影片
更多
2023-01-10
670 瀏覽
《極鮮直送生蠔吧🦪》———————————————-#蠔灣 🌊-最近咁多節日，又開始解禁，梗係要食啲好嘢🤤 食海鮮，唔一定要去酒店或者自助餐，嚟呢種精品小店估唔到都咁有意外驚喜🥰-依家位於尖沙咀金巴利道嘅西餐廳，主打各款新鮮生蠔同海鮮🌊尤其係生蠔可以按自己喜好去揀，款式亦會按時令有所不同，專業嘅店員更加會詳細介紹同推薦啱口味嘅生蠔🦪-今次我哋叫咗：（跟住食嘅順序）❤️ Tia Maraa Pearl❤️ Krystale No.2❤️ Tarbouriech Oyster Pinky❤️ Gillardeau No.2由清新到濃味咁排住食，鮮味突出，全部都係即叫即開，成盤咁上賣相吸引，超級新鮮！一開始嘅比較清爽彈牙，一路食落去愈食愈大隻，最後有成隻手掌咁大🖐🏻海水味濃郁，大大啖食，好creamy飽滿😍-另外我哋有嗌其他海鮮，法國藍蝦相當大隻，肉質鮮甜爽口🦐 北海道帶子亦都冇得輸， 同樣十分新鮮～-重頭戲一定係呢一款活龍蝦套餐🦞超級豐富，同生蠔一齊嚟嘅先有Sashimi ，龍蝦刺身啖啖肉，肉厚甘甜，食得好過癮🤭 另外仲一人一碗龍蝦湯，味道濃郁，仲食到大大嚿龍蝦肉😆 燴龍蝦意粉超大碟，龍蝦肉份量同
———————————————-
#蠔灣 🌊
-
最近咁多節日，又開始解禁，梗係要食啲好嘢🤤 食海鮮，唔一定要去酒店或者自助餐，嚟呢種精品小店估唔到都咁有意外驚喜🥰
-
依家位於尖沙咀金巴利道嘅西餐廳，主打各款新鮮生蠔同海鮮🌊尤其係生蠔可以按自己喜好去揀，款式亦會按時令有所不同，專業嘅店員更加會詳細介紹同推薦啱口味嘅生蠔🦪
-
今次我哋叫咗：（跟住食嘅順序）
❤️ Tia Maraa Pearl
❤️ Krystale No.2
❤️ Tarbouriech Oyster Pinky
❤️ Gillardeau No.2
由清新到濃味咁排住食，鮮味突出，全部都係即叫即開，成盤咁上賣相吸引，超級新鮮！一開始嘅比較清爽彈牙，一路食落去愈食愈大隻，最後有成隻手掌咁大🖐🏻海水味濃郁，大大啖食，好creamy飽滿😍
-
另外我哋有嗌其他海鮮，法國藍蝦相當大隻，肉質鮮甜爽口🦐 北海道帶子亦都冇得輸， 同樣十分新鮮～
-
重頭戲一定係呢一款活龍蝦套餐🦞超級豐富，同生蠔一齊嚟嘅先有Sashimi ，龍蝦刺身啖啖肉，肉厚甘甜，食得好過癮🤭 另外仲一人一碗龍蝦湯，味道濃郁，仲食到大大嚿龍蝦肉😆 燴龍蝦意粉超大碟，龍蝦肉份量同樣驚人，鋪滿成碟，麵質彈牙唔黏膩，忌廉味好creamy 🍝
-
⭐ 參考價錢︰（另收加一）
Tia Maraa Pearl：$36
Krystale No.2：$44
Tarbouriech Oyster Pinky：$46
Gillardeau No.2：$48
French Bliue prawn：$48
Scallop：$38
Lobster set ：$788
🍌 抵deal 指數：8/10
💰 人均消費：$720
張貼
