影片
更多
2024-07-25
640 瀏覽
今日終於搵到個好地方實現牛扒自由了🥰真正任食澳洲安格斯牛扒都只係$268一位，呢個價錢仲包埋薯條任食，雖然熱氣但真係好吸引😛The Flame主打比較Chill既格局，入門就見到大吧檯，後面先係用餐區域，有分戶內同戶外，都係輕鬆吹水既好地方，見唔少客人都係黎叫生蠔小食開幾枝酒談天說地🥂唔淨係得牛扒放題客放題餐仲可以按需要點齊其他配餐🍽令儀式感更足，黎一個Full set既正宗西餐，同時可以解膩轉換一下口味🥗南瓜忌廉湯 +$15 ＆ 凱撒沙律 +$38南瓜味道淳厚香濃滑溜，沙律芝士粉十足，酸甜感很開胃🥩澳洲安格斯牛扒同行既朋友同我一樣揀咗5成熟，一邊食前菜慢慢等牛扒既到來🤤牛扒上檯時就有油脂既香氣，濃度恰好唔會太搶鼻，安格斯牛扒既肥瘦適中，Resting處理得都唔錯，肉汁剛好鎖住，一咬落去豐富惹味，牛扒筋唔多易咬，簡單黑椒同鹽既調味就足夠😁之後都叫多咗幾塊安格斯牛扒，出品都幾穩定，依然多汁有肉味😋🍟任食薯條萬萬估唔到係桶裝上咁誇張，炸既火喉同油溫都適中，唔會有焦黑情況，幼薯條超級脆，一路食都唔會變得好軟，幾有驚喜🫚Tropical Sunrise $52Fruit Punch $42🍹8
The Flame主打比較Chill既格局，入門就見到大吧檯，後面先係用餐區域，有分戶內同戶外，都係輕鬆吹水既好地方，見唔少客人都係黎叫生蠔小食開幾枝酒談天說地🥂唔淨係得牛扒放題客
放題餐仲可以按需要點齊其他配餐🍽令儀式感更足，黎一個Full set既正宗西餐，同時可以解膩轉換一下口味
🥗南瓜忌廉湯 +$15 ＆ 凱撒沙律 +$38
南瓜味道淳厚香濃滑溜，沙律芝士粉十足，酸甜感很開胃
🥩澳洲安格斯牛扒
同行既朋友同我一樣揀咗5成熟，一邊食前菜慢慢等牛扒既到來🤤牛扒上檯時就有油脂既香氣，濃度恰好唔會太搶鼻，安格斯牛扒既肥瘦適中，Resting處理得都唔錯，肉汁剛好鎖住，一咬落去豐富惹味，牛扒筋唔多易咬，簡單黑椒同鹽既調味就足夠😁
之後都叫多咗幾塊安格斯牛扒，出品都幾穩定，依然多汁有肉味😋
🍟任食薯條
萬萬估唔到係桶裝上咁誇張，炸既火喉同油溫都適中，唔會有焦黑情況，幼薯條超級脆，一路食都唔會變得好軟，幾有驚喜🫚
Tropical Sunrise $52
Fruit Punch $42
🍹8點前有Happy hour價可以享受埋呢度既調酒，揀咗較清爽既果味調酒，配合豐盈既煎牛扒剛剛好
最後點埋佢地既甜品去埋尾，每日精選係類似Opera既朱古力蛋糕🍰有點crunch口感得黎唔會太甜，朱古力有甘香
另外有款打卡甜品就係火焰法式焦糖燉蛋🥧職員點著黑漆漆包圍住既甜品杯，係絢爛既火光下焦糖燉蛋登場🔥上層焦脆，內裏滑溜多蛋奶味，令人滿足
張貼
