滾爺火鍋 (上海街)

營業中

休息中

見近排天氣凍冰冰，就諗起打邊爐😍😍記得上次朋友介紹喺旺角一間打邊爐餐廳，話好好味！一於就去試試啦！😋😋🥬芫荽皮蛋湯底 （$138）我哋兩個都好鍾意食芫荽皮蛋湯，今次個湯底十分足料同芫荽味十分濃味，鍾意食芫荽嘅朋友就唔好錯過啦！🥩美國安格斯牛肉（$188）呢個安格斯牛肉一擺上枱就驚為天人，仙氣彌漫，牛味濃郁，肉質嫩口，食到停唔到口😋🐟魚皮餃 ($48）8粒魚味濃，皮薄餡靚🥬手包韭菜餃 ($60) 6粒手包韭菜餃果然不同，皮薄餡多，大大粒🫔即炸紫菜響鈴 ($68)打邊爐必備當然係炸響鈴，呢間舖頭係即炸響鈴，響鈴連同芫荽湯嘅汁，擺入口果然係人間美美😍😍🥩芝士牛丸（$78) 8粒芝士牛丸好好味，大家嚟到一定要叫，牛丸彈牙內裏係大量芝士，食到仲要焫親條脷🤣其他嘢食就唔作太多介紹啦，我哋仲嗌咗唐生菜金菇菜同埋讚岐烏冬。另外我哋仲嗌咗兩杯嘢飲，一支係青島啤酒打邊爐必備，另一個係原隻泰國椰青，清甜多水。另外都想讚一讚職員嘅服務態度，佢哋會好積極同你推薦食物同加湯，食得開心又滿足。☻味道：9/10☻環境：7.5/10☻服務：7.5/10☻價錢：7.5/10☻回頭率：90%☻人均消費：$400📍 滾爺火鍋