影片
更多
2020-12-09
1367 瀏覽
《 西 營 盤 值 回 票 價 隱 世 小 店 》經朋友介紹去左位於西營盤一間隱世餐廳，質素高味道好～聽到就梗係即刻約埋朋友出黎試下啦！😍今次一共叫左三個主菜同三個甜品，可以話完全無伏位呀！每一樣都好值得推介。「 餐湯同麵包 」今次嘅餐湯係粟米湯，有好濃郁嘅粟米甜味，飲得出係用粟米鮮打而成，吾會滯之餘仲好開胃。另外，店長話餐飽係佢自己製造🤩我地另外仲叫左杏仁牛角包，類似墨西哥包上嘅脆皮再灑上杏仁，入口甜甜脆脆，而且仲有杏仁醬做餡，食個時驚喜十足，必叫！「 主菜 」Rosemary Chicken $138烤雞外皮香脆，雞肉鮮嫩，保留雞肉嘅肉汁。新鮮炸起嘅薯條配上自家製蜜糖芥末醬真係人間美味！😍Spätzle With Beef Cheeks $98意粉係自家製，口感彈牙。配埋滿滿嘅牛肉絲，非常夾呀！200g Porkloin Pasta $128豬肉好嫩入口完全唔會嚡，唔會過熟，保留豬肉嘅肉汁，配以餐廳特製嘅日本青醬，口味清新😚「 甜品 」Bread Pudding $68麵包布丁係全部甜品入面中最好味！外脆內軟，甜度岩岩好，麵包吸滿奶油汁再配提子乾，將味道昇華🤩Blueberry M
經朋友介紹去左位於西營盤一間隱世餐廳，質素高味道好～聽到就梗係即刻約埋朋友出黎試下啦！😍
今次一共叫左三個主菜同三個甜品，可以話完全無伏位呀！每一樣都好值得推介。
「 餐湯同麵包 」
今次嘅餐湯係粟米湯，有好濃郁嘅粟米甜味，飲得出係用粟米鮮打而成，吾會滯之餘仲好開胃。另外，店長話餐飽係佢自己製造🤩
我地另外仲叫左杏仁牛角包，類似墨西哥包上嘅脆皮再灑上杏仁，入口甜甜脆脆，而且仲有杏仁醬做餡，食個時驚喜十足，必叫！
「 主菜 」
Rosemary Chicken $138
烤雞外皮香脆，雞肉鮮嫩，保留雞肉嘅肉汁。新鮮炸起嘅薯條配上自家製蜜糖芥末醬真係人間美味！😍
Spätzle With Beef Cheeks $98
意粉係自家製，口感彈牙。配埋滿滿嘅牛肉絲，非常夾呀！
200g Porkloin Pasta $128
豬肉好嫩入口完全唔會嚡，唔會過熟，保留豬肉嘅肉汁，配以餐廳特製嘅日本青醬，口味清新😚
「 甜品 」
Bread Pudding $68
麵包布丁係全部甜品入面中最好味！外脆內軟，甜度岩岩好，麵包吸滿奶油汁再配提子乾，將味道昇華🤩
Blueberry Mille-feuille $68
藍莓拿破崙每一層酥皮之間嘅藍莓都唔會手軟。甜而不膩嘅吉士岩岩好平衡返藍莓既酸味！
French Apple Pie $48
用千層酥皮製成既酥合，配埋厚切蘋果所帶出既口感，酸中帶甜。而且仲食到一片片既蘋果，可以好好咁為食完豐盛一餐解膩。
總括嚟講，呢餐飯完全感受到廚師投放嘅心機。麵包、意粉、甜品通通都由大廚自家製作，為客人提供完美嘅體驗。🙌🏻
張貼
