相約一位相識接近四分一世紀的老朋友，之前他專誠由工作地點紅磡來到油麻地與我吃午飯；這次輪到我了！既然來到紅磡，順道找他跟我吃收藏已久的人氣居酒屋

Weekday Lunch Set（麵食+串燒2本+飲品） $118
追加二本 $48


虎蝦濃湯麵 +$50
店家招牌同時最火熱人氣的麵食，就是為了這個而來！超IGable的賣相，如龍蝦湯一般的暖橙色湯頭放上一隻炸至金黃的虎蝦，再灑上少量蔥花作點綴，連朋友都忍不住要來打卡！香氣更是誘人，店員將湯麵端到檯上已散發非常厲害的海鮮味道～ 先說這個湯頭，絕對是超誇張的濃稠，入口有濃厚鮮甜的蕃茄和蝦味但調味剛好不會太鹹和太膩，會有一種讓人不自覺的在喝湯的魔力，每一口都能感受到師傅的心思跟誠意，蝦湯控的應該會為之瘋狂吧！麵身採用了幼身的蕎麥麵，掛汁度高惟麵質偏軟腍，份量也多，愛吃硬麵或者食量較少的朋友要留意！對我倆來說整碗已經不能以「湯麵」來形容，應該改以「沾麵」自稱會比較貼切啦～ 湯頭出色，虎蝦的處理也是同樣精彩！虎蝦大隻肉質厚實，爽彈又新鮮，最特別的是以櫻花蝦代替天婦羅炸漿，外層更酥香味美，連鬆脆度更是翻倍！意想不到這個做法如此好吃，要一讚師傅的創意和心思～五層豚肉燒
我想這個應該是大家熟悉的五花腩吧！這款永遠只要加入少許鹽花，烤得有點焦香同時逼出油香，沒半點羶味跟雪藏味道的豬肉，正常發揮葡提鴨卷
相信是店家芸芸款式的串燒當中最具人氣的一款！用薄薄的鴨肉片包裹著葡萄製成串燒再烤，鴨肉燒得油份都全逼出來，而葡萄加熱後甜度更高，葡萄汁的香甜配以唧上柚子胡椒醬的鴨肉而變得有點辛辣感，口感由硬至軟而且味道清新有趣，比想像中匹配但未算完全驚艷到我，不過絕對可以一試！白燒活鱔 +$8
自己很愛吃鱔也很愛吃燒鱔，每次吃串燒都會點！這款人氣單品，新鮮白鱔切片後簡單以鹽燒處理，魚皮燒得香脆可口，魚肉扎實鮮嫩油脂豐富，吃得很滋味！鹽燒手羽中 +$2
雞翼一串有兩隻，外皮烤得香脆，雞肉肉質紮實，味道集中於表面的鹽味，不過不失啦！雞肝啡菇 +$2
頗為新鮮的組合，雞肝交疊啡菇再一同下鑊炸至金黃色，雞肝粉嫩啡菇仍保留水份，味道不錯
銀杏貝柱 +$2
同樣是比較少見的食材組合，不過兩者的化學作用就沒有前一款的高，可以一試烏龍茶（跟餐免費）
麥茶（跟餐免費）
套餐已包一杯飲品，想喝特飲多加十塊錢就可以！一人一杯味道茶味醇厚，大大杯再加入冰塊，清爽又解膩消滯店家的裝潢有著極大的反差：門面以冷色調的輕工業風做主軸；店內則以木系傢具配暖色啡黃燈光塑造環境，令人印象深刻～ 環境舒適，縱然客人眾多但感覺放鬆，與外邊的世界截然不同～ 食物方面午餐只專注於麵食跟串燒，晚上就主打居酒屋餐單以串燒跟燒酌為主，為不同時間來光顧的朋友提供所需
這店在去年還是疫情未算穩定下來的時間開張，只用上一年時間已經成為紅磡黃埔區的人氣商店，平常要walk in恐怕不太可能要提早預約會比較好，這次到訪也是以放手一搏的心態，心想平日中午等候這店開門入座成為第一個客人應該就可以成功到訪吧！很幸運地成為當日這店的第一組客人，但不消15分鐘就已經全場滿座，要來吃的可以考慮一下我這個方法啊！

提前大約2～3星期左右，在網上預約於2023馬季開鑼日在沙田馬場百勝廳食中菜午膳。餐廳內有4排梯級式看台座位，透過落地玻璃飽覽賽道，能全天候的一邊用膳，一邊觀看賽事。由於座位有限，必須早早預約才有機會預訂到看台座位。而且看台座位最多容納4人，多於4人的話只能預訂到一般的圓桌座位。看台座位除了享開揚的賽道景觀外，桌上更設私人電視，不用帶望遠鏡都能緊貼賽果。 惟4人坐看台座位是幾擠逼，侍應在我們背後僅能容納一人的窄窄通道經過，即使身形不算龐大，有時都要將座椅往前挪，好讓他們能通過。當日適逢馬季開鑼日主要賽事，4人枱的價錢為HK$1,720，一般普通賽事的賽馬日，4人桌是HK$720，價錢相差一倍有多！今次這個價錢包含白飯及粥品任食，汽水、啤酒及紅白酒均是任飲。套餐內容則包括頭盤小食、一款湯、每位可選一款主菜 (例牌)及甜品。
頭盤小食分別為椒鹽魷魚鬚配沙薑豬手及燒味雙拼，我們選了後者的乳豬拼燒鵝。燒味賣相不錯，乳豬皮脆肉嫩，肉又不會太肥。燒鵝是鵝髀位，同樣皮夠脆！肉質幼嫩，富有肉汁，不會太油膩。墊底的蜜味蠔油豆很好吃，鹹中帶點，口感煙煙韌韌！蠔油豆是昔日傳統小食，這也是我第一次嚐啊！ 是日供應的湯品是羅漢果南北杏日月魚響螺片燉雞湯，日月魚並非魚，而是貝類海味。湯的味道很清甜，響螺片入口軟嫩。這是我第一次吃到又香又新鮮的南北杏，從沒想過南北杏也會如此鮮嫩！可說是比起吃到響螺片更為驚喜！ 主菜有4道，第一道上的是砂窩無錫鴨。鴨肉微微羶香，啖啖肉，肉質不會太乾柴，味道微甜，適合配飯吃。 柚子蜜脆蝦球，脆漿略厚，柚子蜜只得面層那丁點，味道一般。 瑤柱扒芙蓉，蒸水蛋的面層加上瑤柱芡汁，蒸水蛋夠滑溜，瑤柱份量充足，用來拌飯吃一流！ 陳皮蒸沙巴龍躉球，份量不多，大概每人分到兩片。魚已起骨，蒸的熟度恰好，魚肉仍夠嫩！ 甜品每人三選一，如不吃甜品的話，就全枱都是水果盤。我們這次沒人試芝麻糊，試了另外兩款甜品。蘆薈菊花蜜凍糕，甜度恰好，能嚐到菊花蜜的香甜，內裡的蘆薈清甜爽脆。凍糕口感彈牙，不會太軟身。 蓮子百合紅豆沙，紅豆起沙之餘又不失粒粒紅豆口感，味道夠香又不會太甜膩。
主菜的質素屬中規中矩，但燒味、湯品以及甜品均令我們滿意啊！人均4百多元，能舒舒服服地於室內慢慢用餐，一邊觀看賽馬賽事，都值得一試的！

我同朋友走在太子的街頭，偶爾見到一間鬧市中毫無裝修可言但又帶孤高嘅餐廳🌃 再仔細望，是一間拉麵店🍜於是入去試下，店內依然帶有一種靜默嘅感覺，燈光偏黃，環境帶點昏暗，同門外的明亮仿似兩個世界🌚 餐牌只有三個雞湯拉麵選擇：分別是雞白湯、雞醬油、雞鹽味🐓 我同朋友分別叫了雞白湯同雞醬油拉麵。 先說雞白湯拉麵（💵$98） 湯頭很濃郁，入口是滿滿的雞骨味。相信有加上雞肉蓉在湯底，令口感更加濃稠。湯面上略有泡💭 比起城中一間著名的雞白湯拉麵而言氣泡略少。雖然它是一碗日式拉麵，奇怪的是，雞白湯給我是一種中式的感覺。雞骨的味道掩過了拉麵應有豬骨湯的味道🐔配上露旬和粟米🌽，頗為特別！個人而言，湯還是好飲的。麵就有點失色，只因不太掛湯，令湯和麵間產生一種“分離感”。再說到配菜，主角是叉燒🐖和雞胸肉🐓 叉燒是慢煮叉燒，肉質嫩滑，中間筋部油香十足，爽口而不油膩。 雞肉火候亦很出色，9成半熟僅僅熟🐓雖然是雞胸部位，但入口鮮嫩，完全沒有渣，十分出色✨ 蛋用的是溏心蛋，而非流心。味道酷似7-11的醬油溏心蛋，都非常出色，略嫌醬油味搶過雞白湯，兩者不是太和諧，不過單獨食是一流！！ 最後是我朋友的雞醬油湯拉麵（💵$108） 湯底和我的不同，我感覺醬油味太出，完全是醬油湯，但偏偏也是欠豬骨湯的味道，結構有點單簿，面上有加上雞油，但也不可以完全彌補湯頭的單調，而且雞味也沒有雞白湯突出。不過由於湯以醬油作主調，整體入口感覺比起雞白湯更像是拉麵🍜 在太子以這個裝修賣這個價錢的拉麵是有點進取，但我在店中看到師傅做麵十分認真，從他煮面用計時⏳到佢篩麵的力度，可以看到一份執著。這裏的味道未必適合每個人，但我認為值得試一試這獨特的感覺，可能你會愛上💛

老婆一向食嘢喺偏素，偶爾食吓肉，不過，佢有體重過輕嘅問題，所以，家下要食番多少少肉，故此，今回佢就請我嚟「金鳳」鋸扒，認真難得，食完趁天氣涼涼哋順便去行吓山，減番啲卡路里。雖然過咗午市嘅最高峰，但都要等一等位，不過都喺三幾分鐘有得入。話時話，「金鳳」粗略估計小弟都應該有超過10年無幫襯過，呢間店都幾大，樓底又高，又有一排落地玻璃大窗，裝修就如懷式嘅豉油西餐廳嘅格局，感覺都幾舒服。牆上嘅霓虹燈數字「1969」，就喺餐廳成立嘅日子，即喺開咗超過半個世紀，主餐牌都有詳細介紹。今時今日，老店已經買少見少，屹立咁多年實在唔容易。值得一提嘅喺，啲地方無用到盡，枱櫈唔似茶記咁排到「密質質」，而且，亦盡量間開啲客人，好似我哋兩公婆同另一對客人，就安排坐晌張6人枱，中間就隔開咗一個位。午市方面，午市套餐嘅選擇唔多，只有4款，其中3款喺西式碟頭，平少少，定價$68-$82，淨番1款就喺招牌嘅鐵板扒餐，賣$138。幾款午市套餐老婆都麻麻地啱食，所以，就喺主餐牌度落手，有好多款鐵板餐供應，可謂各適其適，此外，散點嘢仲有沙律、湯品、小食、海鮮。全部餐都會有牛油餐包、餐湯同飲品、凍飲亦唔需要額外加錢，但就需收加一服務費。餐具、紙巾都放喺枱側，平常喺茶記都會放少少調味料，呢度唯一嘅調味就喺支大茄汁，因為嚟得呢度大部分人都食鐵扒餐，梗附送大量薯條，所以，茄汁喺必備調味料。牛油餐包、餐湯
呢一類小餐包喺港式西餐廳嘅經典，包身非常之軟熟，搽上少少牛油都好好食。餐湯可以揀羅宋湯或洋蔥粟米忌廉湯，我哋兩個人各叫一款試試
，似乎羅宋湯好飲好多，比較有味道，酸香又多雜菜，而個忌廉湯味道較淡，亦都比較寡，粟米粒更喺寥寥可數。歐陸鐵板餐 $138
上咗個餐湯無耐，都未飲夠1/4，就嚟個個鐵板，明顯喺因為午餐，較多人叫，完全喺整定晒。個餐寫明包咗豬扒、牛扒、法蘭克福腸、澳洲帶子，不過就唔會問你牛扒要幾成熟，亦唔會知喺咩部份，但確喺份量十足，堆到成個山咁。整體嚟講，以鋸扒而言，喺抵食嘅，不過，計埋味道就差咗少少，豬扒、牛扒調味都有少少過鹹，個黑椒汁亦都偏鹹，我啲牛部有份就較多筋，而帶子就算喺雪藏貨，算彈牙好食喎。招牌牛柳餐 $142
老婆嘅牛柳餐，又喺一大堆頭，有好多件，仲好厚身，落單時亦有問佢要幾成熟，選上7乘，都確喺煎到差不多。不過好搞笑，當淋上洋蔥汁時，塊鐵板無乜點響，只喺滋滋幾聲就完。講到啲牛柳，又真喺幾嫩滑，輕易就切得開，咬落軟腍鬆化，又幾有肉香，因為份量多，老婆食咗一半都叫飽，而下面墊有大量薯菜，不過，啲薯條咁樣墊底，被啲醬汁浸腍晒，有啲嘥料啫。熱咖啡、熱唂咕+$5
餐後一杯咖啡就啱我心水，而難得有唂咕供應，老婆就寧願加錢飲杯唂咕，比起朱古力味道更濃、更香。食得我哋兩個鬼咁飽，好彩預咗食完去行轉兩個鐘嘅短山，幫助消化，否則，真喺撐住肚皮返屋企，哈哈！

Soy Egg 🥚同9 Flag 🏳️打去book枱，點知一打去已經話成個月full晒，要book下個月，真係好誇張😋根據愈難book就愈好食既原則😋 依間野一定好好食😍 好啦! 為左食好野 等一個月就一個月啦🌙

必試: 宮廷醉鴿🦆 沙薑醬蹄🐷 醉鵝肝🦢 滷水鵝片🦢 滷水墨魚🦑 酥炸蠔餅🦪

是但總結: 超精緻 超好食既潮洲菜 CP值爆燈💡 如果你話我聽師傅做過五星級酒店👨‍🍳 我完全唔會surprise 😍 依間完全係五星級既野食👨‍🍳 平民既價錢💲 (利申:已經book左下個月再食)😋

是但食評🌟💬
✰環境😋簡潔唔花巧😋
裝潢唔錯 周圍都係灰牆磚堆砌既特色牆
冇太多花巧既裝潢🏪
簡潔企理 唔係平時食打冷油淋淋既感覺
廚房係開放式既 等位既時侯可以睇到廚師準備既過程
但係店鋪都幾細間下 10張枱都唔夠🪑
D枱都唔係好大張 有D窄 有D逼🏪
真心幾好生意 絕對可以搬大小小😋

✰宮廷醉鴿 ($168) 🍷🦆 酒店級既菜式 如果我係米芝蓮 我會直接俾星佢😍
一上枱已經見到個presentation 有幾靚🍽️
一隻咁細既鴿 起晒肉 仲要擺到咁靚😍
真心去酒店餐廳或者高級食府先見到咁既擺盤👑
完全無expect過大角咀既一間小店會拎出一碟咁正既乳鴿🦆
大家就咁睇相 已經見到D肉係幾粉嫩
咬落下 嫩 滑 香 鴿皮爽脆😍
酒味平衡得超好 完美吊起左鴿肉既鮮味
入口肉味大爆發 完全小小肉羶味都無😍
調味偏溫和 淡淡酒香 小小既甜味 肉味係主軸🦆
完全係可以拎獎既一道菜😍

✰滷水鵝片 ($178) 🦢 調味完美 唔死咸 仲要食到鵝本身既肉味😍
鵝片切得幾薄下 每一塊厚薄均一刀功了得🔪
每片都有光澤 未食已經流晒口水🌿
咬落去 肥瘦剛剛好 唔會食到成口油
但又唔會柴 有咬口之餘 仲保持到鮮嫩感
滷汁既調味恰到好處 甜鹹適中 帶有微微藥材味🌿
每一片鵝片都好入味 但又唔會過濃
每一下咀嚼 除左滷水味 仲會食到鵝本身既肉味 真係好出色😍

✰潮式凍馬友 (時價) 🐟 魚味濃 貼心黃豆醬😋
我覺得佢係新式d既凍魚🐟
唔會好多鹽係面 唔會超咸
食到馬友既魚味好濃 魚肉比較厚實🐟
個黃豆醬唔似坊間得咸味 有好貼心咁加D甜味落去中和下😋

✰沙薑醬蹄($88)🐷 超香蔥海加上爽滑醬蹄 天作之合😍
又有一個驚為天人既菜式🤯
海量既蔥🌶️ 沙薑 蒜🧄 辣椒 芝麻
加埋滾油 D香味散發晒出黎
醬蹄切到一口size 超體貼👄
用羹一𢳂 佐料同豬蹄完美咁一啖送入口🥄👄
香 辣 咸 甜 同沙薑獨有既味 一次過係口到湧出黎
醬蹄超級爽滑 一d肥膩感都冇🐷
無論味道同口感都一流👍
一個前菜都可以咁俾心機煮 仲要收得唔貴💲
認真CP值爆燈💡

✰金蒜腿絲娃娃菜 ($58) 🥦 比起其他菜式 略為一般🙂
金華火腿味同蒜味都好濃 🍖🧄
但同個菜唔係好融合 好分開
整體無咩特別🙂

✰醉鵝肝 ($100) 🍷🦢 軟 滑 香 媲美五星級酒店出名 但平民價錢😍
驚喜完全唔俾人休息😍
調味同宮廷醉鴿差唔多
酒香但唔會過濃 甜咸適中😍
完美中和左鵝肝既膩感🦢
同鵝肝本身果隻奶油味超級match
完全無內臟既腥臭味😍
食落去同出去食西餐既鵝肝一樣超級軟滑
完美無諗過一間潮州鋪可以整到咁好食既鵝肝🦢

✰尚御炒飯 ($128) 🍚 粒粒分明 菜甫鵝肉有驚喜😋
飯炒到粒粒分明
入邊有菜甫同鵝肉去炒🥦🦢
爽脆既菜甫提昇左炒飯既味道同口感😋
同時又會食到鵝香🦢
用個熱鍋上枱🥘
Keep住有熱辣辣既飯 超正🔥

✰即叫即煎原條馬友 (時價) 🐟 煎到剛剛好 魚味濃 😋
魚味好濃 魚肉比較厚實🐟
煎到剛剛好 外脆內軟
一D唔會油膩
鎖住d魚油 好好食😋

✰滷水墨魚 ($108) 🦑 柔軟口感 正😍
魷魚好柔軟 輕鬆可以咬開
Q彈既口感好正
一D都唔硬 好食😋

✰麻香蟶子(時價) 🐚 鮮甜 爽彈 😋
賣晒就冇 想食可以Book枱果陣留埋
蟶子起晒肉 岩晒我地依D懶人
蔥同個汁帶起左蟶子既鮮甜味🐚
蟶子完全無沙 煮得岩岩好 爽彈 唔韌😋

✰酥炸蠔餅 ($138) 🦪 蠔仔大大粒加埋酥脆口感 一流😍
炸粉薄薄一層 唔會成口粉
超級酥脆😍 口感非常好😍
絕對唔係食到成個口損晒😍
蠔仔好大粒 粒粒都好飽滿🦪
洗得好乾淨 無殼碎
唔腥 好食😍
本身調味唔濃 點埋魚露就剛好🐟

✰花甲蒸蛋 ($188) 🐚 太淡 口感唔係個個接受🙂
外觀超靚仔👦
花甲鮮甜無沙 隻隻都大大粒🐚
但有小小老 小小韌
個蛋好滑好滑 滑到似滑蛋牛肉果D滑蛋咁
口感上唔係個個都ok🙂
味道都幾淡 本身諗住佢有D海鮮鮮甜味 但食落唔係幾感受到🙂

厚福街係尖沙咀美食集中地之一, 今晚去咗一間食沾麵嘅小店---「元祖沾麵專門店」, 估唔到食咗一次就令我愛上!!
餐廳面積不大, 座位亦唔算闊落, 不過簡單食個沾麵需時唔太耐, 可接受。
沾麵款式多, 每款亦可額外加錢升級追加配料, 


每Order沾麵, 可以優惠價$16追加$29嘅飲品, 有數款口味嘅波子汽水選擇。
每款沾麵都以石鍋裝住熱辣辣沾汁送上, 熱得有如溫泉咁仲起緊水泡。

我地order嘅沾麵除咗沾汁外, 其他配料都係一樣,
麵底分開上, 常溫一大碗, 麵條粗, 煙韌彈牙,
每碗有三塊帶有焦燶香口嘅日式叉燒、軟滑流心嘅溏心蛋、竹筍同紫菜…

豚肉魚介沾麵:
豚肉魚介沾汁中有好幾粒豚肉角, 將麵條沾上沾汁, 鹹香惹味, 超正!
沾汁仲可以免費無限添加!



最後食完整個沾麵, 店員再加入木魚湯於餘下沾麵汁中, 比食客飲用, 味道有如淡味嘅味噌湯似的。
原隻極上芝士蟹皇豚肉沾麵:
呢款沾汁完全滿足芝士+海膽控嘅我!!
上檯時個沾汁已經散發陣陣芝士香。
沾汁容易掛汁, 芝士味濃郁又唔會過鹹, 將麵條沾上芝士沾汁食, 真係夠晒邪惡!! 而且沾汁中仲加咗海膽, 甘香美味。
另外仲跟咗個燒芝士蟹蓋, 蟹蓋中有日本松葉蟹膏同埋蟹肉碎, 金黃芝士佈面, 鹹香芝士配埋甘甜蟹膏, 味道甘香鮮甜, perfect match啊! 而且伴碟嘅沙律菜上, 仲加咗大量蟹籽, 再豐富咗口感層次。

今次造訪位於文華東方酒店25樓嘅西日酒吧The Aubrey🏨裝修精緻典雅 帶點復古嘅韻味🗝有少少似歐洲古堡風格🏰亦可以選擇窗邊座位 望向維港景色🌊而呢間酒吧餐廳亦入圍Asia's 50 Best Bar🍸而我就book咗weekend brunch set 慶祝朋友生日🥪菜色超豐富之餘 仲可以加配free flow cocktail🤩




The Aubrey Brunch $728 pp

🍴Snacks & Starters
✨️Roasted Cauliflower
✨️'Not' Crab Korokke
✨️Edamamc | Yuzu & Chili salt
✨️Daikon｜Black sesame
✨️Tsukemon
✨️Oysters
✨️Sushi Platter
分數：🌕🌕🌕🌕🌗
頭盤已經有7款小食/前菜 有葷有素🤫個人認為生蠔,蟹肉餅, 魚生壽司拼盤都係比較出色😋生蠔鮮甜肥美🦪口感屬於有少少爽口嗰種 而調配嘅柚子汁清新而開胃😉


而蟹肉餅香脆熱辣辣 包住有一絲絲滿滿嘅蟹肉🦀


魚生方面 鰤魚同油甘魚油脂都十分豐富🐟白身魚同帶子就帶爽口清甜☺️而壽司除咗魚生新鮮肥美 同醋飯嘅配合都相當恰到好處🍣


🍴Free-flow Sandos
✨️Pork & Prawn
分數：🌕🌕🌕🌕🌕
三文治內餡選擇了豬肉同蝦肉 亦都係網上最多人推薦嘅口味💁‍♀️面包烘得香脆 帶濃郁嘅牛油香氣🥪而自家製嘅免治豬肉超級juicy 煎到好香口惹味🐽而蝦肉餅都打至起膠 肉質彈牙鮮嫩🦐加上少少沙律椰菜配襯 帶點清新解膩🌿真係沒有令人失望😊雖說係可以free flow 但已經十分飽肚了🤤


🍴Salads
✨️Sunomono Asparagus
✨️Tofu Salad
分數：🌕🌕🌕🌗🌑
沙律方面點咗露荀同豆腐🥗兩款沙律都係用醋同鹽呢類簡單嘅調味🧂直接帶出蔬菜嘅新鮮爽脆🥬味道中規中矩 算係清清淡淡咁解一解膩🍀


🍴Robata Skewers
✨️Miso Pork Neck
✨️Wagyu Meatball
✨️Miso Glazed Baby Eggplant
分數：🌕🌕🌕🌕🌗
爐端串燒方面分別揀咗豬頸肉, 和牛肉丸 同茄子🍢串燒當然係即叫即燒 熱辣辣上碟🔥當中和牛肉丸係鎖住肉汁🐮牛味濃郁 口感帶點彈性 超好食🤩而味噌豬頸肉調味恰當 油脂豐富 肉質都非常爽彈🐽


🍴Rice & Noodles
✨️BBQ Ribs Fried Rice
分數：🌕🌕🌕🌕🌖
原本沒有太大期待 只係諗住果腹嘅炒飯🍚估唔到頗有驚喜😋一嚟炒飯好有鍋氣 粒粒分明😉二嚟牛嘅油香係滲入飯粒當中 好香口濃郁🐂而且飯粒係用珍珠米 比較飽滿Q彈🤏但係都係炒到好乾身 每粒米飯喺口中好彈牙嘅感覺😳


🍴Dessert Bento Box
✨️Japanese Choux
✨️Yuzu Cheesecake
✨️Seasonal Fruit｜Cantaloupe
分數：🌕🌕🌕🌕🌘
最後奉上甜品便當盒子作結🍨有泡芙 柚子芝士蛋糕 同哈密瓜🍰甜品味道偏輕盈清香🍊而我亦提前向餐廳備註 慶祝朋友生日🎂所以附上生日朱古力牌同蠟燭 仲有一封手寫卡🕯


🍴Drinks
✨️Earl Grey Martini $148
分數：🌕🌕🌕🌖🌑
我就點咗一杯cocktail 試試酒吧嘅調酒🍸整體味道係比較強烈 同dry一啲🤔起初會嘗到淡淡嘅Earl Grey香味☕️而Citrus嘅柑橘帶些許清新果甜🍊最後帶比較強烈嘅回甘 主要來自angostura嘅苦精🥂

總結：
一間裝修環境好精緻典雅嘅西日餐廳💃食物出品方面屬於中上水平 沒有到超驚豔嘅感覺🍽不過brunch嘅菜單的確十分豐富滿足😊而且亦好適合同朋友喺呢個環境下閑聊兩三個鐘 慢慢品嘗食物👭最令我impressed嘅係 當日其實係掛咗8號風球 而餐廳係回覆無論天氣如何 都會照常營業🏬令我嘅生日行程不必要取消或改期😉而店員嘅服務都十分有禮友善💝整體用餐體驗係十分完整 令人難忘💗

尋日有嘢做去咗西環
難得去到就順便搵下有咩好食🤪
見到呢間小店喺OpenRice零負評😳
一於就去試下系咪真系咁好食👊🏿
👍🏿多汁牛堡 $106
用咗竹炭麵包 喺製作過程中加入薯仔
麵包密度夠高 所以就算個burger幾爆餡幾juicy都唔容易整到濕漉漉👍🏿
食落鬆軟得嚟帶有彈性
Beef patty煎到好香 食到濃郁嘅牛味😆
而且牛脂豐富 真系勁多汁🤤冇改錯名🤣
肉汁浸晒入個包度 令麵包帶濕潤
食落唔會乾鯁鯁 但又唔會濕漉漉好似浸水麵包咁👍🏿
配搭芝士 洋蔥 生菜 bacon
味道更豐富 好有層次感😋
唯一要挑剔嘅系burger略為油咗少少🤏🏿
攞上手覺得油 但食落莫名其妙地又唔覺油膩感重😳可能因為太好食😂😂
醬料方面可以揀紫菜或者系麻辣mayonnaise
史努比就揀咗紫菜mayonnaise
冇諗過佢同個burger會咁match🤭
食得出有紫菜味但冇蓋過牛肉本身嘅味道
Overall真心好正
覺得佢可以做到史努比Top1 burger!!😎
味道: 10/10
👍🏿薯條(跟set）
薯條系波浪形嘅粗薯
加咗少少紫菜粉調味
食落有少少脆口😳
炸得幾好👍🏿唔會覺得好腍好油
味道: 8.5/10
性價比: 8.5/10
👍🏿芝士青蔥粗管通粉 $106
粗管通粉煮嘅時間啱啱好
食落煙韌 好有口感😋
Mix咗幾種唔同嘅cheese
芝士味非常濃郁
佢就好似Mac & cheese咁
不過用嘅系粗管通粉
可以hold到更多嘅sauce
啖啖都充滿芝士嘅鹹香🤤
食落勁creamy
另外仲食到明顯嘅檸檬味
應該落咗lemonade 同刨咗檸檬皮落去
令成件事更加fresh😆
即使勁多芝士都唔會話飽飽滯滯咁👍🏿
味道: 9/10
性價比: 8.5/10
*不設加一服務費*
另外出示學生證仲有9折優惠
(一位學生證一個set嘅discount)
人均$100食到咁高質嘅西餐
史努比就覺得值啦😚
唔使加一 但店員都系好nice唔會冇服務
史努比大推Burger👊🏿👊🏿
雖然location好遠 但值得回頭😆
整體評分：
味道: 9.5/10
環境: 8/10
服務: 8/10
衛生: 8/10
扳食: 8.5/10
回頭率: 8.5/10
-

🤗 同事 “巫師” 推介 “天一閣”, 聽講主事人嘅老豆係 “大班樓” 創辦人之一, 餐廳頗具名氣, 曾經屬 預約困難店.

🥰 今日相約老友 “甘仔”, “約兒”, 同埋 “格魯特” 江湖飯局, 交換情報. 電話訂位, 幾日後訊息溝通選菜. 兩款晚餐, 高級版 每位 $1,180+10%, 唔駛再揀來揀去, 我哋試咗 初級版 $850+10%, A. 頭盤十選二, B. 燉湯, C. 花雕蒸蟹, D. 主菜八選一, E. 時蔬三選一, F. 主食二選一, G. 甜品.

茶燻雛鴿
蜀香墨魚仔
花膠螺頭燉雞湯
廿五年陳花雕蒸花蟹配陳村粉
隋王斬肉
魚湯浸時蔬
蝦子蝦油蔥油撈麵
椰汁棗茸糕
花雕紅棗飲 🕊️ 茶燻雛鴿. 用蒸籠上菜, 雛鴿細細隻, 冇 “啖啖肉” 嘅口感, 但肉質嫩滑. 煙燻味道柔和撲鼻, 入哂骨頭, 一路食, 煙燻味一路攻入口腔, 餘韻悠長, 十分精彩.🦑 蜀香墨魚仔. 每人一碗, 墨魚仔爽口彈牙, 椒味刺激味蕾, 十分過癮. 我諗起 1881 “后園” 嘅藤椒象拔蚌, 異曲同工. 🤗 花膠螺頭燉雞湯. 清甜, 非常清甜, 而且熱到燙口, 驚喜喎! 燉湯比煲湯更能保留鮮味, 又有保溫功效. 材料方面, 一片花膠, 一粒螺頭, 大量雞肉瘦肉.🦀 廿五年陳花雕蒸花蟹配陳村粉, 餐廳另取名 “香醉紅蟳”. 今晚主角出塲, 酒味香醇撲鼻, 蟹肉新鮮結實, 完全吸晒花雕酒味, 十個讚. 陳村粉少少煙靭, 唔會太腍太粉, 一片片撕開, 浸浴花雕蟹汁, 一滴不留. 廿五年陳花雕果然名不虛傳, 聞落夢幻, 入口震撼, 再三回味.

📖 翻查資料: “香醉紅蟳” 嘅 “蟳” 屬於蟹嘅一種, 紅蟳 即係交配過嘅 雌青蟹. 今晚食嘅係花蟹.🍖 隋王斬肉. 肉球彈牙, 肥瘦均勻, 入口滑溜, 唔會散開, 湯汁熱辣辣, 出色! 比坊間食開嘅 “獅子頭” 高幾班.

📖 相傳隋煬帝沿大運河南下出巡, 嚟到揚州, 對景點 萬松山, 金錢墩, 象牙林, 葵花崗 十分留戀, 命御㕑以四景為題作菜, 分別做成了松鼠鱖魚, 金錢蝦餅, 象牙雞條, 葵花斬肉四道菜. 隋煬帝對呢粒肉丸讚口不絕, 後揚名全國, 因而得名 “隋王斬肉” 或 “葵花斬肉”.

📖 信不信由你, 豬肉取自丁字骨下嘅精華部份, 聽講一隻豬只能夠做出一粒肉丸.

📖 “獅子頭” 嘅前身就係 “隋王斬肉”, 相傳唐朝郇國公 “韋陟” 宴客, 府中名㕑 “韋巨元” 做了隋王斬肉, 由肉丸做成嘅 葵花心 貌似 雄獅之頭, 賓客們趁機勸酒, 說: 郇國公半生戎馬, 戰功彪炳, 應佩雄獅帥印. “韋陟” 高興回應: “隋王斬肉” 不如改名為 “獅子頭”.🥬 魚湯浸時蔬. 魚湯底鮮甜, 豆苗嫩綠, 腐皮滑溜, 誠意之作.🍥 蝦子蝦油蔥油撈麵. 睇落簡簡單單, 麵質爽口彈牙, 蔥味全面滲透, 征服味蕾, 又唔會太重口味, 正呀!🍮 椰汁棗茸糕. 煙煙靱靭, 甜味啱啱好!🥂 花雕紅棗飲. 酒精已經完全揮發, 剩底輕柔嘅花雕味, 再配合紅棗味道, 入口舒服.🏘️ 最後講講環境, 餐廳位於跑馬地舊商業大廈閣樓, 電梯按M字, 電梯同走廊有怪味, 扣分. 出𨋢 即刻見到 “天一閣”. 一開門, 嘩! 四張枱, 冇人嘅? 心都離一離. 兩秒後, 服務員出現, 禮貌咁問: 係咪甘先生, 然後引路沿樓梯落一層, 三張枱, 連埋我哋, 三枱客. 佈置簡陋, 零裝修.🤗 總結: 環境扣晒分, 零裝修, 燈光又差, 不宜拍照. 服務殷勤, 密密換碟, 開瓶費只收現金, 一百蚊一支, 哈. 論食物, 賣相麻麻哋, 但味道水準真係一流, 充滿驚喜.

🤗 攻略: 頭盤十選二, 茶燻雛鴿 屬鎮店菜式, 必點, 蜀香墨魚仔 又係震撼, 曾經諗過揀叉燒, 但評論左右兩極, 下次再試. 花膠螺頭燉雞湯 交到功課. 主角 花雕蒸蟹 十分精彩, 有比較有傷害, 相對近日食過 “潮州軒” 嘅醉蟹, “天一閣” 嘅花雕酒味完勝. 主菜八選一, 揀咗 隋王斬肉, 絕對值得一試. 蝦子蝦油蔥油撈麵 又係鎮店菜式. 事隔數月, 仍然回味.

有日想同朋友去元朗食串燒慶祝萬聖節，之後佢推介我去呢間好燒式燒烤專門店，佢個店面使用紅黃相間的字配白光燈，非常之醒目。店主仲好有心配合萬聖節主題有兩隻哇鬼企左係門口吸引人，店裡面亦都掛起左蜘蛛網裝飾，真係好有萬聖節feel。 餐牌食物款式非常多，有肉有素，任君選擇。好啦，依家要黎介紹重頭戲既菜式啦~~
首先係燒半隻龍蝦，價錢黎講都合理。龍蝦都幾大隻，差唔多有我隻手掌咁大。一叉起舊龍蝦肉沒有發霉及不新鮮情況，啖啖都係新鮮龍蝦肉。廚師都處理得唔錯蝦身燒得岩岩好都幾乾身唔會濕立立，又捨得放左好多芝士和蒜蓉，龍蝦肉配埋芝士/蒜蓉真係有種high class既享受。燒蠔都燒得唔錯，芝士都落得好重手，最岩我呢啲芝士控的朋友。蠔身金黃色微微焦香，份外惹味，一上菜個陣香噴噴的海鮮的香味，蒜蓉配埋蠔簡直係絕配。只恨胃口太細要試埋其他美食，如果要齋食燒蠔，起碼要黎一打先滿足。廚師煮得好好味吖~到雜錦既串燒啦，我地嗌左安格斯牛肋串、和牛肋串、陰功豬每樣2串，一上菜成間餐廳都充斥的香味，安格斯牛肋串肉質比較肥瘦均勻，肉味都幾香，面頭有少少焦香份外惹味。和牛肋串真心推介，牛肉油脂的香味十足，肉質非常嫩口，廚師仲放左原條香草解左肉類的油膩，應該餐廳使用左啲比較高級的和牛，所以啲肉食落去真係有啲唔同，值得回味。陰功豬肉串豬肉都燒得唔錯，肉質柔軟，味道唔會太鹹。食得多燒野想黎其他的海鮮，於是叫左份辣酒煮沙白。沙白都幾新鮮，排沙已經處理好，所以沙白沒有沙粒的口感，配埋酒香和辣椒一隻一隻停唔到落黎食，好味道~黎燒烤餐廳點可以唔嗌燒茄子呢?呢間餐廳廚師處理得唔錯，火候控制得唔錯，唔似其他燒烤餐廳會燒焦左個茄子有陣燶味，證明廚師出品有一定水準，上面啲茄子肉可以刮得乾乾淨淨唔會因為燒過頭/燒唔熟而剩低好多部份不能食。茄子調味都唔錯，基本上唔需要再加醬料就可以即刻食。到最後要黎個飯收尾啦~荷葉飯裡面都有好多海鮮，有蝦肉、蜆和魷魚塊，炒飯底係鮑魚汁蔥花蛋，配埋荷葉個陣香味，非常惹味。份量都非常多，起碼可以裝3-4碗，性價比都幾高。 總括而言，呢間餐廳出品有一定水準，燒肉類有一定技術。

I recently dined at JEP by Involtini, a restaurant located in Tuen Mun. My companion and I opted for the set lunch, and we were both thoroughly impressed with our dining experience. The set lunch included a delightful array of dishes, starting with the appetizer. We chose the ham platter, which was a perfect way to kick off the meal. The variety of ham offered a delightful combination of flavors. For the main course, we ordered two different dishes. The first was the homemade rigatoni with clam jus, uroko-yaki market fish, and seaweed butter. Despite the chef's explanation that the fish scales didn't turn out as desired due to the size of the fish, the dish still impressed us. The fish was tender, flavorful, and had a delightful crispy skin. The fish itself was firm and had a fresh and sweet taste. The second main course was the korayaki risotto with crabmeat. This dish was a standout. The flavors of the crabmeat were prominent, thanks to the searing process. The dish had a rich and intense taste, and the addition of the raw quail egg enhanced the overall creamy and smooth texture. If there was one minor improvement, it would be to reduce the sauce slightly to achieve a more velvety consistency, similar to cream. For dessert, we were presented with a beautifully crafted floral-shaped ice cream. It was a delightful treat to end our meal. As for the beverage, we chose the refreshing Lemonade, which paired perfectly with the flavors of the dishes. One aspect of our dining experience that cannot go unnoticed is the exceptional service. From the moment we arrived, a friendly waitress greeted us with a warm smile. She promptly attended to our needs and accommodated our requests with efficiency. Despite being a new member of the team, another staff member displayed great attentiveness and politeness. It was evident that the chef took pride in his creations and was open to feedback, which we truly appreciated. Overall, JEP by Involtini provided an outstanding dining experience. The set lunch offered a well-balanced selection of dishes, and each course was executed with precision. The restaurant's warm and attentive service further enhanced our enjoyment. I highly recommend JEP by Involtini for anyone looking to indulge in a memorable dining experience in Tuen Mun.

📌 小肥羊 - 荃灣眾安街55號大鴻輝(荃灣)中心20樓 🗓(4/11) 星期六 ⏰ 中午12:30左右 💈特式：小肥羊曾經係香港極之受歡迎，當時開左唔少分店，風頭一時無兩，但時至而家只淨返荃灣一間店，可能因為佢地已將重點放係新嘅連鎖店「快樂小羊」上，但我始終都係覺得小肥羊更為正宗同抵食。 🥩🍔🌭🌮🥗🥯🥘🍲🍝🍣🥟🍤🍱 食物：餐廳keep住有做任飲任食放題，分別為4個價位，午市最平$1️⃣4️⃣8️⃣就已經有交易，而家等我同大家講下🐏🥘味道先。 🅰️餐 經典餐點 $1️⃣4️⃣8️⃣ - 因為小肥羊係已抵食為主，所以叫最平個set就性價比最高，而且呢個set已經有2款羊🐏 /1款牛🐮 /1款豬🐷 /2款海鮮，仲有出面自助吧超過70款配料任食，所以一定係性價比之冠。 🥘湯底 - 佢地有經典清湯/經典麻辣/皮蛋芫荽/蕃茄湯底，同幾款鴛鴦共9款選擇，但我每次都係叫經典鴛鴦鍋，因為佢呢兩個湯底係同羊肉最夾。 經典湯底入面有花椒/八角/當歸/丁香/枸杞/茴香/小茴香/龍眼肉等藥材，有好香藥膳味；另外，佢地個經典麻辣湯底真係都幾辣，係會越食越辣個種，如果怕辣但又想食嘅朋友，建議一早撈走部分辣椒，咁會有些許幫助。 🐏羊肉 - 最平個set包左招牌AAA羔羊肉及香茜羊肉滑：羔羊肉正常水準，有輕微羊臊味，比一般酒樓火鍋個d羊肉片好百倍；羊肉滑淥完個肉質有d似山竹牛肉球，但羊臊味十分濃烈，我自己就好鍾意嗰浸羊臊味。 🐮牛肉 - 牛肉就得一款美國精品肥牛，就係普通係火鍋店食到嘅一般火鍋牛肉，反而佢地自助區有得攞嘅滑牛片比肥牛更加好食。 火鍋配料 - 火鍋配料放晒喺出邊自助區，種類都有6~70款，包括不同嘅蔬菜/菇菌類，仲有鮮雞件/滑牛片/豬紅/豬肚/豬皮/牛柏葉/吊桶/水魷魚及各色丸類。 ☕️🍵🥤🧋🍺🍷🥃🍹🧉🍾🍶🥛 飲品 : 飲品都係自助形式，包括有罐裝汽水及茶，仲有清熱飲，種類就唔算好多，大約有10款。 🍽環境：餐廳位置食肆林立嘅荃灣大鴻輝中心，佔地係全層，所以地方好寬敞闊落，有大量卡位，而且可以枱之間嘅空間好足夠，仲有大量落地玻璃，采光好夠光猛，整潔程度就正正常常。 🤵🏻🤵🏻‍♀️🤵🏻‍♂️服務：全程只見到得兩名店員係舖面工作，但佢地都相當勤快及有禮，因為當時唔算爆場，所以兩個人做起來都仲應付到。 💰💸價錢：午市最平套餐只係$1️⃣4️⃣8️⃣，連埋加一費用，埋單一個人大約$1️⃣6️⃣0️⃣左右，價錢真心抵同高性價比。 🐲💬總結：我差唔多半年就會想嚟食一次，可能係因為出面火鍋店嘅羊肉片同小肥羊根本唔同一回事，所以每隔一段時間都會嚟食一次止下癮。 推薦指數：❤️❤️❤️❤️🤍

貴為連續十四年得到米芝蓮三星嘅中菜廳🥢
早一個月前先到book
超級超級期待嚟試呀！

坐低咗之後首先開壺菊花茶🫖🌼～

✧ Copenhagen Lyserød ($150/ glass)
服務態度真係可以令一間好嘅餐廳昇華
話說侍茶哥哥好專業咁推薦一啲特飲俾我哋
飲品咩顏色、產地故事、熱飲凍飲都講
咁本豬就叫咗呢杯粉紅色嘅Sparkling Tea🍷
個樽靚到好似酒樽咁🍶
打算影佢嘅時候侍茶哥哥就話唔使急啦試一啖再影
令本豬默默地為龍景軒加分ヾ(*´∀ ˋ*)ﾉ
味道係Sparkling洛神花烏龍茶🌸🫖
如果大家唔想飲熱茶又唔想飲酒可以試下呢個！✧ 生筋酸齋（free)
酸味唔會過度 有做到開胃嘅效果✧ 醬汁
之前好好食嘅xo醬冇咗 變咗做香蔥豆乾醬
聽聞係專登飛去台灣取材調味㗎✈️
食落係蔥香嘅微辣
而本來有嘅豆瓣醬同辣椒醬就繼續提供

✧ 筍尖鮮蝦餃（$80）
皮薄餡靚直接進到裏面隻蝦
蝦大隻又juicy🦐
但筍尖就唔係太食得出
包過餃子/雲吞嘅人應該睇得出廚師嘅心思
個皮摺得好均勻又摺到好多層超美der🥟✧ 蟹肉蒸燒賣（$80）
燒賣有蝦味但唔濃
上面放啲撕咗嘅蟹肉碎一齊蒸🦀
一齊咬嘅時候多一份鮮甜✧ 崧子叉燒菠蘿包（$80）
粒粒崧子仁同菠蘿包脆皮嘅咬感相映成趣
而叉燒蓉同菠蘿包嘅軟熟又互相呼應
細細嚿迷你可愛非常ig-able📸✧ 蒜蓉蝦春卷（$80）
同鮮蝦餃一樣 蝦肉鮮甜肉質爽嫩彈牙🦐
春卷皮炸得好脆
食完之後喺隻碟見唔到有油
處理得非常好～✧ 廚師精選三拼（$280）
蜜汁燒叉燒、龍蝦🦞、墨魚
三樣可以轉走其中一樣🔁
轉咗龍蝦做片皮乳豬件蜜汁燒叉燒紅得嚟唔係落色素
麥芽糖嘅甜就好似一種coating咁包實成嚿叉燒
叉燒就厚肉 偏瘦小肥 啱哂唔鍾意太肥膩嘅乳豬件嘅皮燒得好酥脆🐖
加上中間一片薄刈包
成件事啱啱好唔會過於油膩中間吱咗蝦膠所以外觀實卜卜
略嫌墨魚同蝦膠都唔夠味🐙🦐
要靠醬料去吊返個味🧂
另外龍景軒好有心思嘅位係
佢哋唔用炸米粉/粉絲去做托
而係用炸白飯魚去做個網托佳隻墨魚🐟✧ 咕嚕肉
汁收得好好 如果太濕又會浸淋個脆皮
太乾又做到coating包住嚿肉
需要糖提供呢個硬度之餘🍬
酸甜汁調味亦都剛剛好非常平均(*´ω`*)
炸皮厚度適中唔會話食炸粉咁
如果格硬要批評就係肉乾左d
同埋有一兩嚿有啲燶✧ 燕窩蛋白燉鮮奶（$240）
燉奶偏實 有落少少薑汁🫚
但同外面食到嘅差唔多

✧ 核桃露湯圓
核桃露普普通通
味道方面本豬覺得佳佳都做到仲要性價比高啲
碗底有兩粒芝麻湯圓
特別嘅位係咬到冰糖/芝麻粒
而唔係平時食開打到爛哂嗰種

✧ 美點雙輝
老婆餅：冬瓜椰蓉偏實，易黐牙
咖啡糕：以咖啡凍同忌廉咖啡凍，以咖啡入饌甘中帶甜係幾好嘅選材☕️

呢一間餐廳門面好特別，全藍色超靚😍就咁睇已經覺得好有Feel👍🏻入面都唔差，好有特色同格調，打卡一流！Lunch $118~$188不等，包餐湯/沙律同普通咖啡/茶。仲有加配組合（A+B+C），只係加$98就可以有3樣野，勁抵！同朋友一齊食可以加呢個大家一齊share👍🏻 首先上菜既係沙律，沙律係藜麥﹒合桃﹒番石榴沙律，呢個配搭十分之出色，藜麥既蓬鬆質感、香脆香口既合桃同埋番石榴酸酸甜甜既味道，令呢個沙律食落去十分之清新，口感亦都好豐富，作為前菜一流💯黑松露忌廉汁薯仔粉，店員送到上黎既時候我都嚇左一跳，忍唔住問呢碟係咩黎，原來係薯仔粉！賣相超特別🤩聞落去有淡淡既黑松露香氣，再試下個口感，有啲似食緊麻糬既感覺，柔軟而有彈性，又有啲黏性，十足十食緊薯仔味麻糬咁🤣成碟都有成8-9舊，食到超飽！加配組合A.炸薯條配黑松露醬，份量比想像中多好多！滿滿的一兜！而且薯條係我最鐘意既幼薯條！比起粗薯條口感更加香脆🤤配埋香濃既黑松露醬簡直就係完美組合👍🏻加配組合B.香蒜炒蝦，有4隻，4隻都大大隻，而且食落去新鮮彈牙，香蒜味充滿左成個口腔，好食！加配組合C.意大利軟芝士餅，即是Tiramisu，賣相已經覺得好靚，而且食落去唔會太甜，咖啡味濃郁👍🏻
成個用餐都好舒適，環境又大又坐得好舒服，職員都好好笑容好有禮貌👍🏻
價錢係尖沙咀黎講都幾合理唔太貴，食物質素高，下次會黎試下個晚餐🤤

之前在小店新開時經過， 店員姐姐特意從店裡走出來介紹， 可惜當時吃飽飽不餓， 但都在心底留下小小足跡👣⋯⋯ 下次放假肚餓過黎先～🤭 又到星期日，等到我餓到打鼓的時候， 終於可出發黎幫襯下啦 內裡都是舒服的， 整潔明亮的， 星期日的下午 沒有什麼客人， 大概大家都像我之前錯過了這店🫣 店中播著聽不懂的泰文歌 是流行曲的泰文歌， 店員姐姐看著似是一家人 有媽媽有大女兒有小女兒， 感覺溫馨 餐具的顏色配搭不錯👍🏻 叫了小朋友至愛… F. 菠蘿炒飯 同埋 比較少見的 A. 泰北咖哩麵 先上了兩款跟餐飲品 分別係 青檸梳打 同 +8蚊的 泰式奶茶 味道是正常的泰式奶茶味， 而另一杯 青檸梳打 則是 滿滿 酸酸的 「清新感覺」（清新感覺係男人話既，佢仲話飲完好舒服添甜味愛好者的我表示不理解🤷🏻‍♀️） 同場加映… 送的小沙律🥗 #跟餐係唔包既， 不過店員姐姐送比我地， 一點也不遜色哦⋯⋯# 蕃茄仔反對協會的我見到沙律🥗的賣相都好支持咁食左半舊蕃茄仔… 拿…小沙律比我的感覺就是 新鮮 沙律上的泰式酸辣汁 配上新鮮的蕃茄仔同（似係）輕輕烚過下既洋蔥 （因為食落冇生洋蔥既草青同辣喉嚨味） 變左係甜酸辣的交響曲 坦白講 我其實本身好麻麻沙律🥗， 但這個豬頸肉沙津的確比到我驚喜 之後上菜的就是我揀嘅菠蘿炒飯 賣相唔算好靚仔 但是好有內涵啵 用上新鮮菠蘿粒， 配上提子乾、脆脆的腰果粒粒、滿滿的肉鬆， 仲有雖然唔係好多但好嫩口入味既雞粒， 加上滿滿的鑊氣（一𢳂起係出晒煙架） 就是出場的菠蘿炒飯這位佳麗啦⋯⋯ 簡單來說 就是 好味😋⋯⋯ 各個小角色的發揮都相得益彰， 新鮮既菠蘿粒粒配上提子乾 增添了水果的香甜味； 腰果就加左脆脆嘅口感～ 第二道的泰北咖啡麵好靚仔啵 （女人都是中意靚仔的） 上面一條條既係炸麵，口感就似炸雲吞個皮， 當佢浸落個咖喱湯既時候就會索晒D湯 但係個湯入面既湯麵🍜係一餅麵 比較一舊野😅 要自己撩番散佢😅 咖喱湯杰身，味道似白咖喱， 入面中包含一隻大雞脾、酸菜、洋蔥 隻大雞髀好軟滑 雖然好似唔係好多餸， 但係嗰隻大雞髀令到成個麵生色不少 食左正餐緊係食埋個甜品啦 （唔係唔食呀嘛？！） 芒果糯米飯好似真是太普遍啦⋯⋯ 搵D特別小小先😌 我就要左個香蕉煎餅🫓 男人要左個泰式奶茶布甸 ［佢D出品 個碟同匙羹叉既顏色 我真是好中意］ 黎左個泰式奶茶布甸先 果然係泰式奶茶布甸， 完全係冇揸流攤， 布甸嘅泰式奶茶味係仲濃過我個杯泰式奶茶仲有滿滿的淡奶 濃濃的奶茶 滿滿的滑淡奶 仲有甜蜜煙靭嘅小麻糬🥰 （食甜品就是幸福☺️） 之後到香蕉煎餅出場啦⋯⋯ 作為最後登場嘅甜品，佢真係有啲飽肚😅 味道方面係正正常常，個樣都係幾靚嘅😌 煎餅入面有滿滿嘅香蕉，上面淋上小小煉奶， 花生碎小山伴碟 其實色香味都做得唔錯 只係其實我都飽啦 ———————————— 整體嚟講 小店有家庭嘅感覺 可能因為佢哋店員都似係全家人咁去做 有媽媽有大女又細女咁 佢個大女就似係中學生左右大 細女呢就一個BB周圍走來走去 ～～～～～～～～～～～～～ 成件事就好似去咗人哋屋企作客咁 而佢哋都好客氣，好有禮貌 味道其實都好味，而且令人感覺好休閒好舒服 今次午餐來 由本身得我一台到我走嘅時候有兩三台 希望佢夜晚會多啲客啦 希望會多啲人識得欣賞佢啦 ================== #題外話，係我食緊甜品嘅時候 聽到佢廚房用風爐既聲音😍 唔怪得知咁有鑊氣啦#