荷里活冰室 (兆禧苑商場)

營業中

休息中

假日去嘆個午餐，走進荷里活冰室，懷舊嘅冰室最受歡迎，我嘅大愛喺西多士，煙燻芝士西多士🧀🍞夠邪惡又美味喇！切開西多士有大片芝士，多士上加入甜絲絲嘅糖漿，食唔停口呀！冰室熱狗，份量好大，加入爽皮芝士腸、蕃茄，仲有蕃茄醬同芥末醬，濃郁嘅醬料，食落香噴噴。泰式海鮮粒炒飯，炒飯粒粒飽滿，有蛋香味道，加入海鮮配料，同泰式醬料令口感豐富。照燒豬扒配稻庭烏冬豬扒燒烤就特別香噴噴，配搭爽滑嘅烏冬，yummy。飲品：凍咸柑桔，消暑解渴。紅豆冰，大大粒紅豆，加入花奶，喺冰室必點之一。📍荷里活冰室 屯門湖翠路201號兆禧苑商場地下兆禧食坊4號鋪