君好海鮮酒家 (已結業)

這家君好酒樓我哋過時過節都會嚟食飯，因為就返公公婆婆喺麗閣邨，每次來，酒樓經理、侍應都十分欣勤， 真係有啲似一家人嘅感覺！今晚都係點一些傳統嘅菜式，紅燒鮑參翅肚 湯羹真係好好味，真材實料份量十足！脆皮燒腩仔， 燒肉皮真係十分脆，而且肉質柔軟！金牌燒雞， 保持水準，金牌燒雞真係炸得很甘香！北菇紅燒豆腐， 豆腐十分之滑， 而且比起出面嘅酒樓分量相當之大!小菜係生炒排骨， 醬汁酸酸味味，好開胃！翡翠炒鴛鴦蚌， 西蘭花炒得剛剛好，鴛鴦蚌亦十分爽口！