影片
更多
2024-03-08
202 瀏覽
《元祖級日式放題》 $328任食刺身、串燒、一品料理、燒榴槤、哈根達斯注意返，呢度枱面較細，但上菜速度幾快，一個唔小心好快黎曬就要食到好急，建議最好幾款幾款咁分批落單，千其唔好一次點太多野⋯⋯前菜當中，麻辣豬耳、雞腎及泰式無骨酸辣鳳爪比較吸引，豬耳爽滑，雞腎入味，香辣味濃；而酸辣鳳爪爽口，酸辣味非常濃郁，算係好食過唔少泰國餐廳。紅燒乳鴿剛燒起，熱辣辣，撕開都有幾多肉汁，微咸，但幾香口惹味。天婦羅唔厚粉，味道中規中矩，正常發揮，除非你好鍾意食炸物，否則試唔試都得。牛舌燒得幾靚，亦夠厚切，爽滑彈牙有肉汁，Encore左幾串。於放題而言，刺身選擇算係大方，除左一般大路嘅三文魚、甜蝦、油甘魚、北寄貝，仲有厚切池魚王、松葉蟹腳、帶子及赤貝等等：池魚王賣相與油甘魚相約，但肉質較爽實，魚味較濃郁，味道亦相對鮮甜，油甘魚唯一優勢就係油香較重；松葉蟹腳新鮮，肉質爽實，部份蟹腳味道稍咸，但整體而言，有得任食蟹腳已經算好抵；三文魚儘管無得揀腩位，但最終又黎左超厚切嘅魚腩，味道都幾鮮甜⋯⋯想食靚啲嘅刺身就唯有揀選飽肚嘅壽司，但壽司飯偏乾且結實，倒不如追加刺身算。想食榴槤可考慮榴槤三重奏，一份有一件燒榴槤、兩件
注意返，呢度枱面較細，但上菜速度幾快，一個唔小心好快黎曬就要食到好急，建議最好幾款幾款咁分批落單，千其唔好一次點太多野⋯⋯
前菜當中，麻辣豬耳、雞腎及泰式無骨酸辣鳳爪比較吸引，豬耳爽滑，雞腎入味，香辣味濃；而酸辣鳳爪爽口，酸辣味非常濃郁，算係好食過唔少泰國餐廳。
紅燒乳鴿剛燒起，熱辣辣，撕開都有幾多肉汁，微咸，但幾香口惹味。
天婦羅唔厚粉，味道中規中矩，正常發揮，除非你好鍾意食炸物，否則試唔試都得。
牛舌燒得幾靚，亦夠厚切，爽滑彈牙有肉汁，Encore左幾串。
於放題而言，刺身選擇算係大方，除左一般大路嘅三文魚、甜蝦、油甘魚、北寄貝，仲有厚切池魚王、松葉蟹腳、帶子及赤貝等等：池魚王賣相與油甘魚相約，但肉質較爽實，魚味較濃郁，味道亦相對鮮甜，油甘魚唯一優勢就係油香較重；松葉蟹腳新鮮，肉質爽實，部份蟹腳味道稍咸，但整體而言，有得任食蟹腳已經算好抵；三文魚儘管無得揀腩位，但最終又黎左超厚切嘅魚腩，味道都幾鮮甜⋯⋯
想食靚啲嘅刺身就唯有揀選飽肚嘅壽司，但壽司飯偏乾且結實，倒不如追加刺身算。
想食榴槤可考慮榴槤三重奏，一份有一件燒榴槤、兩件榴槤薄餅，及一份榴槤醬，燒榴槤味道正常，微甜，但唔好幻想係咩貓山王果種，但過下榴槤癮就無咩問題；榴槤薄餅中間夾左唔少榴槤餡，熱食配埋個榴槤醬食都幾香，但就太飽肚，無得散叫燒榴槤有啲可惜。
甜品椰皇蛋白燉燕窩又幾好食，味甜又有椰香，奶白亦夠滑；凍櫃仲有四款口味嘅Haagen Dazs雪糕杯、以及中價位嘅雪糕雪條如EKSELENCE等，算係幾豐富。
張貼
