影片
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
影片
相片
香草牛油封門牛肉汁意粉
+686
+29
食家推介
好開心，Rosie開到嚟鰂魚涌，令到太古坊返工嘅我，放工都可以嘆靚靚意粉同嘢飲。Rosie喺葵芳已經好受歡迎，佢係以平民價錢食高檔意粉聞名，設計同出品都好特別，同一般連鎖意粉店唔同。不過我知道，飲品係佢另一個秘密武器…藍水母 $68用上蝶豆花、鮮奶同咖啡造成嘅超現實飲品。一層層嘅顏色化開，影相真係一流。最重要係飲落相當唔錯，唔會好甜，咖啡味亦足夠。朱古力鮮奶 $48另一杯強力飲品，朱古力上面鋪滿朱古力粉同白朱古力，比一般拉花嘅咖啡更靚仔。飲落熱辣辣嘅鮮奶同朱古力，喺冬天真係會令人舒服好多。龍蝦濃湯蟹肉帶子麵 $198呢度嘅名物。與其話係汁意粉，不如話係用濃味嘅龍蝦湯做湯底，再放一個墨魚意粉同蟹肉帶子上上面。咁樣講係因為龍蝦湯本身已經又多又夠味，係可以就咁飲。襯埋味道相近嘅蟹肉同帶子，其實一定係好食。辣芝士醬明蝦扁意粉 $138如果話龍蝦湯已經夠晒濃味，咁呢個辣芝士醬就係超濃味。辣度唔算好高，但食落係會感覺到，芝士醬濃厚之餘係非常多，鍾意重味人士真係啱晒。朱古力心太軟配開心果意式手工雪糕 $88咁嘅組合，唔使形容之好食啩？但佢仲有啲儀式感，會拉起個包裝等啲開心果忌廉跌落嚟。開心果雪糕算係幾有味道，加上粒粒嘅開心果，比雲呢拿味會更豐富。心太軟就正常發揮了。可以收工喺附近食個靚意粉，飲靚嘢飲，喺咁舒服嘅環境同朋友傾吓偈，都可以緩和一下返工嘅壓力😌。
繼續閱讀
夜晚放工後跟朋友去試一間鰂魚涌新開cafe—-Rosie。到場時非常驚喜，在繁忙的街道上的一間外型優雅的cafe, 令喜歡打卡的我非常歡喜💕開開心心打完卡後，我和朋友點了它們的招牌鵝肝dishes—-雙層鵝肝鮮檸檬醬貓耳朵粉&雙層鵝肝松露香菇意大利飯 ，飲品方面我們點了用碟豆花製作的藍水母及紫薯咖啡。是次最愛菜品:雙層鵝肝鮮檸檬醬貓耳朵粉鵝肝份量十足！往往很多時鵝肝dish的鵝肝都很少，經常覺得不夠滿足。而這個雙層鵝肝鮮檸檬醬貓耳朵粉的鵝肝份量很足！一碟有兩塊厚厚的鵝肝，吃起來非常滿足🤩加上它的檸檬醬，酸酸甜甜的，很符合女生的口味☺️而家連我男生朋友也很喜歡💕它們認真做好每碟意大利粉,可以用親民價食到高檔意大利 pasta ,有別於連鎖店意粉。愛pasta迷必來😉，遲點也要去Rosie在葵芳的分店試一下！
繼續閱讀
放工同朋友想搵間Cafe傾偈食嘢，就揀咗喺鰂魚涌依間新開嘅Cafe，佢仲有間姊妹店喺葵芳㗎🥰 環境好有度假風，仲有高CP值嘅意粉㖭啊❤️鵝肝鮮檸檬醬貓耳朵粉 （$228）貓耳朵粉口感彈牙，掛汁能力超強，鮮檸檬醬帶微微酸香，令濃郁嘅鵝肝味道更突出，完全唔會膩❤️龍蝦濃湯蟹肉帶子麵 （$218）龍蝦湯醬汁超濃郁，蟹肉同帶子嘅鮮甜味互相襯托，意粉吸滿湯汁🫶🏻蒜香雞翼（2件）（+$20）雞翼香脆入味，蒜香味濃郁🥰抹茶鮮奶 （$48）抹茶味道濃郁，帶微微回甘，配搭鮮奶令整體更加幼滑蜂蜜玫瑰花茶（熱） （$45）玫瑰花茶香氣清新，蜂蜜帶來自然甜味，飲落去好舒服
繼續閱讀
🌟 夜晚放工之後同朋友去咗Rosie，佢哋夜晚9點先閂門，對於cafe嚟講真係少有！💫 餐廳裝潢好有特色，用咗木質同石頭元素，配合柔和色調，令你一入去就放鬆晒！✨🍝 香草牛油封門牛肉汁意粉 ($196) 真係唔錯！現場火槍燒牛油，嗰陣香氣勁滋味！牛肉細嫩又充滿香草味，醬汁香滑，每條意粉都完美掛住，每啖都好滿足。👏🦞 龍蝦濃湯蟹肉帶子麵 ($198)，呢個就真係值得一試！龍蝦湯超濃郁，麵條煙韌彈牙，掛晒湯汁！蟹肉多到每啖都有，帶子煎得啱啱好，係我最鍾意嘅海鮮盛宴！😍
繼續閱讀
Rosie的暖黃燈光像顆遺落的星星。推門即聞到蒜香與奶油交織的氣息，這家新開的意式小館，用一碟「龍蝦濃湯蟹肉帶子麵」瞬間治癒加班後的疲憊——濃稠的龍蝦汁裹著彈牙扁麵，蟹肉絲與煎得微焦的帶子堆成小山，海鮮的鮮甜在舌尖綻放。前菜的「蒜香炒蘑菇」是意外驚喜，肥厚的菌菇吸飽蒜末與香草橄欖油，咬下時汁水迸發。主廚對食材的執著更體現在「鵝肝松露香菇意大利飯」—— 煎得外脆內嫩的鵝肝，與黑松露碎共同沉入綿密燉飯中，每一勺都是濃郁的菌香與奶香交響曲。 壓軸的「朱古力心太軟配開心果意式手作雪糕」堪稱神來之筆，熔岩般的熱巧克力與堅果香雪糕冰火相融，苦甜平衡得恰到好處。聽說葵芳本店總是大排長龍，而這家分店仍保持著難得的閒適。當夜歸人用叉尖捲起最後一根意粉時，終於明白何謂「親民價的高檔滋味」——沒有華麗擺盤，只有鍋氣與誠意滿滿的溫度。
繼續閱讀