火五越式牛肉粉專門店 (其昌樓)

營業中

休息中

喺佐敦附近想簡單食碗粉，見openrice評價唔錯就入嚟試下～兩個人各自叫咗一個豬頸肉撈檬同越式花膠老火雞湯河。整體嚟講，價錢唔算好貴，小食價錢都幾合理，份量好足，喺佐敦咁啱想食碗越南河嘅你都可以一試。另外值得一讚服務姐姐都幾有禮------------------------ 越式花膠老火雞湯河 $56 個個都食牛肉，就唱下反調試下個花膠雞，佢雞湯味都幾重，唔會太咸，啲河粉易咬，熟得啱啱好，上菜幾快，一嚟到碗河夠熱，雞肉係有骨個種，肉質偏實正，雞味算濃。------------------------香茅豬頸肉撈檬 $58撈檬個汁係加分位，唔會太酸或者太甜，幾開胃，豬頸肉同雞肉一樣都係實正啲，整體份量都幾多。------------------------手作大蝦米紙卷 $58米紙值得一讚係唔會太韌，好易咬而且包得幾好，唔會一夾就散，點少少汁食，米紙加埋檬粉絲、菜、蝦嘅口感幾豐富，如果蝦再大隻啲就仲開心啦～------------------------意大利黑醋汁蒜蓉牛油雞翼  $38蒜蓉牛油雞翼賣相幾吸引😆食落熱辣辣，而且夠香脆，雞翼size都幾大隻，而且肉質都係偏實正﹗～🗯️：