家賀屋

以前喺灣仔返工，呢間刺身壽司專門店都算係阿叔同同事、朋友成日嚟慶祝生日嘅好地方。原來佢哋近排開咗分店，仲要喺銅鑼灣添，以後嚟食又再方便咗！月見 - 極丼定食 ($245) 一碗有齊海膽、三文魚籽、本鯖魚腩蓉同日本夢王蛋蛋黃，絕對係午市嘅豪華丼飯！刺身逐層一環一環地鋪滿成碗飯，賣相非常吸睛之餘，食落款款刺身亦鮮味無窮！我自己就最鍾意三款刺身撈埋蛋汁一口食，一次過品嚐晒鹹、鮮、甜、滑嘅滋味。呢種感覺，極致幸福！自問細食嘅你要小心，因為除咗丼飯，定食仲跟有一碗高野豆腐手打烏冬、海帶味噌湯、胡麻田園沙律同海鮮茶碗蒸，樣樣都份量十足，小心飽到嘔，哈哈！特濃開心果雪糕脆窩夫杯 ($68)如果嚟同朋友慶祝生日，唔好唔記得叫番個甜品打吓卡。料理店桀咗會幫你寫名外，仲會免費畫公仔，真心畫得好靚，畫乜似乜！今次阿叔就揀咗呢款開心果雪糕脆窩夫杯，雪糕味道濃郁，又唔會太甜，連埋窩夫杯一齊食，更添口感。