影片
更多
2021-02-28
188 瀏覽
Weekend同朋友出CWB行街，揀左食呢間台式火鍋放題！印象中牛大人有好多分店，不過今次係我地兩個第一次試。銅鑼灣廣場二期搭扶手電梯再轉𨋢上到五樓，就會見到牛大人。因為佔左成層樓，所以面積都唔細，以火鍋放題來講，都算坐得幾闊落舒適。套餐分3款，因為價錢都唔係差太遠，我地就揀左$198，湯底有8種可以揀，今次決定特別啲，試眷村白玉酸菜鍋。揀完湯底之後，直接掃QR code就可以落單，方便～湯底裡面加左醃漬酸菜、五花肉等等，微酸夾雜少少清甜味，唔錯！和牛、魚滑、小食要落單嗌，丸類、蔬菜之類就可以直接出去自助區拎。和牛（$198限定個款）真係食得出牛味係濃啲，所以我地試左一round其他牛之後，最後都係嗌返$198個隻。野食整體來講質素都唔錯，最有驚喜可能係佢個蟹籽墨汁漿，質感厚實、海鮮味濃，覺得係全餐除左牛之外最好食，強推一定要試！！野飲選擇都有好多，除左基本汽水之類，最特別係有佢地自家既茶！我試飲左白桃烏龍，茶味夠香，唯一少少美中不足係俾白桃搶走左少少味，但overall都好清新，幾適合打邊爐。希望下次有機會可以試埋洛神花茶～小食有台式鹽酥雞等等，醬汁可以自己出去自助區調製。小食係一人
印象中牛大人有好多分店，不過今次係我地兩個第一次試。
銅鑼灣廣場二期搭扶手電梯再轉𨋢上到五樓，就會見到牛大人。
因為佔左成層樓，所以面積都唔細，以火鍋放題來講，都算坐得幾闊落舒適。
套餐分3款，因為價錢都唔係差太遠，我地就揀左$198，湯底有8種可以揀，今次決定特別啲，試眷村白玉酸菜鍋。
揀完湯底之後，直接掃QR code就可以落單，方便～
湯底裡面加左醃漬酸菜、五花肉等等，微酸夾雜少少清甜味，唔錯！
和牛、魚滑、小食要落單嗌，丸類、蔬菜之類就可以直接出去自助區拎。
和牛（$198限定個款）真係食得出牛味係濃啲，所以我地試左一round其他牛之後，最後都係嗌返$198個隻。
野食整體來講質素都唔錯，最有驚喜可能係佢個蟹籽墨汁漿，質感厚實、海鮮味濃，覺得係全餐除左牛之外最好食，強推一定要試！！
野飲選擇都有好多，除左基本汽水之類，最特別係有佢地自家既茶！我試飲左白桃烏龍，茶味夠香，唯一少少美中不足係俾白桃搶走左少少味，但overall都好清新，幾適合打邊爐。希望下次有機會可以試埋洛神花茶～
小食有台式鹽酥雞等等，醬汁可以自己出去自助區調製。小食係一人份量咁上，唔驚食唔哂，呢點幾好。總體而言，牛大人以呢個價錢來講真係出乎意料既驚喜，如果係想同朋友輕鬆打個邊爐吹下水OR想試下台式湯底，會係一個唔錯既選擇。
張貼
