○de▽ 鯛白湯らーめん (電氣道)

OdeV 鯛白湯らーめん Maru De Sankaku由大阪起家，主打鯛魚湯拉麵，濃而不膩。店員親切，細心為著淺色衫嘅客人提供圍巾，服務貼心鯛白湯拉麵鯛白湯湯底濃厚，滿載鯛魚同貝類嘅鮮香，入口滑順。叉燒雖薄但嫩滑，配上炭烤香嘅鯛魚碎，肉質結實好驚喜！中段可加柚子蓉，湯底即刻清新解膩，帶來另一層風味鯛清湯拉麵鯛清湯清而不淡，鯛魚鮮甜味突出，湯底順喉。配料有薄切叉燒、鯛魚碎同兩片炸得香脆嘅鯛魚皮，口感豐富。店員推介魚皮點牡蠣油，拉麵食到一半可加埋剩返嘅牡蠣油入湯底，蠔香即刻出晒嚟，同鯛白湯拉麵一樣都係一碗拉麵兩種食法!…查看更多

天后鯛白湯真係驚喜！佢嘅招牌鯛白湯拉麵濃郁鮮香，湯底用鯛魚熬製，奶白滑溜，帶啲海鮮甜味，配上彈牙嘅細麵同叉燒，啖啖都充滿層次，絕對係魚湯拉麵控嘅心頭好！🍴🥢 以前喺第一次喺日本食到已經覺得好正環境簡單日式，舒適氣氛，座位唔算多但夠用，晚餐時間氣氛輕鬆。餐牌選擇唔多，但主打鯛魚湯底同幾款配料，價錢約$80-$120之間，性價比高。特別係今晚去，之前睇到中環店大排長龍，但天后呢邊竟然唔使排隊，晚餐即刻入座，超方便！聽講鯛魚湯底每日新鮮熬製，難怪味道咁正，叉燒軟腍入味，半熟蛋流心更係加分位。相比中環嘅人潮，天后店真係方便，食完有驚喜，值得一試！…查看更多

位於天后嘅拉麵店，用新鮮嘅魚打出最濃厚的鯛魚湯，一試難忘，自從之前食過第一次之後就經常返去食，一口濃濃的魚鮮，配搭一點柚子皮，perfect ❤️睇得出師傅好畀心機，上次去食嘅時候咁岩見到佢教緊個新人，佢有特登同佢講啲食材要點樣放，保持新鮮，一過左某個時間就要換要畀得最新鮮嘅食物客戶，通常就係呢份執著同品質控制，先會每次過去都食到同一樣的高質味道👍…查看更多

🍜鯛白湯 $138好濃郁嘅魚味，帶少少鹹味，條魚變成汁咁！食耐左有啲鹹，入面有啲魚碎同叉燒，叉燒得一塊好薄好滑！個麵好滑，幼身偏腍！個柚子醬幾香，食膩咗可以點一點！味道ok，不過未必再食。櫻木煙燻糖芯蛋 $15個蛋真係流心，有煙熏木味，幾特別，可以一加！推薦指數: 6/10假日夜晚要排隊，不過15-20分鐘就入得，期望太高，比傳媒吹得太勁，冇想像中好食…查看更多

平日lunch 我唔會食貴和拉麵一定唔夠飽今日星期六去試下上次一個人都無，今次坐滿人鯛魚湯係濃，湯底有粒粒魚肉，令我飲晒湯底拉麵唔係我鐘意食的質感和款式開放式廚房，睇住廚師煮。他應該在日本學師我無再加餸食完我立刻買燒賣，麵包，真係唔夠飽…查看更多

接阿媽放工嗰陣經開呢間拉麵小店！就決定give it a try!! 試完之後我同媽咪都一致好評!! 雖然選擇唔多，但係quality 係滿分💯！而且超有儀式感添！而且店員都好親切，媽咪仲同佢傾咗好耐計🤣📍鯛白湯係超有層次感嘅湯底！我同媽咪本身都唔太鍾意食魚，有啲抗拒魚腥味。但係食完今餐就改觀咗！個湯底濃厚鮮甜得來又唔會有腥味！而且側邊仲有柚子醬去中和口感！我哋係食到一半再加柚子醬，食到兩款Texture ，而且兩個都係勁好食！📍鯛沾麵雖然鯛白湯都好好食，但係呢個沾麵係更上一層樓！店員擺到嚟嗰陣簡直係仙氣飄飄，完全fit晒我呢啲港女嘅儀式感! 加上個面嘅質感好正，夠晒彈牙！最推介嘅就係佢個湯底！食晒啲面之後可以加湯落去！咁就可以食到濃啲，同埋淡啲嘅兩種口感！…查看更多

👨🏻‍🍳○de▽ 鯛白湯らーめん (電氣道) (天后)📍天后電氣道77號地舖 「以魚湯底來說很濃郁，以拉麵來說就一般」 之前見到好多人排隊，特登收工去試😝不過呢日無乜人食🙈 👍🏻🍽️鯛白湯 $138個人中意鯛白湯多D🙈奶白湯底，味鮮、濃郁，系會想飲多幾啖既湯🤤其他配料還好，荀、洋蔥粒、魚肉碎、豚肉。碗上抹的是柚子醬（開頭以為系麵豉醬🙈）無加落湯🙈覺得湯本身夠味吾算膩（當然對比鯛清湯會濃味少少，但系不至於咸🙈） 🍽️鯛清湯 $138較鯛清湯味清一點，配有牡蠣油（幾特別、幾香濃🤤）鯛魚皮脆卜卜🤤 拉麵有D似壽桃牌好健康個D麵🤣同平時食開既拉麵吾同，份量亦相對較少🙈 #○de▽鯛白湯らーめん #鯛白湯拉麵 #鯛白湯 #香港拉麵關注組 #香港拉麵 …查看更多

鯛沾麵🍜沾麵湯底鯛白湯用了鯛魚,豚骨雞白湯製作而成,湯底味道濃而不膩,幾有魚鮮味,😋湯底凍咗嘅話可以叫師傅翻熱,沾麵同我哋平時食嘅好唔一樣,😳用了原創的波浪麵條,非常掛湯!🤤沾麵端上桌的時候用了乾冰製造大量白煙,非常搶眼雖然我唔係好喜歡食魚系列,但味道係真係唔錯,😊鯛白湯🍜魚鮮味非常濃郁,加上湯底經過打泡處理,質感順滑麵條偏幼,幼滑得來帶點彈性十分掛湯配料方面的鯛魚碎肉質結實,荀爽口無怪味,洋蔥碎亦為拉麵增添香氣,但又燒則較為薄,影響口感另外碗邊還抹了柚子醬,味道清新,中和濃湯的膩感🤤🤤牛肉火炙壽司炸雞🔥牛肉嫩滑有肉汁,肉質入口幾乎即溶🤤職員再三提醒一定要趁熱食🤤🤤牛肉長長的,啖啖肉😋日式炸雞🍗配上咖哩粉,味道好特別,辣度恰當香脆度十足,好脆,雞肉嫩滑有肉汁,好好食🤤炸鯛魚皮好脆口,浸一浸湯,都唔會冧晒仲好好食😋丸孫綠茶(枝)🍵濃濃的,青青的綠茶味,的確好飲特別讚揚男侍應(戴眼鏡肥仔)👍🏻👍🏻好細心地為我們講解每一度菜,服務態度非常好😊雖然我唔係好喜歡吃鯛魚系列,但絕對要推介愛吃鯛魚嘅朋友必定要來試試😁…查看更多

當日店舖一d都唔多人、純粹食飯時間要等一張枱就入到去。當日真實情況如下：一位很有禮貌帶微笑既男客人問拉麵師傅對話客人A：師傅 近日d筍唔靚有渣喎師傅：哦、唔好意思（頭都無望一眼）隔一陣客人A：今日你得自己一個都忙喎師傅：一個入廠、一個放假、咪咁之類客人A：我之前嚟食過個飯真係一流、所以再返嚟食架、念念不忘。師傅：咁你一陣食完叫（當中聽唔清楚）但師傅係無正面望過客人一眼、亦都一副唔耐煩嘅樣子。📍這位客人沒有叫飯、最後2人超黑面離開了📍另外小小建議：會否參考日本餐廳、可以寧靜一點、員工們高談闊論盡量都細聲一點、因為店面都很細小、沒有客人想知道何時返工、放假、拉麵哥哥今日黑面唔玩得之類。其實3-4百蚊加壽司加魚皮加雞、食2碗拉麵時間很短都希望給一點服務要求。廚房方面檯面真係好污糟、檯面有食物碎、好似牛什檔感覺。PS:我和朋友食完當晚零晨有肚屙、攪肚痛情況。希望貴公司睇到留言、員工們都請嘗試坐在客人坐位上設身處地感受一下。支持香港飲食業、支持餐飲業有基本服務態度。…查看更多

之前有去中環店舖，有機會試試天后這間，午飯時間進去，只有我一人，點了拉麵後不夠1分鐘便上枱，相信拉麵並不是即煮，而是預製品，連煮麵的時間也省卻。 期間座位非常大風，枱上的紙巾單據都被吹到地上，食物不知道本身是涼的還是被冷氣吹涼了，反正就是沒有溫度。期間有和職員反映他們只說今天天氣涼而不獲安排掉位，即使餐廳只有我一人。最後只想盡快離開，好不容易等到炸雞來，上面是厚薄不勻循的炸粉，一嚿嚿的，不吃也沒有感到可惜，只想盡快離開。 …查看更多

有分於一般的豚骨湯和雞白湯拉麵，這間拉麵店主打少見的鯛魚湯拉麵，加上是日本過江龍，開業以來一直深受歡迎。———————————————————————鯛白湯魚鮮味非常濃郁，加上湯底經過打泡處理，質感更加順滑😋麵條偏幼，幼滑得來又帶點彈性🤏🏻十分掛湯。配料方面的鯛魚碎肉質結實，荀爽口無怪味，洋蔥碎亦為拉麵增添香氣，但叉燒則較為薄，影響口感😮‍💨另外碗邊還抹了柚子醬，味道清新，中和濃湯的膩感👍🏻鯛清湯賣相清澈，魚味雖然較鯛白湯淡但其實亦相當出色😋質感也沒有那麼濃稠，適合清淡人士🤗配料方面比鯛白湯多了兩塊炸鯛魚皮，十分薄身脆口，值得一讚👍🏻鯛清湯還配有一小碗蠔醬，味道鮮味，配搭拉麵和炸魚皮都十分合適。另外還點了店員推薦的日式炸雞。炸雞上枱新鮮熱辣，香脆度十足🔥雞肉嫩滑有肉汁，但略嫌調味不足，即使配上咖喱粉，味道仍然是太過清淡🥱———————————————————————今次光顧時一踏進餐廳，便聞到濃濃的魚味充斥着整個空間🐟足以證明這間店舖的出品絕對是真材實料，即使價格偏貴亦無阻食客熱愛。…查看更多

第三次食呢間拉麵店，三次都叫咗唔同魚湯拉麵，第一次中環店食清湯、第二三次天后店分別試沾麵同白湯。個人偏好濃味湯底，所以比較推薦同好者揀沾麵同埋白湯。兩者都有濃濃嘅魚香味清湯魚味唔算濃，特別在佢有多一塊炸鯛魚皮同蠔醬，個人覺得同普通食到嘅魚皮差唔多，可以唔洗特登另加錢食。沾麵唔同其他兩款拉麵，佢係用咗粗身嘅刀削麵，用嚟沾湯會比較掛汁。另外沾麵每日數量有限，夜晚去食有機會賣晒。白湯整體適合鍾意魚湯但又唔想太重口味嘅朋友，飲到一滴不剩。…查看更多

半年前食過一次，令唔好食拉麵嘅我留低左深刻印象，收工喺附近諗唔到食乜又想快食完個飯就走，就會一會佢睇下維唔維持到個水準。喺門口等左5分鐘，店員就幫我落單。呢間拉麵店要先喺門口點完餐課埋金，店員先會為顧客安排入座。一入到去，一訪果陣，店員會溫馨提示個袋可以放櫈裡面，但今次無人提示。金沢湯桶柚子梳打｜｜$78柚子味唔重，但飲落幾清新，唔會好重氣泡，飲完唔會好頂住個胃，只係我諗唔明呢個價格點 set 出黎 （如果我喺居酒屋食野呢個價錢係無問題，但呢度連杯同冰都無俾我，剩係得支同樽身一樣咁高嘅飲管）。櫻木煙燻溏心蛋｜｜$15個人中意濃濃嘅煙燻味，呢粒蛋散發出淡淡嘅煙燻味，溏心蛋流心程度唔錯，整體勉強合格。鯛清湯拉麵｜｜$138拉麵一上檯，又係無左一訪嘅講解 (一訪師傅會講解牡蠣油點用，由於今次師傅無講解，我都唔肯定係用佢黎點落麵定放落湯度)。反正今次我覺得加左同唔加無分別。湯頭唔突出，無乜魚味，偏咸。鯛魚皮唔夠脆，仲有D似放太耐，又似片厚左，總之出到黎個效果係硬嘅 （一訪咬落去係卡滋卡滋聲，而家係咯咯聲)。麵質就軟硬適中，無咩可以挑剔。成碗拉麵整體黎講係不過不失，只係一訪果陣太驚艶，放左太多期望落去以致而家失望。整體感覺：無論從服務方面抑或係味道方面黎評分都係差左，價錢喺香港拉麵界黎講雖然唔算高，但喺正常一餐午飯價錢黎講都係偏高。佢同日本拉麵店一樣，得幾款拉麵俾顧客選擇。呢間店得三款拉麵俾顧客揀：鯛清湯、鯛白湯、鯛沾麵，適合有選擇困難症嘅人士光顧，中意食拉麵嘅朋友斬不妨去一試。…查看更多

今日嚟到天后呢邊同朋友搵嘢食，見到呢一間拉麵店有幾多入去試吓，之前都有試過去其他分店。餐廳主打係鯛魚湯。拉麵質素其實我覺得唔錯，可惜我覺得價錢嚟講有少少偏貴，$138，呢個價錢嚟講係拉麵嚟講算係唔平，雖然佢魚湯真係好好飲，性價比我覺得有啲不太高，整體嚟講我覺得OK，餐廳都坐得舒服同埋乾淨嘅。好食程度（5粒🌟）🌟🌟🌟🌟抵食程度（5粒🌟）🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟…查看更多

odeV鯛白湯 一沙允（天后）拉麵/食物的選擇唔多，環境簡約乾淨，裝潢符合日本的感覺。鯛白湯白湯的魚味濃郁，配搭清新的柚子醬，食完都唔會覺得膩，可以飲晒成碗湯。個人認為白湯的味道已經好出色，唔需要加太多的柚子醬，反而可以更突出鯛魚的鮮味；拉麵的口感彈牙，食落都唔錯，中規中矩。唯一美中不足係，如果叉燒嘅份量可以再多點會更好。鯛沾麵一開波拎出黎已經夠晒特別，用左乾冰嘅煙霧做裝飾，睇落好華麗，好岩打卡。但味道方面較為失望，雖然拉麵的口感彈牙，但係沾麵醬略嫌偏鹹，冇咩驚喜。…查看更多