影片
港鐵長沙灣站 A1 出口, 步行約4分鐘
繼續閱讀
營業時間
星期一至日
06:30 - 00:00
以上資料只供參考, 請與餐廳確認詳情
這家君好酒樓我哋過時過節都會嚟食飯，因為就返公公婆婆喺麗閣邨，每次來，酒樓經理、侍應都十分欣勤， 真係有啲似一家人嘅感覺！今晚都係點一些傳統嘅菜式，紅燒鮑參翅肚 湯羹真係好好味，真材實料份量十足！脆皮燒腩仔， 燒肉皮真係十分脆，而且肉質柔軟！金牌燒雞， 保持水準，金牌燒雞真係炸得很甘香！北菇紅燒豆腐， 豆腐十分之滑， 而且比起出面嘅酒樓分量相當之大!小菜係生炒排骨， 醬汁酸酸味味，好開胃！翡翠炒鴛鴦蚌， 西蘭花炒得剛剛好，鴛鴦蚌亦十分爽口！
繼續閱讀
朋友生日擺咗一圍，包咗個房，有麻雀耍樂，Karaoke。第一次嚟，唔多識路，Google map都搞唔掂，沿路問街坊，好彩D街坊都好友善，都唔係太難揾。原來呢間酒家好大，有兩層，仲有個大廳跳舞，好多高手，不過，我哋冇得跳，我諗係另一個價錢吧！我哋冇問，因為……晌房唱K都好唔得閒，音晌麻麻，好彩D咪幾好聲，D歌都啱唱，服務員友善，玩得好開心。食物質素，中規中矩，主人家埋單，所以，唔知抵唔抵食，不過，應該唔算貴嘅！整體滿意。
繼續閱讀
每逢過年過節 ，一家人要搵些地方搞下聚會 確實係好傷腦筋！唔係嫌價錢太貴，又怕 full booking滿座。兄弟姊妹又會嫌呢樣嫌嗰樣……呢間君好，係我朋友推介的，貪佢方便，就腳 於是去試試位置係喺麗閣邨地下，典型舊式嘅酒樓，但估唔到晚上小菜，都保持到好高嘅水準！雖然這個地方沒有靚裝修，但食晚飯小菜確實係唔錯之選！乳豬皮夠脆夠大件。西蘭花火候剛好不會太老。海鮮亦有水準，蒜蓉開邊蒸蝦味道十足。炸子雞十分有水準。有時一家人食餐晚飯，最緊要實實際際，好食 及地方闊落！一家人開開心心團團圓圓就好了
繼續閱讀
今天天氣炎熱，和同事外勤，午餐最好飲茶，補足水分，去了附近的君好海鮮火鍋酒家（長沙灣A1出口，麗閣邨商場停車場側）。逢星期一至五，午市11點半至兩點（小點$14.8/中點$17.8/大點$20.8），下午茶兩點至四點（小點$12.8/中點$15.8/大點$18.8）。 今日我哋一點半先來到，所以有午市及下午茶一起吃。我們四人，叫了一枱子點心。蟹子燒賣王，香芋鳳爪扎，上湯鮮竹卷，蜆芥鯪魚球，香煎蓮藕餅，鮮蝦腸粉，至尊鹹肉粽和菜乾豬骨粥（$10.8)。每人$60好抵食！
繼續閱讀
今日又是星期六, 約了舞友去練舞和吃晚飯, 選了到 長沙灣荔枝角道 君好海鮮酒家 ~ 樂富門宴會廳, 那位置很方便, 有停車場有泊車優惠, 也可乘地鐵. 所以先要訂枱, 因為客人很多.晚上由七点開始, 有中外歌手演唱中西流行歌曲, 每位最低消費 $180-, 好經濟 ! 大型舞臺有樂隊, 佈置威煌.燈光燦爛, 舞池四正闊大, 氣氛好熱鬧.侍應招呼很好, 水滾茶靚, 座位舒適。我們点了三個小菜： 燒腩仔, 份量少少, 皮脆, 肉質好, 配黃介茉 ! 冬菇燘鵝掌: 用鐵鍋上枱保持熱度, 鵝掌很大隻, 份量足, 冬菇也有多個, 燘得很稔甜, 醬汁惹味, 配菜還有爽口生菜.枝竹燘龍躉魚, 龍躉骨很大, 肉質新鮮彈牙, 燘得很香口, 調味適中.三個小菜配搭不錯. 最後有一碟西瓜, 好清甜. 在此酒樓吃吃喝喝, 聽歌, 跳舞, 至晚上 11点, 又渡過了一個愉快的周末, 真開心 !
繼續閱讀