沛

營業中

休息中

最近停晚市，要四周圍搵晚飯着落，喺深水埗附近見到間韓國餐廳有九折！所以叫咗個二人餐！牛肉紫菜包飯入面嘅餸菜量非常之多，唔會剩係得白飯，而且佢跟韓國嗰種整法加咗好多白芝麻，入口味道同口感都好豐富！牛肉炒粉絲呢個食物睇落簡單，但所有配料都要預先準備，仲要個粉絲唔會吵到一pat嘢咁，真係喺餐廳食先食到！炒粉絲落足麻油，好香！有機會都想堂食再試多少少野食！泡菜炒五花腩泡菜會有少少辣，但入口好惹味，雖然係薄切五花腩，但係量都好多！