460
21
4
| 餐廳: | SUL JIB 술집 |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵銅鑼灣站 A 出口, 步行約1分鐘
繼續閱讀
電話號碼
35802798
營業時間
今日營業
11:30 - 22:30
星期一至日
11:30 - 22:30
公眾假期
11:30 - 22:30
公眾假期前夕
11:30 - 22:30
以上資料只供參考, 請與餐廳確認詳情
有關獎賞計劃
優惠
| 餐廳: | SUL JIB 술집 |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
ᵕ̈ 韓式生牛肉 $𝟏𝟖𝟓真係好鍾意韓式既生牛肉他他，伴碟有啲松子仁、洋蔥粒、青瓜粒、雪梨粒、蔥粒同泡菜等等既配料，撈埋蛋黃一齊食真係好滿足(˃͈ દ ˂͈ ♡ )ᵕ̈ 辣拌海螺 $𝟏𝟓𝟖平時好少食韓國菜會有海螺食，將爽彈既海螺涼拌，配菜用咗大量既紅蘿蔔、大蔥同洋蔥，調味微辣，係道幾開胃既前菜ᵕ̈ 首爾和牛牛肉鍋 $𝟓𝟖𝟎和牛鍋既份量都幾滂湃，店員會幫我地將半生熟既和牛逐塊燒好，然後放喺鐵板上面𝐤𝐞𝐞𝐩 𝐰𝐚𝐫𝐦，鍋物除咗和牛之外仲有幾款菇同芽菜，和牛牛味幾重，唔係日本和牛嗰款咁重油脂但係肉質好軟嫩，推介ʕっ•ᴥ•ʔっᵕ̈ 鮑魚人參雞湯 $𝟐𝟗𝟓人參雞湯應該算係我最鍾意既韓國菜式之一，係原隻雞上菜，雞係半熟狀態，店員幫我地剪開雞件之後再煲滾，雞肉好嫩滑一啲都唔會老，鮑魚都幾大隻，雞湯唔會太油同埋有淡淡既人參藥材味，我地雖然食到好飽但都飲咗兩三碗 ˵^•𖥦•^˵ᵕ̈ 𝐑𝐞𝐚𝐥 𝐟𝐫𝐞𝐬𝐡 𝐥𝐞𝐦𝐨𝐧 𝐬𝐥𝐢𝐜𝐞 𝐡𝐢𝐠𝐡𝐛𝐚𝐥𝐥 𝐜𝐨𝐜𝐤𝐭𝐚𝐢𝐥 $𝟖𝟖ᵕ̈ 𝐑𝐞𝐚𝐥 𝐟𝐫𝐞𝐬𝐡 𝐥𝐢𝐦𝐞 𝐬𝐥𝐢𝐜𝐞 𝐡𝐢𝐠𝐡𝐛𝐚𝐥𝐥 𝐜𝐨𝐜𝐤𝐭𝐚𝐢𝐥 $𝟖𝟖兩杯𝐡𝐢𝐠𝐡𝐛𝐚𝐥𝐥都幾𝐫𝐞𝐟𝐫𝐞𝐬𝐡𝐢𝐧𝐠，有淡淡既檸檬同青檸香🍋🟩，係幾解膩既𝐜𝐨𝐜𝐤𝐭𝐚𝐢𝐥
繼續閱讀
很喜歡這間店面的輕奢華感覺，然後我每次來都要吃這個首爾和牛牛肉鍋，牛肉質素好之餘，配蘑菇更是一絕，還有專人幫手燒牛肉，有被招待的感覺。看到處理後的牛肉高塔，就知道有好多牛肉啦！我們兩個人吃，明明已經包了很多蘑菇包，還是有種吃不完的感覺😂想說最喜歡的吃法還是將各種菇類放到牛肉中間，捲起來一口吃！真的超爽！然後記得把嘴巴合上，否則肯定是爆汁噴到周圍都係！咀嚼間還可以feel到牛肉如雪糕般溶化，把幸福感直接拉滿！辣拌海螺作為開胃前菜恰如其份，微辣的味道，正好突顯那爽實鮮甜的螺肉呢！這間韓式生牛肉除了會配搭梨之外，還有各種配料，例如蒜頭、洋蔥、泡菜、白芝麻等等，可以克制化自己喜歡的口味，最後就配搭高質嘅新鮮牛肉，自然更好吃啦！最近乍暖還寒的天氣，真的很適合來一碗鮑魚人蔘湯！用上鮑魚、足足一隻雞、又大又甜的栗子和人蔘熬製而成，輕輕一夾雞肉骨肉分離，肉質特別嫩滑，配上爽甜的鮑魚10分滋味！啖湯香濃之餘還滲透出陣陣人蔘香氣，非常暖胃的感覺。來到居酒屋，吃飽還可以嗒番杯！原來最近仲有Cocktail買一送一優惠，立刻叫返杯REAL FRESH LEMON SLICE HIGHBALL COCKTAIL，一齊chill下傾吓偈，味道酸酸哋有少少酒味，都很容易入口啊！
繼續閱讀
4897 瀏覽
週一大肥有會開，小肥就孖哥哥同難飲小組帶媽咪去威威，選址為一家韓式居酒屋「SULJIB」，貪佢喺時代廣場夠就腳，經OpenRice網上訂座又可享八五折優惠，嘻嘻，一舉多得！用餐當日，下午已收到電話確認訂座，接線生順提用餐時間限定為九十分鐘，清楚又有交帶。有別於心目中嘅居酒屋，餐店唔暗黑反光鮮，而且空間感勁足，簡單嘅裝潢足以散發出時尚型格嘅氣息，木造餐桌椅櫈乾爽企理，有種講不出嘅煥然一新感覺。用餐大堂嘅三排散座十分整齊，正門左方以紗網布簾隔開仲有兩張五人枱，蕃薯uncle最欣賞櫈底有燈光照明，既安全又衛生。每位席上擺有齊備嘅自用餐具。XO仔第一個到，好自然地細閱兩頁飲品牌搵野飲。得知細佬想飲酒酒，年輕俊俏嘅哥哥仔（事隔太耐真係斷斷地片，睇返見到佢左手嘅太陽紋身先有少少印象佢好似叫Sunny）直接介紹推廣緊嘅Red Monkey；韓國米酒單售$320/樽，抵在叫一樽即送炸雞、叫兩樽就加送海鮮煎蔥餅、叫三樽仲送埋個海鮮鍋，酒鬼們食晚飯喎，飲三樽絕對冇難度啦！紅馬騮味道帶甜，微杰嘅質感滑得黎極富米香，呈紅色全因米酒用上紅米所釀製，絕無添加。散點餐牌共有五頁之多，中、韓、英對照，部份亦附有彩圖，簡單易明。唔想傷神可以選擇套餐。人齊點好菜後，哥哥仔迅即送上每人一份嘅韓式前菜，每份都包有一碟爽脆嘅芽菜及香辣嘅泡菜。韓式生牛肉（$185）：紅潤嘅生牛肉及配料整齊清晰地展出於碟盤上。韓式生牛肉鮮香潤滑中帶點爽脆；好在牛肉同配料係分開上咗後先由哥哥仔即場撈出，因為咁先發現配料中其中一項為花生，可以避開唔撈。和牛三文治（$398）：或許喺韓國餐廳唔應該叫日式和牛三文治吧，三文治底面兩塊多士鬆軟薄身，中間厚厚嘅和牛就唔係幾夠肥啦，咬落偏乾實同嚡口，甚為失色！韓式半半炸雞（原價$188）：飲米酒贈送嘅炸雞層炸皮較厚同硬，揀咗原味同甜辣，正當長輩們都覺得原味更為香口，小肥反而鍾意黏咗汁嘅甜辣味，明顯大家口味不同。海鮮煎蔥餅（原價$188）：煎餅巧薄香脆，毫不油膩，真係冇諗到飲酒酒送嘅煎餅會咁大碟。牛助骨（$520）：連骨上嘅牛助骨賣相看似乾嚡無味，食落卻意外地鬆爽入味，其中黐肥嘅部位最正最多汁！海鮮鍋：同樣為飲米酒所送嘅海鮮鍋一樣冇欺場，鍋中有中蝦、帶子、蜆、八爪魚、豆腐、雜菜等，相當足料。連火連爐喺枱度滾，夠哂新鮮熱辣辣！哥哥仔熟手地剪開大件夾爽彈嘅八爪魚，實在細心周到。生牛肉石頭飯（$210）：飯飯上枱時石鍋當真出哂煙架，中央嘅生牛肉碎上打咗隻生蛋黃，真材實料由哥哥仔混熟牛肉及蔥蒜並撈出飯品，絕無花假！韓式石鍋飯熱力十足，飯粒肥潤飽滿，碎牛少肥但勝在肉香唔嚡，同個米酒好夾！銅鑼灣潮派韓式居酒屋「SULJIB」環境摩登有格調，服務生體貼友善又專業，量足嘅韓國料理質素雖略有參差，但統括黎講都算唔錯，最抵就係飲米酒送熱食，多飲多送，淨係叫酒都已經可以食到飽，埋單過$1,288仲送福袋，意頭真係好！
繼續閱讀
𝔸 𝕝𝕒𝕚𝕕-𝕓𝕒𝕔𝕜 𝕗𝕖𝕒𝕤𝕥 𝕨𝕚𝕥𝕙 𝕡𝕠𝕥𝕤 𝕒𝕟𝕕 𝕡𝕠𝕥𝕤🐿️有時餓起上黎真係唔講得笑，去到餐廳仲要慢慢揀就暈架啦🤣，所以有套餐都會覺得好方便💡。第二次黎到 Sul Jib🇰🇷，menu 好似更新左，一於試試另一個套餐🔅Eat at Seoul Set | $890。醬油鮑魚帶子真心好出色🧡，醬油唔會太咸但相當入味，唔會搶做鮑魚同帶子既鮮味⚓️。兩碟前菜同拌粉絲🤓就好典型韓國風味，涼拌粉絲都幾有咬口架。🥕Banchan🐚Abalone & Scallop Marinated in Soy Sauce🫕Korean Stir-fried Glass Noodles半半炸雞有甜辣有醬油🐥，平時既我會鍾意甜辣多d，今次覺得醬油都好惹味，而且脂肪比例少，絕對唔會好膩💫。奶油排骨🐽creamy 豬肉好腍，不過都幾漏有點 heavy，尤其係粉絲索汁索到一團咁🙉。🍗Half-half Fried Chicken: KR Spicy / Soy Sauce🐖Creamy Pork Bone Stewed除左醬油海鮮，另一個大推既係鮑魚人蔘雞湯🐓，靚靚雞好食，人蔘味道足，開住個爐全程熱辣辣，我飲左四碗湯🤩。最後仲跟個釜飯，做湯飯無得輸🥣。🥘Abalone & Ginseng Chicken Stew🍚Sotbap韓國燒酒一向都唔小野🤣，轉做 cocktail 會無咁’啃’，The Night Begins 青檸菠蘿🍍比較酸，而 Lavender Seoul at 薰衣草就比較甜🫐。兩杯飲品賣相都唔錯幾啱打卡🥂，飲落易入口又同d食物夾得黎☝🏽。🍋The Night Begins: Seoul Night Soju · Lime Juice · Cider Vinegar · Pineapple Juice | $108🪻Lavender Seoul 127: Buan Sea Breeze Mulberry Wine · Lavender Syrup · Lemon Juice | $118環境方面都幾舒服，坐得鬆動，牆身卡位仲有布幕增加神秘感同 privacy🪅。餐廳走大地 tone 加植物🌳，係大商場比較少出現既 comfort space🦥。
繼續閱讀
。前兩日同朋友去時代行街，行到攰要搵嘢食，去左SUL JIB 술집餐廳同朋友食晚餐，呢間韓式餐廳好有居酒屋風格，真係好chill，裝修好有格調 我哋叫咗幾款嘢食😋-韓式生牛肉肉質鮮嫩多汁, 撈埋黎食既時侯，真係一邊撈一邊流口水，牛肉好觧甜，搭配上特製的醬汁食落好有風味。-鮑魚人參雞湯呢一個真係勁推薦，湯頭濃郁鮮甜，食落充滿了雞肉和鮑魚的風味，雞肉同鮑魚既肉質都好鮮甜，個雞湯我忍唔住飲左兩大碗，而且個雞入面仲有糯米人參栗子，真係好正。-辣拌海螺辣拌海螺都好唔錯，海螺好有口感，食落辣辣地好問胃。-首爾和牛牛肉鍋和牛肉質鮮嫩，牛味極之濃郁，配埋菇同芽菜一齊食，味道同口感都好有層次感，食完仲想encore。-野飲方面，我哋叫咗FRESH LEMON SLICE HIGHBALL COCKTAIL ，REAL FRESH LIME SLICE ，兩杯都非常之清新✨-
繼續閱讀