影片
更多
2023-06-17
25 瀏覽
作為一個麻甩佬，食飯通常都比較地踎，覺得食材正正常常，都係煎炒煮炸炆燉焗，就擺得入口啦，使乜食咁貴，懶係高級咁。不過，呢排公司個個都討論緊附近有間新開日式鐵板燒Teppanyaki好正，一個係咁講，兩個都係咁講，後尾幾乎個個都講。為咗跟上潮流，豪一次試佢一試。唔試由自可，一試隨時收唔到科❗真係一分錢一分貨，仲一分新鮮同一分好味。一入鋪，廿幾三十樓落地大玻璃，望到維港海景同埋維園景。坐低後，一人揀咗一個Dinner Set，大概9道菜，$1380一位。師傅先拎出一盤擺得靚靚嘅食材畀我哋睇下夠唔夠新鮮、質素滿唔滿意，隻大虎蝦仲擺緊尾、南非鮑魚仲夾吓夾吓咁郁，點會唔滿意。🤩話咁快上第一道菜：冷盤前菜 「唔知乜嘢螢光魷魚」🦑。輕微酸酸甜甜，魷魚爽而不韌，撈埋wasabi同魚籽一齊食，口感同味道會多啲層次。墊底嘅係豆腐，清淡。第二道係：「刺身兩味」。𠴱種新鮮同魚肉嘅肉質真係唔係一般壽司、放題店可以媲美！其中一款on top有煙燻魚籽點綴，多咗幾分幾清香。第三道係：「淮山魚湯」🥣。兩個字，鮮甜；三個字，魚味濃；四個字，淮山味出。五個字：想添多碗呀！第四道：「香煎銀鱈魚」🐟。我眼甘甘望實師傅煎，煎到
作為一個麻甩佬，食飯通常都比較地踎，覺得食材正正常常，都係煎炒煮炸炆燉焗，就擺得入口啦，使乜食咁貴，懶係高級咁。
不過，呢排公司個個都討論緊附近有間新開日式鐵板燒Teppanyaki好正，一個係咁講，兩個都係咁講，後尾幾乎個個都講。為咗跟上潮流，豪一次試佢一試。
唔試由自可，一試隨時收唔到科❗真係一分錢一分貨，仲一分新鮮同一分好味。
一入鋪，廿幾三十樓落地大玻璃，望到維港海景同埋維園景。
坐低後，一人揀咗一個Dinner Set，大概9道菜，$1380一位。師傅先拎出一盤擺得靚靚嘅食材畀我哋睇下夠唔夠新鮮、質素滿唔滿意，隻大虎蝦仲擺緊尾、南非鮑魚仲夾吓夾吓咁郁，點會唔滿意。🤩
0 瀏覽
0 讚好
0 留言
話咁快上第一道菜：冷盤前菜 「唔知乜嘢螢光魷魚」🦑。
輕微酸酸甜甜，魷魚爽而不韌，撈埋wasabi同魚籽一齊食，口感同味道會多啲層次。墊底嘅係豆腐，清淡。
0 瀏覽
0 讚好
0 留言
第二道係：「刺身兩味」。
𠴱種新鮮同魚肉嘅肉質真係唔係一般壽司、放題店可以媲美！其中一款on top有煙燻魚籽點綴，多咗幾分幾清香。
0 瀏覽
0 讚好
0 留言
第三道係：「淮山魚湯」🥣。
兩個字，鮮甜；三個字，魚味濃；四個字，淮山味出。五個字：想添多碗呀！
0 瀏覽
0 讚好
0 留言
第四道：「香煎銀鱈魚」🐟。
我眼甘甘望實師傅煎，煎到條魚某程度佢就起皮，再將塊魚皮邊煎邊塑型，變咗個拱橋。唔好意思，我見識少，覺得好有功架。師傅教趁熱食魚皮先，鹹鹹香香又脆口；魚肉啱啱相反，軟綿綿咁，煎得又夠香，如果大塊啲就好。
0 瀏覽
0 讚好
0 留言
第五道：「野生大虎蝦」🦐。
師傅教路，先食味濃嘅蝦尾，唔好落調味，香口彈牙！之後先滴兩滴檸檬汁落蝦身，唔落都得，會淡少少，但可以食真啲新鮮嘅蝦味。最後食蝦頭，半生熟狀態係最新鮮嘅原味食法。
0 瀏覽
0 讚好
0 留言
第六道：「南非鮑魚」。
❤️我最鍾意呢一味菜，彈牙唔韌，調味亦都啱啱好，咀嚼期間鮑魚香仲會慢慢滲透出嚟，有時搭配埋魚籽一齊食又係另一種享受。
0 瀏覽
0 讚好
0 留言
0 瀏覽
0 讚好
0 留言
第七道：「美國頂級牛肉 厚薄切」
因為見佢係美國牛，就以為無咁香同嫩，要嘥多啲牙力去咬。點知！有驚喜，堅好食，無論厚切定薄切都好嫩滑同有牛肉香，而且伴碟嘅蒜片同京蔥都唔馬虎。
0 瀏覽
0 讚好
0 留言
第八道：「鹿兒島櫻花蝦炒飯配炒雜菜」。
人哋話粒粒分明嘅就係好炒飯，按照呢個標準的話，呢碗炒飯做得到。望住師傅炒，其中材料好簡單，落啲蛋同蔥，最尾灑啲櫻花蝦。對我而言，呢個炒飯係有啲淡，同埋口感可以再軟腍啲，但櫻花蝦浸味的確係幾香幾好聞。至於炒雜菜，估唔到一道咁普通嘅嘢，我反而覺得好食，清晒碟🤣。
0 瀏覽
0 讚好
0 留言
0 瀏覽
0 讚好
0 留言
第九道：「蜜瓜味蛋糕」🍈🍰。
蜜瓜味好濃烈，正👍🏻。口感亦都好綿密軟滑！
0 瀏覽
0 讚好
0 留言
鐵板燒Teppanyaki，每道菜都細細碟，起初覺得唔夠，呢餐飯應該唔飽，但最後發現啱啱好，唔多又唔少。而且每食完一道菜，飲啖茶飲啖酒，師傅就啱啱好煮好下一道菜，時間配合得好好。味道方面，由於食材好新鮮，煮之前畀客過下目，真係生蝦咁跳，所以師傅都會好細心問客人：「鍾意少調味食佢鮮味多啲？定係鍾意香口少少？」而且幾乎每道菜都會問下啱唔啱口味，使唔使再濃啲淡啲，所以成餐飯都幾啱口味！
張貼
