影片
更多
2024-11-02
147 瀏覽
今日去咗中環砵典乍街一間叫「Mojo Bistro」嘅西式扒房食晚餐，餐廳嘅裝修充滿復古風味，有一個好靚嘅酒吧吧枱，而且燈光昏暗有情調，適合情侶閨蜜去慶祝。餐牌有多款經典西式菜餚，而且星期二至六做緊特別優惠，每一日嘅夜晚5點半至10點可以用半價買一份指定餐點，今日星期二可以嗌加拿大豬苛鞍扒配蘋果醬，而且係OpenRice訂座仲可以享有全單八折優惠，真係幾抵食！🍊Mojo House Mussels with Fries & Mayo 呢碟藍青口嘅份量唔算多，不過每一粒青口嘅味道都幾鮮甜，而且上菜時有蠟燭喺青口下面保溫，配上餐廳自家調製嘅白酒忌廉汁，混合洋蔥、蒜頭、白酒同奶油嘅香味，同青口一齊食好夾，配菜有香脆嘅炸薯條同沙律蛋黃醬🍊Grilled Tiger Prawn Linguine兩隻虎蝦都好大隻，煎香後嘅口感仍然爽口彈牙，蝦肉味道鮮甜，配上味道濃郁嘅龍蝦忌廉汁，提升咗虎蝦嘅鮮味，底下嘅扁意粉亦都吸收晒龍蝦忌廉汁🍊Canadian Pork Rack加拿大嘅豬鞍扒面積同厚度都好大，表面煎到好靚，切落去豬肉非常嫩滑，仍然保持豐富嘅肉汁，同時保持到豬鞍扒嘅口感，醬汁可以配酸甜開胃嘅蘋果
🍊Mojo House Mussels with Fries & Mayo
呢碟藍青口嘅份量唔算多，不過每一粒青口嘅味道都幾鮮甜，而且上菜時有蠟燭喺青口下面保溫，配上餐廳自家調製嘅白酒忌廉汁，混合洋蔥、蒜頭、白酒同奶油嘅香味，同青口一齊食好夾，配菜有香脆嘅炸薯條同沙律蛋黃醬
🍊Grilled Tiger Prawn Linguine
兩隻虎蝦都好大隻，煎香後嘅口感仍然爽口彈牙，蝦肉味道鮮甜，配上味道濃郁嘅龍蝦忌廉汁，提升咗虎蝦嘅鮮味，底下嘅扁意粉亦都吸收晒龍蝦忌廉汁
🍊Canadian Pork Rack
加拿大嘅豬鞍扒面積同厚度都好大，表面煎到好靚，切落去豬肉非常嫩滑，仍然保持豐富嘅肉汁，同時保持到豬鞍扒嘅口感，醬汁可以配酸甜開胃嘅蘋果醬或者傳統嘅黑椒汁，兩隻醬都好夾，配菜有薯仔、紅蘿蔔、車厘茄同西蘭花
🍊Baked Alaska
呢個甜品賣相好似火山，職員會將烈酒點火再淋到蛋白上，營造咗個火焰火山嘅視覺效果，層蛋白好似疏乎厘一樣咁軟熟，空氣感好重，火焰過後表面帶有少少焦香嘅味道，外層係士多啤梨同雲呢拿雪糕，味道唔算太甜，用嚟打卡慶祝一流
📍中環砵甸乍街45號The Steps ‧ H Code 2樓
位置就腳：🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
張貼
