Villa Villa

營業中

休息中

當你離開咗觀塘，彷彿覺得周圍都係平啲抵食啲，觀塘又貴又唔係特別好食，有時都唔係好理解。是日放假，我男人帶我嚟北角食。行左入黎後巷，有好幾間似唔錯嘅餐廳，佢話黎過呢間食薯條，好好食，所以就帶我食。Lunch set就係唔貴，仲要包一杯飲品同有餐包。湯係濃菇湯，有啲黑松露（？）味，個包烘過，鬆鬆地但唔會過硬。日本迷你帶子配意大利青瓜意粉，76元，配海膽汁，超有味，而且微辣落口係舒服，啖啖都夠味好香口，帶子唔硬，好滿足。卡邦尼意粉（轉闊麵），69元，掛汁唔太過濕或膩，香味出，超值。