荷里活冰室 (兆禧苑商場)

前排突然好想食酸菜魚，原本諗住搵間川菜館，點知行過荷里活冰室，見到佢menu竟然有酸菜魚！😲 一間茶記有咁特別既菜式，真係好吸引，於是我同朋友即刻入去試試，睇下呢間茶記點樣將酸菜魚整出新火花！🍲.招牌酸菜魚 $99招牌酸菜魚一上枱，已經聞到陣陣酸辣香氣，湯底呈金黃色，望落就知好有料！😍 湯頭酸度同辣度岩岩好，酸菜既酸香同辣椒既微辣交織，飲一口暖胃又開胃，味道濃郁但吾會過鹹，仲帶點清爽既回甘。魚肉超多，片片都厚實鮮嫩，入口滑溜，咬落去完全無腥味，仲有陣陣湯汁既鮮味滲出，超滿足！🥰 配料方面有芽菜、腐竹、木耳同蓮藕，芽菜爽脆、腐竹軟滑吸湯、木耳彈牙、蓮藕帶點粉糯，每款配料都吸晒湯底精華，層次好豐富。而米線Q彈有嚼勁，掛湯能力一流，每條米線都浸滿酸辣湯汁，食落每啖都係精華！份量仲好大碗，2-3人share都絕對夠！套餐仲包埋熱飲，轉左凍奶茶（+$3），奶茶香滑濃郁，茶味同奶味平衡得好好，飲落去同酸菜魚既刺激口感形成完美對比！🥤.薑粒菜圃炒飯 $58薑粒菜圃炒飯真是一個驚喜發現，吾係間間茶記都有呢款炒飯！😎 炒飯粒粒分明，乾爽吾油膩，入口即化又帶點鍋氣。薑粒既清香同微微辣味係靈魂，咬落去帶點脆口既質感，配上菜圃既鹹香同微脆，味道層次即刻提升！蛋花軟滑，菜心粒爽脆，兩者點綴炒飯，增加左口感既豐富度。整體炒飯好香口，比一般炒飯有性格得多，食完一啖即刻想再食下一啖！😋 加配左杯凍檸檬（+$6），酸甜清新，檸檬既清香同炒飯既濃香好match，解膩之餘仲令人胃口大開！🍋.炸雞中翼 $30炸雞中翼係茶記小食既經典之選！外皮炸得金黃香脆😍 雞翼皮薄而脆，帶點鹹香同微辣，味道惹味但吾會搶左雞肉本身既鮮味。.丹麥多士 $12外層金黃酥脆，內裏軟綿綿，帶點奶香同蛋香，簡單得黎好滿足！入口即化，奶香同酥皮完美融合，甜度岩岩好😍…查看更多

呢排工作加班，收工後攰到爆，係屯門區搵間又平又抵食既茶記真係可以救命！聽講「荷里活冰室」價錢親民又好食，於是同同事一齊過黎試下，果然係放工後既chill食點！😋.咖喱吉列魚柳飯 $64第一個食既係咖喱吉列魚柳飯，咖喱汁椰香濃郁，味道夠重，仲有好腍既薯仔，超滿足。吉列魚柳份量大到誇張，成個手掌咁大，魚厚肉厚外脆內嫩，咬落好juicy！套餐加$3仲有熱檸茶，抵呀！🐟☕.椒鹽肉排 $72肉排灑滿炸蒜，香到不得了，肉質嫩滑，咬落有d微脆口感。套餐仲送白飯、老火湯同熱飲，老火湯好足料，有青紅蘿蔔、粟米同豬展，飲落好暖胃！我揀左熱奶茶，香滑正宗，完美！🥄🥛,避風塘雞中翼 $29小食方面叫左避風塘雞中翼，$29就有4塊，香炸得外脆內嫩，表面灑上炸蒜同辣椒碎，咬落有d微辣同蒜香，岩晒同朋友share黎食，開胃一流！🍗.丹麥多士 $12茶記一定要試丹麥多士🙊表面搽左一層牛油，香氣四溢，咬落外層脆卜卜，內裏軟熟，牛油香同多士既蛋香好夾，簡單但好滿足，係我最愛既茶記經典！🥐…查看更多

荷里活冰室今次要介紹喺屯門兆禧苑商場地下兆禧食坊入面有一間冰室叫「荷里活冰室」，呢間冰室入面係無荷裡活巨星，但係有香港冰室嘅撚手小菜，碟碟都好大份，都幾抵食！1.啫啫滑雞煲$73（包米飯+例湯）+凍香滑奶茶$6（9.5/10）每碟小菜都會包一碗飯同湯，熱飲加$3，凍飲加$6，特飲加$9，當晚例湯係乾豬肺湯，飲完唔口渴，應該無加味精，正宗老火湯！呢個啫啫滑雞煲個雞件肉質真係好滑唔鞋，雞件份量都多，大約20舊雞件，味道唔似出面又甜又辣又咸，呢度嘅雞煲唔甜唔辣唔咸，好唔錯！飲品揀咗凍香滑奶茶，奶茶好滑，茶味如果無咁出少少就更好！2.招牌酸菜魚（小辣）（中）$99（包米飯+例湯）+凍西洋菜蜜$6（9.5/10）連招牌酸菜魚都會包一碗飯同湯，熱飲加$3，凍飲加$6，特飲加$9，當晚例湯係乾豬肺湯，飲完唔口渴，應該無加味精，正宗老火湯！呢個中份量嘅招牌酸菜魚真係唔似中份量，我覺得似大份量，至於辣度似出面米線舖嘅bb辣，其他材料有支竹、蓮藕、芽菜、酸菜同木耳等，每一片魚肉好鮮嫩，我覺得最少可以三個人一齊分享！飲品揀咗凍西洋菜蜜，有少少甜！2人總共價錢$184個人口味總評分：9.5/10@hollywoodcafe_hk地址：屯門湖翠路201號兆禧苑商場地下兆禧食坊4號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#荷里活冰室 #屯門 #屯門好去處 #屯門美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

下午茶有包有粉麵有炸物可以點卡邦尼煙肉意粉配老火湯自行中西亂搭老火湯料足 夠味但卡邦尼意粉有點怪沒有太多汁菇似用水烚過意粉像湯意般腍下次來這些茶餐廳還是吃西多類比較穩陣…查看更多

如果要揀係香港我最enjoy既野，就係平時我做完運動之後去嘆嘅一個港式早餐，好鍾意香港早餐嘅配搭，有我最鍾意食嘅麵包之外，仲有一個湯粉，成件事好實在又夠飽😍而今日喺屯門做完運動先知道原來呢一度有個食坊係有唔同嘅嘢食選擇，而呢一間冰室原來都有唔少地方有分店個喎。佢哋嘅早餐時間好friendly，去到11點45分，仲等我一開始擔心趕唔切11點前去到食，但好彩佢哋嘅早餐時段係咁長，有時放假遲咗起身都唔怕食唔到早餐啦。🐒叉燒意粉💰$40👉🏻烏冬+$6👉🏻煎雙蛋+牛油餐包👉🏻凍咖啡+$3佢哋嘅烏冬係稻庭烏冬，所以見到之後就轉左食烏冬😛食落好煙靭，而且份量真係好足，因為佢係一整個烏冬 。🐒吉列魚柳💰$48👉🏻炒滑蛋+牛油餐包👉🏻熱檸水佢哋份魚柳都真係好大份，怪唔之得店員都推介我哋食，好似all day Breakfast一樣都會有啲沙律菜，配埋炒蛋/煎蛋，都真係好均衡營養…查看更多

咁岩屯門搵朋友，咁岩見到呢間懷舊冰室🍧佢裝修好有經典金曲舞廳💃🏻，meun仲有勁多選擇，所有經典菜式都有，價錢仲好平民😊位置又多，地方乾淨又衛生▫️煙燻芝士西多士無諗過西多士都咁用心🧡，西多士都整左幾個唔同口味。呢個夾心係芝士，食落超軟熟，麵包又唔會炸到好乾身。▪️吉列魚柳配沙律薯條呢個係下午茶必點，魚柳勁大塊，而且魚肉都好juice😋▫️廈門炒米新鮮熱辣出爐，米粉濕度炒得岩岩好，材料仲好豐富▪️避風塘雞翼好少會有呢個風味，佢香口得黎帶點微辣，好好味👍🏻…查看更多

屯門的親友經常帶我哋去不同地方食嘢今次去介紹了一間茶餐廳味道貼地之餘亦都有好多選擇🥰（5⭐️最高）黑椒蜂蜜脆牛柳粒（5⭐️）又香又滑的牛柳粒配上脆炸的薯仔粒😝，加了小小黑椒蜜糖， 一起炒。真係無得輸👍🏻。滑蛋蝦球飯（5⭐️）加入小小韭王，配合爽口彈牙的蝦仁。畫畫的茨汁，小朋友就最鍾意💓。蜜汁叉燒湯意粉配火腿奄列丹麥奶油多士（5⭐️）半肥瘦叉燒入口香嫩幼滑😘，意粉硬到適中。加上濃濃的牛油香味的丹麥多士及幼滑火腿奄列，簡直是絕配👍🏻。…查看更多

屯門街坊有口福喇！👋🏻 發現咗一間隱藏喺兆禧苑嘅街坊冰室，食物大份又好食，仲有勁多懷舊特飲選擇，即刻同大家開心share～ 🍛【咖喱吉列豬扒飯】直頭係邪惡之最！金黃色豬扒外皮脆到「咔嚓」聲，咬落去肉汁爆出嚟🤤 日式甜咖喱撈飯食到舔舔脷，最抵讚係豬扒有成手掌咁大，抵食到喊！ 🍅【焗豬扒飯】芝士控必嗌🔥 茄汁底酸甜開胃，面頭鋪滿拉絲芝士，仲有啖啖肉嘅厚切豬扒藏喺底下。最正係飯底炒得夠乾身，焗完都唔會濕淋淋，呢個水準拍得住茶記名物啊～ 🍜【酥炸雞翼配出前一丁】即叫即炸嘅雞翼脆到掉渣，醃得入味仲keep到肉嫩！出前一丁煮得啱啱好，加埋嗰包麻油真係童年回憶返晒嚟～ 飲品方面勁有驚喜✨： ☕️【凍朱古力】超濃滑！飲到朱古力碎未溶晒嘅口感，甜度剛剛好 🥤【益力多乳酸梳打】酸酸甜甜仲有氣泡感，解膩一流 🍧【紅豆冰】紅豆煮到起沙又唔會死甜，淡奶底好香滑，飲完成個人涼浸浸❄️ 總括嚟講：大碟夾抵食，碟頭飯夠曬鑊氣，飲品又多花款，絕對係屯門友嘅飯堂之選！ 📍荷里活冰室 屯門湖翠路201號兆禧苑商場地下兆禧食坊4號舖 #屯門掃街 #港式冰室 #邪惡豬扒 #懷舊紅豆冰 #相機食先 #食飽飽好幸福 #荷里活冰室 #街坊推薦…查看更多

假日去嘆個午餐，走進荷里活冰室，懷舊嘅冰室最受歡迎，我嘅大愛喺西多士，煙燻芝士西多士🧀🍞夠邪惡又美味喇！切開西多士有大片芝士，多士上加入甜絲絲嘅糖漿，食唔停口呀！冰室熱狗，份量好大，加入爽皮芝士腸、蕃茄，仲有蕃茄醬同芥末醬，濃郁嘅醬料，食落香噴噴。泰式海鮮粒炒飯，炒飯粒粒飽滿，有蛋香味道，加入海鮮配料，同泰式醬料令口感豐富。照燒豬扒配稻庭烏冬豬扒燒烤就特別香噴噴，配搭爽滑嘅烏冬，yummy。飲品：凍咸柑桔，消暑解渴。紅豆冰，大大粒紅豆，加入花奶，喺冰室必點之一。📍荷里活冰室 屯門湖翠路201號兆禧苑商場地下兆禧食坊4號鋪…查看更多

之前喺openrice寫左編食評讚呢間嘢好食，事實都好食，而且性價比嘅，但我上次去堂食，就真係爭啲，喺香港嘅連鎖食店，連紙巾都慳？其實喺香港嘅競爭環境，真係唔好太孤寒，小店都算啦，連鎖店都咁樣....…查看更多

屯門村屋入面嘅茶餐廳很有人情味～XO醬西蘭花蝦球帶子 - $108蝦球和帶子大大粒，XO醬增添了濃郁的風味 係家的味道冰室小炒皇（韭菜花） - $85韭菜花炒得剛好，清新爽口，帶有焦香搭配白飯和老火湯！而且口感超級豐富有超多海鮮同埋配菜，例如魷魚蝦乾叉燒等等荷里活冰室 (兆禧苑商場) (屯門)屯門湖翠路201號兆禧苑商場地下兆禧食坊4號舖…查看更多

早兩晚唔舒服，老婆幫我喺呢度買飯盒，唔錯喎，雖然無影相，但值得俾返個好評俾佢，我食左個葱油豬扒飯，凍奶茶，外賣嚟講有水準豬扒雖然唔大塊，但入味，都夠厚，奶茶香滑嘅，茶胆都夠味…查看更多

有晚傾傾下計，朋友話呢間冰室都唔錯同朋友傾開就即興去食▫️鮑魚雞煲（半隻雞）上檯已經熱呼呼💨正呀鮑魚的質地非常柔嫩，雞肉則吸收了鮑魚鮮味和香氣，變得更加美味。整個煲濃郁而不油膩，感覺整個人都被溫暖和滋養了。非常適合現在天氣享用，令人感到無比滿足。▫️欖菜四季豆： 這道菜比較家常，四季豆的脆爽口感非常討喜，每一啖都能感受到新鮮蔬菜味道。欖菜既鹹香味道獨特，帶有一點點酸味，令整道菜更加有層次感當欖菜和四季豆混合在一齊時，個種鹹香同清脆的結合令人食慾大開。伴飯食一流呀兩款都包例湯同飯食到好飽啦飲埋杯檸檬茶👍…查看更多

呢間冰室遍佈香港各區，價錢適中，食物質素都唔差，想簡簡單單食返餐就啱曬👍🏻最近天氣凍咗唔少，仲推出咗羊腩煲，見到隔離枱食都好吸引，下次要試試🤓今次都係食翻最簡單又美味嘅二人餐，$238包三個自選餸、餐湯、飲品同白飯🍚餸嘅份量唔少，兩個人絕對夠曬飽😋1. 酸菜魚🐟識嗌緊係嗌呢個啦（散嗌都要$138架！）魚肉新鮮嫩滑、冇腥味，底有好多唔同種類嘅配菜～湯底酸酸辣辣開胃，值得一讚係用咗唔少湯黎撈飯都冇頸渴🫡2. 西蘭花炒鮮魷西蘭花好新鮮，調味清清淡淡，好有住家菜嘅感覺😋魷魚好大舊、新鮮爽口，份量都唔少，不過就唔算太入味啦🐒3. 口水雞雞肉嫩滑唔鞋口，雞皮唔會好厚一層脂肪，口感爽脆，唔會覺得好油膩👍🏻醬汁辣度偏低，但幾惹味，配埋花生碎同芫西好香口🥰…查看更多

走進荷里活冰室，最受歡迎喺西多士，每次都會點嚟食，西多士內塗上滿滿嘅花生醬，四邊都喺金黃，食落有雞蛋嘅香味，再淋上糖漿，口感濕潤，非常邪惡又超好味道。同朋友一起點了超值晚飯套餐，奉送白飯及老火湯同熱飲。滑蛋蝦仁飯，上枱時香噴，鮮蝦粒粒飽滿爽脆，雞蛋香氣四溢帶軟嫩口感，滑嘟嘟嘅蛋花加入白飯一起食， 可以增添多碗白飯。梅菜扣肉飯，食呢個最飽肚，鍾意梅菜香甜味道，扣肉用以半肥瘦豬肉，油脂分佈均勻，脂肪部分有膠質，食落軟腍，配送白飯一起食就大滿足。是日老火湯喺紅蘿蔔豬骨湯，飲一碗已經夠晒下火。…查看更多