠，攪拌後一齊食令每一條烏冬都沾上明太子或蟹肉，醬汁亦都好掛烏冬，而且烏冬嘅份量啱啱好，食完唔會太油膩🍊 和牛芝士漢堡配香脆薯格呢個漢堡幾有誠意，麵包烘得好脆身而且食落非常軟熟，和牛漢堡煎完之後仍然保持到肉汁，食落去牛肉味濃郁，肉質幾結實而唔鬆散，加上半溶嘅芝士、洋蔥、蕃茄、生菜、醬汁等配料，成個漢堡都好好
🍊 花生醬鹹蛋黃金沙單骨雞翼
金沙單骨雞翼炸得非常酥脆，配上花生醬同鹹蛋黃做調味，食落好惹味，而且單骨雞翼食起上嚟好方便，做餐前小食啱晒
🍊 名古屋土雞餃子配洋蔥薑酸醋汁
名古屋煎餃子有五隻，即叫即煎所以上菜時仍然熱辣辣，餃子嘅外皮煎到香脆，入面嘅餡料多汁嫩滑，唔會煎到好乾身，有雞肉同蔬菜嘅口感，配上洋蔥薑酸醋汁好夾
🍊 明太子鱈場蟹肉忌廉烏冬
忌廉烏冬上有大量嘅明太子、鱈場蟹肉同青蔥，加上鮮忌廉醬汁好濃稠，攪拌後一齊食令每一條烏冬都沾上明太子或蟹肉，醬汁亦都好掛烏冬，而且烏冬嘅份量啱啱好，食完唔會太油膩
🍊 和牛芝士漢堡配香脆薯格
呢個漢堡幾有誠意，麵包烘得好脆身而且食落非常軟熟，和牛漢堡煎完之後仍然保持到肉汁，食落去牛肉味濃郁，肉質幾結實而唔鬆散，加上半溶嘅芝士、洋蔥、蕃茄、生菜、醬汁等配料，成個漢堡都好好食！而家好少餐廳提供薯格，薯格炸得好香脆
🍊 JOYPOLIS SPORTS
呢杯mocktail係好夢幻嘅藍色，主要用咗藍色嘅橙酒Curacao同梳打水，再加入菠蘿汁、柚子汁同百香果汁，所以味道甜甜地，飲落有啲都幾似fruit punch
🍊 HINODE
呢杯mocktail係好神秘嘅紫色，主要用咗冇酒精成份嘅Cordial做base，而呢款codiral係酒吧自己製嘅洛神花茶味，再加入菠蘿同青檸，所以味道帶少少酸味同苦澀味，甜度唔高
🍊 綠茶香蕉蛋糕配椰子雪糕
綠茶香蕉蛋糕分咗兩層，上層嘅香蕉蛋糕配埋焦糖香蕉片一齊食好香，下層嘅綠茶蛋糕，帶有淡淡嘅茶香，整體口感鬆化，配埋清甜嘅椰子雪糕一齊食
📍 九龍城啟德承啟道38-39號啟德體育園運動健康中心4樓WC-401號舖
位置就腳：🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊
整體CP值：🍊🍊🍊🍊🍊
張貼
