茶木‧台式休閒餐廳 (康怡廣場北座)

營業中

休息中

前幾日，豬仔包上完堂路過茶木，話要食兒童餐，於是我哋就入去一試啦。兒童餐有兩款造型，車車🚗同飛機✈️，豬仔包好興奮咁㨂咗車車🚗兒童餐，媽媽就點咗個黑糖芒果芋圓仙草豆花，少少飽肚得嚟又可以當甜品。等候期間，職員攞咗填色紙同顏色筆比我哋，原來係兒童餐包嘅禮物🎁，一枝筆有齊基本顏色，帶出街好方便。首先嚟到嘅係「黑糖芒果芋圓仙草豆花」，同個名一樣，有芒果、芋圓、仙草、豆花還有紅豆和珍珠，有咬口得嚟又唔太甜。兒童餐有芝士雞翼🧀🐥、蕃薯條🍠🍟、有餡魚丸🍢、肉燥麵🍲、水果粒和粟米🍉🍊🌽，仲有杯橙汁🥤，加埋個車車🚗餐盒，賣相非常吸引。兩樣食物都好好味，食飽飽去番學特別開心😊到埋單嘅時候媽媽先發現，原來一入餐廳比嘅紙仔係有個QR code自助落單😱好彩個職員姨姨冇話我哋，比餐具豬仔包前仲用幫我哋用熱水沖一沖，非常窩心。