影片
更多
2020-10-31
246 瀏覽
同埋屋企人一齊諗住食雞煲，呢間雞煲我地之前都係荃灣到食過，因為又抵又好食，2個鐘頭任飲任食，所以就慢慢變成左我地嘅聚會之地，見到佢而家係旺角新開左間分店，更加就我地腳，就立即叫埋屋企人一齊黎試下。茶、汽水、果汁任飲，而家仲多左自家製嘅冬瓜茶、茉莉綠茶同桂花烏龍，打邊爐熱辣辣又口渴，飲呢啲就岩哂，而飲落味道好天然清新，我地都飲左好幾杯。我地叫左個唔辣雞煲，事關我同家姐都唔食得辣，雞煲好快就到喇~ 味道依然KEEP到荃灣嘅水準，醬汁非常惹味同濃郁，雞件啖啖肉，多肉少骨，好足料，而且非常之入味，加埋啲洋蔥、芫茜，更加香口。食到咁上下無哂啲雞肉，就可以加埋豬骨湯落個煲到打邊爐火鍋配料嘅選擇種類同樣有好多，肥牛肥瘦適中，入口仲有好香牛肉味。海蝦好鮮甜肉質又彈牙，好新鮮，呢個價錢食到呢個質素真係物超所值。魚皮同響鈴脆卜卜，浸幾秒就食得，好食。水餃脹卜卜好足料，皮薄餡靚。食多啲蔬菜就可以中和番之前食左咁多肉嘅罪惡感而家只要係社交平台打卡同like就可以有88折優惠，抵上加抵!新店同總店一樣咁高質，下次都一定要再黎食~
茶、汽水、果汁任飲，而家仲多左自家製嘅冬瓜茶、茉莉綠茶同桂花烏龍，打邊爐熱辣辣又口渴，飲呢啲就岩哂，而飲落味道好天然清新，我地都飲左好幾杯。
我地叫左個唔辣雞煲，事關我同家姐都唔食得辣，雞煲好快就到喇~ 味道依然KEEP到荃灣嘅水準，醬汁非常惹味同濃郁，雞件啖啖肉，多肉少骨，好足料，而且非常之入味，加埋啲洋蔥、芫茜，更加香口。
食到咁上下無哂啲雞肉，就可以加埋豬骨湯落個煲到打邊爐
火鍋配料嘅選擇種類同樣有好多，肥牛肥瘦適中，入口仲有好香牛肉味。海蝦好鮮甜肉質又彈牙，好新鮮，呢個價錢食到呢個質素真係物超所值。
魚皮同響鈴脆卜卜，浸幾秒就食得，好食。
水餃脹卜卜好足料，皮薄餡靚。
食多啲蔬菜就可以中和番之前食左咁多肉嘅罪惡感
而家只要係社交平台打卡同like就可以有88折優惠，抵上加抵!
新店同總店一樣咁高質，下次都一定要再黎食~
張貼
