君好海鮮酒家 (已結業)

這家君好酒樓我哋過時過節都會嚟食飯，因為就返公公婆婆喺麗閣邨，每次來，酒樓經理、侍應都十分欣勤， 真係有啲似一家人嘅感覺！今晚都係點一些傳統嘅菜式，紅燒鮑參翅肚 湯羹真係好好味，真材實料份量十足！脆皮燒腩仔， 燒肉皮真係十分脆，而且肉質柔軟！金牌燒雞， 保持水準，金牌燒雞真係炸得很甘香！北菇紅燒豆腐， 豆腐十分之滑， 而且比起出面嘅酒樓分量相當之大!小菜係生炒排骨， 醬汁酸酸味味，好開胃！翡翠炒鴛鴦蚌， 西蘭花炒得剛剛好，鴛鴦蚌亦十分爽口！

上星期 一家人去咗長沙灣呢間君好海鮮酒樓食晚飯， 地方唔算新淨， 但勝在就腳， 地鐵站行出來只需幾分鐘。之前都係到飲過茶， 勝在價錢抵， 而且食物水準都唔差！晚飯孖寶 $388 有半隻乳豬及清蒸大海斑一條 乳豬好好味 真正皮脆肉厚！大海斑，廚房控制火候剛剛好！仲有呢度嘅金牌燒雞， 好入味而且燒得很脆！今日係做節， 點了一份竹笙雞絲翅， 足足夠分六碗， 而且熱辣辣， 用料份量十足！蒜蓉開邊蒸蝦， 蒜蓉汁做得好好味， 蝦肉亦十分結實，爽口。我們的家人都十分之滿意， 呢度既侍應及經理， 都做了很長日子， 好有人情味！

朋友生日擺咗一圍，包咗個房，有麻雀耍樂，Karaoke。第一次嚟，唔多識路，Google map都搞唔掂，沿路問街坊，好彩D街坊都好友善，都唔係太難揾。原來呢間酒家好大，有兩層，仲有個大廳跳舞，好多高手，不過，我哋冇得跳，我諗係另一個價錢吧！我哋冇問，因為……晌房唱K都好唔得閒，音晌麻麻，好彩D咪幾好聲，D歌都啱唱，服務員友善，玩得好開心。食物質素，中規中矩，主人家埋單，所以，唔知抵唔抵食，不過，應該唔算貴嘅！整體滿意。

每逢過年過節 ，一家人要搵些地方搞下聚會 確實係好傷腦筋！唔係嫌價錢太貴，又怕 full booking滿座。兄弟姊妹又會嫌呢樣嫌嗰樣……呢間君好，係我朋友推介的，貪佢方便，就腳 於是去試試位置係喺麗閣邨地下，典型舊式嘅酒樓，但估唔到晚上小菜，都保持到好高嘅水準！雖然這個地方沒有靚裝修，但食晚飯小菜確實係唔錯之選！乳豬皮夠脆夠大件。西蘭花火候剛好不會太老。海鮮亦有水準，蒜蓉開邊蒸蝦味道十足。炸子雞十分有水準。有時一家人食餐晚飯，最緊要實實際際，好食 及地方闊落！一家人開開心心團團圓圓就好了

今天天氣炎熱，和同事外勤，午餐最好飲茶，補足水分，去了附近的君好海鮮火鍋酒家（長沙灣A1出口，麗閣邨商場停車場側）。逢星期一至五，午市11點半至兩點（小點$14.8/中點$17.8/大點$20.8），下午茶兩點至四點（小點$12.8/中點$15.8/大點$18.8）。 今日我哋一點半先來到，所以有午市及下午茶一起吃。我們四人，叫了一枱子點心。蟹子燒賣王，香芋鳳爪扎，上湯鮮竹卷，蜆芥鯪魚球，香煎蓮藕餅，鮮蝦腸粉，至尊鹹肉粽和菜乾豬骨粥（$10.8)。每人$60好抵食！

今日又是星期六, 約了舞友去練舞和吃晚飯, 選了到 長沙灣荔枝角道 君好海鮮酒家 ~ 樂富門宴會廳,  那位置很方便, 有停車場有泊車優惠, 也可乘地鐵.  所以先要訂枱, 因為客人很多.晚上由七点開始, 有中外歌手演唱中西流行歌曲,  每位最低消費 $180-, 好經濟 !  大型舞臺有樂隊,   佈置威煌.燈光燦爛,  舞池四正闊大,  氣氛好熱鬧.侍應招呼很好,  水滾茶靚,  座位舒適。我們点了三個小菜： 燒腩仔, 份量少少, 皮脆,  肉質好, 配黃介茉 ! 冬菇燘鵝掌:  用鐵鍋上枱保持熱度,  鵝掌很大隻, 份量足, 冬菇也有多個, 燘得很稔甜, 醬汁惹味, 配菜還有爽口生菜.枝竹燘龍躉魚, 龍躉骨很大, 肉質新鮮彈牙, 燘得很香口,  調味適中.三個小菜配搭不錯. 最後有一碟西瓜, 好清甜. 在此酒樓吃吃喝喝, 聽歌,  跳舞, 至晚上 11点, 又渡過了一個愉快的周末,  真開心 !

大年初九又是團拜好日子，在荔枝角道麗閣君好海鮮酒家吃午飯。君好海鮮酒家前身已經轉過幾次名稱，20年前，差不多每月都探望，居住在麗閣村老人院的親屬，和親屬會來吃午飯。今次團拜午飯少肉多菜，可是多油偏鹹。粟米肉碎羹，很清甜！燒鴨叉燒紅腸拼盤 白切雞燒鴨皮香脆，其他冇試不予置評！只吃到豆腐和鹹味的獻汁番茄洋蔥炒蛋炒得不錯，美味可口！金銀蛋蒜子白菜夠清，但較鹹！蓮藕片雲耳翠肉瓜炒西芹，多油！魚香茄子又是多油偏鹹！今餐稀有地要靚仔（白飯），款款小菜都味重，要靚仔平衡吓！

從小到大都在深水埗長大,這家酒樓可謂是「它看着我成長,我看着它發展」可能是由小吃到大的關係,所以一直覺得這家酒樓的食物普普通通,沒甚麼出色自長大後,已再沒有光顧,昨日經過便憶起小時候與家人一起來喝早茶的畫面是日正是一時許,人流並不多,我估計多數是一些老婆婆老公公等着下午二時吃便宜下午茶人流不多,令我不敢亂叫點心,只隨隨便便點了一籠三式色(奶皇包、叉燒包、雞包仔)先嚐奶皇包,一撒開底部那層紙,卻驚見沒有黏着麵包皮一入口便與想像中和所說的「奶皇包」完全不同,奶皇包應該是內餡較稠和較creamy的感覺還帶有一點奶香味但它不應該稱為「奶皇包」而是「奶皇流沙包」才對,咬一口奶黃餡如流沙般湧出來,令人驚喜麵包溫度微暖,口感軟熟,除了吃到蛋味和奶香味之外,最重要的鹹蛋黃香亦十足,令人齒頰留香一試再試至於叉燒包,叉燒肥瘦適中,醬汁鹹甜度剛好,肉汁豐腴,值得一讚!最後雞包仔無論在餡料份量、味道或口感也比叉燒包和奶皇包遜色,包身不夠軟熟雖然富有肉汁,但略嫌太少,令口感有少許dry總括令我最欣賞的是奶皇包,其次是叉燒包

慶生飯局，當然要吃壽包，不過沒想到一早就送上！更不爽的是，當我們詢問原因，並要求先拎走，臨尾再上時，侍應卻怪我們沒有在落單時說明，理直氣壯，好似我們無道理。或者如果我們老早講明便不會出此問題，不過又有幾多客人會未飲湯、未吃小菜就食甜品？我們是來為長輩慶生，不想吃得冇癮，所以也不堅持，就讓成籠壽包放在檯上，直至飯後才吃。涼了的壽包當然不好吃，不過以它的硬實程度來看，也想像到就算趁熱即食也好不到那裏！況且$6一隻卻非常細小，物非所值。其他各樣菜式其實都令人稱心滿意，例如特價$18的迷你冬瓜盅，都分到大約十碗，味道也算清甜。上湯加拿大龍蝦(一隻)伊麵，分量不小。龍蝦幾好肉，亦沒有霉腍問題。伊麵索了上湯，當然更好味。另一好吃小菜是炸豆腐，細細件的豆腐熱辣送上，炸得並不過分，外脆內軟滑，一致讚好。菠蘿生炒骨也不錯，酸甜味道調較適中，排骨亦多肉，咬落並不鞋韌。其餘的貴妃雞(半隻)、海味粉絲什菜煲及鯊魚骨湯莧菜，相對上比較普通，但是價錢並不昂貴，也沒有太高要求了。若非壽包及服務累事，這一餐應值笑臉。

從小就係茘角飲茶飲到大..甚至同學聚會都會黎君好打bino 近年,君好同樂富門宴會龐不知是合併了還是什麼的. 酒樓的一角間了個地方供人跳社交舞這間酒樓有2層,喝茶的都習慣坐在2樓. 方便拿點心.原以為十一時是早茶時段,誰不知原來已經是午茶時段..點心價錢貴很多哩!而所謂的午市優惠也不是很便宜.. 所以我們只叫了數個點心 菜和一個飯.所有食物,點心的味道都偏淡.. xo醬爆蘿蔔糕 名字聽落很惹味,但食落卻不辣之餘還很油膩,香料又少. 原煲北菇滑雞飯 的雞很滑,加了數條薑絲和數片北菇,料就不多,但勝在唔會好咸. 而煩又煲到一粒粒 一d都唔油, 這個飯不錯呀!四寶滑雞扎 有豬皮豬肚芋頭和滑雞一件. 哈哈.想不到滑雞扎內的豬比雞還要多! 豬肚肥厚爽口!芋頭就唔夠腍,同埋冇吸到豬同雞既味,就麻麻地啦.. 舊雞都係真係滑既!馬來咋渣 之前食過油麻地既源記jaja真係多豆足料好好味! 好想回味下! 但係呢到既jaja令我好失望呀,好少豆,d豆又唔腍,花生仲係硬骨骨,跟著佢既椰奶味偏淡,整碗糖水就真係好似糖加水咁好稀..好失望呀!時菜鯪魚球 一望落去,點解個色水咁淺既. 食落去仲淡味.. 我估鯪魚既成

I tried the hot pot buffet on 4 Oct, the price was gone up to HKD88.00. 肥牛and 酸梅湯are very good. Overall the food is OK! But 楊枝金露is not very good. There is an artifical favour.

同女朋友行開深水..於是就去佐呢間野食~同事介紹的~門口寫住$78 ~ 埋單時真係$78..食佐十幾年火鍋，真係第一次見到明碼實價…難得!!裝修..大致ok ~ 但卡位的牆身花紋好怪，好似濕佐水咁@_@ 我有小小唔鐘意~食物除佐紙上有o既之外...出面都有好多..一般火鍋料都有.應有盡有..生豪同青口都有.連小菜都任叫任食..值得一試係避風塘3文魚，另外仲有炸子雞~多春魚，雞翼...個感覺好似係熟食+ 火鍋自動餐咁樣!甜品亦多，而且不錯...許留山楊枝咁露一杯幾十蚊!呢到任飲>0< ! 味道差唔多!!!! 我地由6:00坐到10:00都冇人趕過我地走..事實上佢個場都ok靜..可能係平日關係..坐佐成晚，下層只有2-3圍火鍋..另外佢上層就有小菜可能係人小，冇走單...食物5分鐘內送到總之$78 有如此食物及服務，真係好難搵得到!!大家可以試一試~

在長沙灣附近約左幾位朋友有野傾，有個朋友話有間野剛剛裝修過的這裡有點興趣，所以就來了吃。七時多來到，見樓下有人在等位，(心諗屋村酒家) ，搞咩好似唔使錢咁多人？跟住見到個都幾大既魚池，有冇野養架？估唔到有既野都唔小，大尿蝦，大花蟹，連龍蠆都有個下奇，因好小見d 屋村酒家咁捨得，直上一樓，。呢度裝修過，地方光猛左，環境好過以前。( 好久.....之前來過.)朋友點了菜，真醒目。叫了一個湯三個菜，分別是冬瓜盅、椒鹽大瀬 尿蝦、十里香燒雞及生炆班頭腩。先來冬瓜盅，都有不少的料在內，份量十足，不錯；椒鹽大尿蝦，炒得好香，夠新鮮肉實淨，味道好有避風塘風味估不到，正，是又香又好味，難得席上靚女們都盡情的吃，這才有意思嘛！最怕與又戒澱粉質又怕吃肥的男/女士同檯食飯，是非常無癮的。十里香燒雞其實是用左d 小茴香醃料，好香，燒雞不錯，要了壹隻，最後是一舊也沒有得剩。生炆班頭腩最後才來，但都幾大碟，d 魚好爽，我諗真係龍蠆；奉送的是果盆，清清地，過得去。伙記服務不錯，我們有事未傾完，當然是慢慢來。埋單四佰幾蚊，仍然經濟。無論人多或人少，估不到屋村酒家有咁既水準，食得過。

日子在本月某星期三晚七點三開波，一行十三人，攪手話呢度的野扺食，本著唔過一百兼happy，為試下啦。去到，只係坐了一張最多可以坐到十二人既枱 (因為冇訂位)，坐得都幾親密。食物方面，唔算係乜特別。除左火鍋紙的食物可以點外，係出面buffet table 可以有沙律、小食、小量熱食及甜品，有壽司吧(唔好expect 乜都有得食)，小部份火鍋料，汽水(支裝)、豆漿及酸梅汁任飲，連汁醬配料都可以任由自己mix。但係唯一要扣分比較勁既服務，因為的侍應出火鍋料連湯底(nothing special) 頗慢(哥晚冇"淋檔")，同埋冇話俾我聽有的料係冇(例如腐皮)，最後個部長俾另一張table 食甜品同生果(我諗係方便的侍應"收拾殘局")，唔係我連哥俾多一分都唔想。此飯局只係HK$78，坐到十一點先走(差唔多人地收工)，唔駛加一，tips 都冇比到。(ps: 這是小弟的第一篇食評，希望日後可以再寫更多)