○de▽ 鯛白湯らーめん (電氣道)

營業中

休息中

拉麵世界好多姿多彩，除左有豚骨，醬油，味噌，鹽味，雞白湯，依家仲有新崛起既魚介湯頭，會唔會遲啲香港開捚貝類湯底😛今日經過呢間日本過江龍鯛魚拉麵店，見到唔洗排隊可以直入，職員介紹得好詳盡同用心，係門口落單同俾錢後就可以坐低。🍜鯛清湯賣相特別🤭通常魚皮都只會出現係中式粉麵鋪，係拉麵中放左兩塊鯛魚皮，好新奇同吸晴！首先以慢火烤製真鯛，再提煉出清甜清澈既湯頭，味道好淡雅，湯底仲有數粒魚肉，好真材實料！另外仲附上牡蠣油，充滿海鮮味同偏鹹，加入小小醬油可以達到提味既效果。麵條係全蛋麵，麵質軟身，佐料有兩片薄切叉燒，漬筍，青蔥同紫洋蔥。叉燒嫩口唔乾柴，漬筍入口無渣，唔錯唔錯😌🥢鯛沾麵廚師係端上檯時用乾冰去製造冰鎮🧊效果，仙氣飄出，又壯觀又搶眼，最適合打卡！沾麵湯頭用係濃厚版既鯛白湯再加埋豚過雞白湯混合而成，單飲味道非常濃稠又有魚鮮味，配上店家原創既波浪麵條，掛湯力一流！粗身麵條有啲似刀削麵，彈牙重麥味。隨沾麵附上既仲有炸乾蔥同青檸🍋，前者可以豐富口感，後者就幫手解膩！食到尾聲既時候，可以叫師傅加鯛清湯，再飲晒沾麵汁🥰📍○de▽ 鯛白湯らーめん天后電氣道77號地舖