柞木炭家

營業中

休息中

Sogo 感謝祭，買完野正好還有時間好好食一餐，回到了我喜愛的韓國燒肉店柞木炭家，因為就在Sogo隔離的金百利廣場。以為自己很早到，但7點未到已經要排隊，因為店內已坐滿人。這裏的設計和燈光都很討人歡喜，走暗黑的路線，但燈光照落食物，特別顯眼，對鍾意手機先食的我地黎講真係打卡一流。見這次有季節推出的餐牌，當然不可錯過要試試。分了前菜、海鮮、燒物和主食，這個餐牌幾適合懶人選擇。坐低基本上服務都好周到，一系列的前菜一次過上，然後仲有一大盤泡菜，可以自行添加。前菜的大醬蘿蔔牛舌，醃得入味，厚身也夠稔，微辣，仲有大大嚿的蘿蔔，份量好足。海鮮我們選了醬油蝦，貪唔使太費功夫拆殼。蝦有8大隻，隻隻肥美，食落帶爽，重點是醃得好入味，所以無生海鮮的腥味，食時令人忍唔住啜埋啲汁。先上枱的是飯團和蛋漿，店員先將飯團蘸上蛋漿，放到我們碗內。然後把大大塊的和牛西冷放到壽喜燒鍋上，用醬汁將其拖熟，再將其放到我們碗內，包著飯團食！西冷肥美非常，夾上飯團減了半分膩，但牛脂和肉香依然，完全感受到牛油香在口腔內徘徊。好好味呀！！再來一件韓牛牛柳，紅白分明的脂肪紋，令人望到都興奮。牛柳肉味很濃，比西冷有嚼勁，是不同的口感，同