影片
更多
2025-02-26
171 瀏覽
今日約咗一個好耐冇見嘅朋友見吓面，佢就建議去一間餐廳，話嗰度「旺得來又好靜」，適合傾吓偈，飲杯酒。佢嘅環境幾闊落，座位同座位之間尚算鬆動，有一定私隱度。而且燈光暗暗地，又幾好feel。特別嘅係成個舖雖然近乎坐滿，但又唔會好嘈，好大聲傾偈。反而個個都好細聲咁傾，有種平靜又熱鬧嘅感覺，確實啱晒三五知己小酌一杯。我哋就試咗以下呢啲食物：梅子蕃茄 $58本身以為味道會酸酸地，但意外地佢係好甜。相信蕃茄應該浸咗蜜糖水/糖水一段時間，梅子味係最後先會浸少少出嚟。整體感覺好清爽。。豆腐沙律 $78沙律菜爽貼，加埋少少日式沙律醬。酸酸甜甜幾開胃。佢嘅豆腐亦都加咗蟹蓉，味道層次多咗，令沙律冇咁單調。建議叫一個慢慢食可以消消解膩。雞皮餃子 $60味道未算好特別，勝在新鮮整起，熱辣辣皮脆多汁。燒明太子 $58好明太子經過炙燒再放喺青瓜同蘿蔔蓉上面，明太子味道偏鹹帶少少辣味，搭埋青瓜同蘿蔔蓉增加清爽嘅感覺。但仍然係偏鹹，建議配酒食。岩鹽魷魚一夜乾 $98帶少少燒香嘅味道，肉質韌中帶爽，唔算難咬。加上岩鹽調味啱啱好，又係非常啱送酒。串燒：雞軟骨 $35佢係日式嗰種雞軟骨，軟骨嘅部份幾大嚿，而且會連帶少少肉。呢種
今日約咗一個好耐冇見嘅朋友見吓面，佢就建議去一間餐廳，話嗰度「旺得來又好靜」，適合傾吓偈，飲杯酒。
佢嘅環境幾闊落，座位同座位之間尚算鬆動，有一定私隱度。而且燈光暗暗地，又幾好feel。特別嘅係成個舖雖然近乎坐滿，但又唔會好嘈，好大聲傾偈。反而個個都好細聲咁傾，有種平靜又熱鬧嘅感覺，確實啱晒三五知己小酌一杯。
我哋就試咗以下呢啲食物：
梅子蕃茄 $58
本身以為味道會酸酸地，但意外地佢係好甜。相信蕃茄應該浸咗蜜糖水/糖水一段時間，梅子味係最後先會浸少少出嚟。整體感覺好清爽。。
豆腐沙律 $78
沙律菜爽貼，加埋少少日式沙律醬。酸酸甜甜幾開胃。佢嘅豆腐亦都加咗蟹蓉，味道層次多咗，令沙律冇咁單調。建議叫一個慢慢食可以消消解膩。
雞皮餃子 $60
味道未算好特別，勝在新鮮整起，熱辣辣皮脆多汁。
燒明太子 $58
好明太子經過炙燒再放喺青瓜同蘿蔔蓉上面，明太子味道偏鹹帶少少辣味，搭埋青瓜同蘿蔔蓉增加清爽嘅感覺。但仍然係偏鹹，建議配酒食。
岩鹽魷魚一夜乾 $98
帶少少燒香嘅味道，肉質韌中帶爽，唔算難咬。加上岩鹽調味啱啱好，又係非常啱送酒。
串燒：
雞軟骨 $35
佢係日式嗰種雞軟骨，軟骨嘅部份幾大嚿，而且會連帶少少肉。呢種連骨嘅肉特別香，而且軟骨部份唔會太難咬，啱晒鍾意吮骨嘅朋友。
雞頸肉 $35
雞頸嘅肉同油香相對會多啲，但仍然好有咬口。
雞翼 $45
雞翼嘅生熟程度燒得啱啱好，皮脆肉嫩多汁。意外地有驚喜。
兔治雞肉棒 $58
呢度嘅免治雞肉棒軟骨特別細碎，有少少口感得來唔會太過難咬。面頭嘅醬油唔會太甜，加埋生蛋黃，味道口感都平衡得好好。
豬頸肉 $48
豬頸肉油香非常充足，加上面頭搽咗一層甜甜地嘅醬，會有少少脆身嘅效果。店家為咗令佢唔會太油膩，加咗一點山葵，多咗股刺激同層次。
日本豚腩 $48
腩肉非常厚切大嚿，咬落去油香四溢，非常香口。中間搭配一段京蔥，多咗股清香嘅味道。
雞皮
雞皮非常酥脆，咬落去會有少少油香脆，但唔會覺得有負擔，食多幾串都得。🤣🤣
牛油果炸蝦卷 $118
呢個可能係我食過最好食嘅牛油果炸蝦卷。佢嘅牛油果非常軟滑，有牛油果獨特嘅油香。加埋啱啱乍起嘅吉列炸蝦，軟滑、脆口同時並存，口感非常豐富。
整體小編認為佢都係一間高質嘅串燒店，佢大部份串燒都偏大串，而且調味好簡單，只係用鹽同胡椒同檸檬汁，但已經成功吊起肉味同令串燒變得惹味，盡顯廚師功架。
雖然佢價錢唔係特別平，但考慮佢嘅地段同環境夠晒靜，又坐得舒服，真係好啱同朋友嚟坐低傾吓偈食吓嘢。而且我見佢OpenRice有優惠，食夠$500就有獺祭同生啤飲。（詳情請去OpenRice睇）總好過去啲太嘈嘅酒吧，又放鬆唔到傾偈，食物又一般般。
味道：8.2/10
環境：8.1/10
抵食：7.8/10
服務：8/10
星橋居酒屋 (中環)
中環嘉咸街35-39號嘉豪大廈地舖
#香港必食 #香港美食 #食評 #香港食評 #香港生活 #小紅書 #hkig #hkfood #hkfoodie #hkeat #centralfood #central #中環 #中環美食 #日本菜 #日式料理 #日式 #居酒屋 #串燒 #japan #japanese #焼き鳥 #やきとり #ケバブ #焼き鳥好きな人と繋がりたい #焼鳥 #焼肉 #酒 #日本酒 #sake
張貼
