影片
更多
2024-10-06
368 瀏覽
💖 公車泰國餐廳 (元朗)✨元朗西菁街2號興旺樓地下2-3號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️呢間餐廳原來我老公已經食過幾次㗎啦，不過我喺元朗住咗咁耐就未食過😂，而家就嚟搬嚟元朗先發現佢係一間幾唔錯嘅餐廳實在太可惜了😮💨-泰式炒蟶子🐚 $168我見佢餐牌入邊有一個特價Menu，本身諗住叫炒蜆，但係老公話想試吓炒蟶子😙。佢話因為炒蜆成日都有得食，蟶子就唔係度度都有🙌🏻。佢哋用咗特製嘅泰式醬汁去炒，微辣得黎好香口，蟶子肉好實好鮮😍。-泰國燒雞（半隻) 🐥$98兩個人食叫半隻就啱晒啦！呢個亦都係特價餐牌入邊有得選擇嘅😋，外皮燒得好脆，雞肉又唔會鞋口🤤啖啖肉🤫 -酸辣海鮮湯🍲 $98通常我哋食泰國嘢都會揀個湯，不過呢一間餐廳嘅湯品選擇有好多🤭，我老公本身話想飲冬陰功，我就怕太辣飲唔到所以就揀咗呢一個得一級辣嘅酸辣海鮮湯🦐。我覺得飲落口其實佢同冬陰功差唔多，只不過香葉味同埋辣味冇咁濃郁。-馬拉盞炒通菜🥬 $68我哋成日都係泰式餐廳叫馬拉盞通菜，不過就冇一間好似呢一間咁煮得咁好食‼️佢雖然係俾我哋一般般嘅炒通菜有份高少少🤏🏻，但炒得好夠鑊氣，仲食到通菜本身嘅味道😌。而佢嘅馬拉盞醬汁亦唔太鹹，食完
💖 公車泰國餐廳 (元朗)
✨元朗西菁街2號興旺樓地下2-3號舖
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
呢間餐廳原來我老公已經食過幾次㗎啦，不過我喺元朗住咗咁耐就未食過😂，而家就嚟搬嚟元朗先發現佢係一間幾唔錯嘅餐廳實在太可惜了😮💨
-泰式炒蟶子🐚 $168
我見佢餐牌入邊有一個特價Menu，本身諗住叫炒蜆，但係老公話想試吓炒蟶子😙。佢話因為炒蜆成日都有得食，蟶子就唔係度度都有🙌🏻。佢哋用咗特製嘅泰式醬汁去炒，微辣得黎好香口，蟶子肉好實好鮮😍。
-泰國燒雞（半隻) 🐥$98
兩個人食叫半隻就啱晒啦！呢個亦都係特價餐牌入邊有得選擇嘅😋，外皮燒得好脆，雞肉又唔會鞋口🤤啖啖肉🤫
-酸辣海鮮湯🍲 $98
通常我哋食泰國嘢都會揀個湯，不過呢一間餐廳嘅湯品選擇有好多🤭，我老公本身話想飲冬陰功，我就怕太辣飲唔到所以就揀咗呢一個得一級辣嘅酸辣海鮮湯🦐。我覺得飲落口其實佢同冬陰功差唔多，只不過香葉味同埋辣味冇咁濃郁。
-馬拉盞炒通菜🥬 $68
我哋成日都係泰式餐廳叫馬拉盞通菜，不過就冇一間好似呢一間咁煮得咁好食‼️佢雖然係俾我哋一般般嘅炒通菜有份高少少🤏🏻，但炒得好夠鑊氣，仲食到通菜本身嘅味道😌。而佢嘅馬拉盞醬汁亦唔太鹹，食完之後唔會話好口渴。成餐飯我都不停地讚呢個菜勁好味🤩
-泰式豬頸肉湯河🍜 $68
倪丨丨至愛嘅湯河😝，初頭覺得$68嚟講係有啲貴🤨，直至食落口嘅嗰一刻我就發現好值得😆。首先佢個湯底有少少似泰式純面嘅湯底，加入少少魚露就更加有風味，河粉嘅份量好多，我同老公可以share一齊食😁。豬頸肉燒得好香，浸咗湯都仍然食到佢嘅脆口，另外仲加入咗蘿蔔同埋芽菜，都係煮得好入味。整體黎講有驚喜😏
-青檸茶🍋🟩 $18
-青檸冰🍋🟩 $18
兩個都係青檸製成嘅飲品，茶嘅話就有少少澀味，似茶餐廳檸檬茶。青檸冰就比較酸，好開胃👍🏻
張貼
