影片
營業時間
今日營業
10:00 - 23:30
星期一至日
10:00 - 23:30
以上資料只供參考, 請與餐廳確認詳情
食家推介
相關文章
大西北人已經外賣自取幾次返屋企同屋企人一齊食, 認真係我成家人嘅愛店, 不過感覺無咩人幫襯, 所以特登寫個評論。🙏♥️食物如題, 請大家嗌撈檬。♥️（其實除咗撈檬無點嗌過其他, 淨係食過一次火車頭河粉, 不過個人感覺普通😅）。但係撈檬真好食, 佢哋個汁係重點, 夠味同難得夠酸（成家食慣我婆婆整嘅撈檬, 我個人又偏好酸味, 所以對撈檬汁嘅酸味有D要求）。我由細到大喺出面都無試過食到咁有酸味撈檬（當然同我婆婆整嘅仲差少少, 不過對比起我以往出街食過嘅撈檬, 呢間店已經可以有~9分🥹）。其他餸應該正正常常, 不過加埋嗰撈檬汁就超開胃好食。🤤總之希望大家多多支持小店，而且外賣自取仲有折, 抵試抵食㗎🫶。（btw佢好近佐敦西鐵站出口, 所以幾方便）
繼續閱讀
今次試咗生牛肉河粉，整體感覺普普通通，湯底味道偏淡，牛骨香氣唔夠突出，生牛肉片切得過薄，浸落熱湯度轉眼就熟晒，失去咗生牛肉應有嘅粉嫩口感店員服務態度友善，上菜速度都幾快。另外加咗份炸雞翼，炸得金黃香脆，咬落去肉質都算juicy，係全餐比較好嘅部分。 以呢個價位嚟講，食物質素算係合理，但未至於會令人想回頭再試。不過如果當快餐得閒食吓都OK，因為見佢都人來人往，始終係嗰條街平民嘅嘢唔多，有時想食碗麵呢間算係一個選擇
繼續閱讀
每次嚟佐敦道必食嘅一間越式料理，肉足粉多，今次食咗撈檬，汁都好香，檬粉軟硬適中，有彈性唔會太軟，而且店內提供配料可以問職員攞，我自己就叫咗青檸，同埋都有水、紙巾嗰啲免費提供。價錢正常而且服務質素同食物質素都好好，每次食完都會好想再嚟食下次🍴我自己就係學生，每次補習完得閒就嚟食，希望更加多人可以發現到呢間餐廳！真係一間良心好食嘅餐廳😭👍🏻都可以試吓佢啲河粉都好好味！！希望我嘅好評可以令佢多啲生意😭
繼續閱讀
下午茶兩點到六點， 飲品可以在餐牌裏面任選一杯 。其實真係幾抵 👍我今日食咗生牛肉河，河粉ok，牛肉合格， 湯底係冇鮮味嘅， 醫肚就一流。 見佢平平地， 又近自己 ，下次會試第二款。
繼續閱讀
之前喺太子嘅時候已經嘗試呢間舖，但係佢個位置實在太吊腳，所以都會搬咗舖都係未試過。又探完病喺佐敦，又唔知食咩好，簡簡單單食粉就諗起佢。屋企人買咗兩個生熟牛肉，同埋一個香茅豬扒飯，我就自己嗌咗一個一人餐生熟牛肉湯檬加份蝦餅，同埋有杯白桃梳打，梳打有啲桃肉唔係椰果幾好。屋企有碗湯河嗰度偷咗個熟牛肉食，其實係啲牛肋條切粒，不過都幾冧嘅有牛味。跟住又攞住屋企人一塊香茅豬扒食都幾香，雖然薄身唔會太乾。我個生牛肉湯就正常發揮，個湯頭唔會太甜，個份量都幾大碗。另外個蝦餅就唔覺有蝦肉不過唔使$100一人餐，個質素完全可以接受，都好過一啲泰國餐廳嘅質素。不過始終冇食過之前舊鋪，所以冇比較冇傷害。事次用餐為自費。
繼續閱讀