鬼金棒牛骨辣麻拉麵 (已結業)

「鬼金棒」推出全新姐妹店「鬼金棒牛骨湯拉麵」，因為我本身都有食開「鬼金棒」，今次就試下哩間新開既有咩唔同！味玉辣麻牛骨拉麵 $110辣麻味可以分開揀你要既程度，辣味麻味都好出，鐘意食麻辣既會特別鐘意～ 不過食到辣味牛骨湯底就好似唔夠出，下次要試返招牌牛骨拉麵。以佢哋選用細麵，據說係同日本合作夥伴開發，掛汁的程度適中，口感偏爽，唔會好快腍。味玉辣麻牛骨沾麵 $110沾麵係粗麵，除咗麵唔同其他都係同牛骨拉麵一樣。配料有以西冷部位製成嘅牛叉燒，用左醬油煎香，會帶少少鹹味同胡椒香！整體黎講，鬼金棒牛骨湯拉麵有細麵選擇同口味無鬼金棒咁濃味，以我記得鬼金棒就係得粗麵～