影片
港鐵銅鑼灣站 D2 出口
繼續閱讀
電話號碼
36145181
開飯介紹
簡約日式風格為設計主軸，淺木色的裝潢配合巧妙的座位設計，既舒適又私密，特別適合與朋友悠閒地聚餐，享受靜謐的美食時光。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
朋友食完一次之後話好鍾意呢到啲串燒同小食，所以就強烈推薦我過嚟試吓，個環境又好坐，談心真係一流。我覺得第一次嚟一定要飲佢嘅自家製浸酒同埋我自己私心係推薦黑豚鵪鶉蛋，好耐都冇食過鵪鶉蛋係軟心嘅串燒！見到佢嘅午市餐牌都好抵食，下次晏晝經過應該都會上嚟試吓。‣ 雞皮餃子 $58❗️超級推薦❗️雞皮餃子咬落口嘅時候係有啲驚艷，啲肉質真係爆出嚟，而且本身餃子偏長身，尾部啲雞皮炸到脆卜卜超級好食，呢個價錢有五大嚿絕對係超抵食。‣ 黑松露炸雞 $88本來以為都係黑松露蛋黃醬，點知原來係成嚿炸雞皮都裹住黑松露，呢一個位有啲驚喜。而個炸雞本身都炸得唔錯，唔會覺得好乾身，就算冇醬就咁食都覺得好過癮。‣ 牛油果松葉蟹肉軟殼蟹卷 $138呢款fusion嘅卷物真係我嘅必嗌之選，牛油果同軟殼蟹呢個組合真係夾得天衣無縫。軟殼蟹炸得金黃香脆，肉質鮮嫩多汁，配埋牛油果嘅滑溜同松葉蟹肉嘅鮮甜，層次相當豐富。份量嚟講啱啱好，覺得都值呢個價。‣ 免治雞肉棒 $48❗️超級推薦❗️外皮燒得香脆，裏面嘅雞肉夠晒juicy，一咬落去真係爆晒汁，啖啖肉嘅口感真係令人欲罷不能。而且仲有啲軟骨咬吓，呢個免治雞肉棒夠晒出色，值得推薦俾大家食。‣ 黑豚鵪鶉蛋 $28❗️超級推薦❗️對上嗰次食到鵪鶉蛋係軟心狀態已經係喺日本嘅時候，冇諗過香港都食得出呢隻味，豚肉唔會話好厚身，食落去脆卜卜啱啱好，而再加上鵪鶉蛋亦都係燒得啱啱好，蛋黃係軟心，食落去嘅時候一啲都唔嚡口，值得一試。‣ 雞翼 $28啲醃料幾入味，雞翼炸得金黃香脆，肉質嫩滑。兩個人share啱啱好，加埋檸檬食落一啲都唔heavy。‣ 海膽醬烏冬 $168❗️超級推薦❗️食咗咁多熱辣辣嘅嘢，食返咗涼浸浸嘅食物都幾唔錯，海膽鮮甜唔腥，仲兩隻牡丹蝦同三文魚子作配料。而海膽醬本身應該仲有落少少醋，所以食落去嘅時候覺得酸酸地超級開胃，食完又可以再食多幾串串燒。‣ 深海池魚刺身 $168新鮮程度一流冇得彈，魚肉質地爽滑，配埋少少山葵同豉油，鮮味更加突出。不過我自己都係鍾意點酸汁，加上少少酸蘿蔔蓉同蔥，薄切嘅池魚真係冇得輸。‣ 自家製浸酒 $68本身第一啖覺得好清新，酸酸甜甜一時間又醒唔起係啲咩，諗住係咪梅酒啲朋友，問咗店員之後醒起原來係檸檬，其實仔細觀察都會見到啲果肉。酒精濃度啱啱好，同朋友談心一流，而我最鍾意都係佢熊啤啤造型嘅冰，真係好得意！
繼續閱讀
位於銅鑼灣的日式居酒屋。上早前有其他朋友曾吃過這間居酒屋後大推，便決定晚餐就定於此了。.餐廳地方不算闊落，但麻雀雖小，五臟俱全，不但設有吧枱，更有兩間VIP房，不論拍拖或一群朋友聚會也不成問題呢；餐廳主要為淺木色的裝潢，隨處可見的鬼太郎公仔裝飾、海報及壁畫，甚至連醬油碟也是鬼太郎的設計圖案，使人印象深刻，可見店主在裝潢上下了不少功夫，花了不少心機呢。⋆_____ᴛᴏᴛᴀʟ ᴏʀᴅᴇʀ______⋆✿ 吞拿魚腩刺身 $156✿ 自家製免治雞肉棒 $48厚切及色澤粉紅的吞拿魚腩刺身，口感油潤鮮甜，魚味濃郁，豐腴甘美；而免治雞肉棒串外脆內軟，一口咬下去便吃到口感爽脆的免治雞肉，而蘸沾蛋黃後更是柔潤可口。.✿ 海膽醬玉子燒 $88超中我口味的海膽醬玉子燒；玉子燒層次分明，口感嫩滑帶甜；夾心有濃郁甘香的海膽醬，而上面則舖了三文魚籽，配合濃郁的蛋香，整體柔軟又香甜，口感綿密細膩，好吃得停不了口呢。.✿ 海膽醬烏冬 $168除了肉眼可見海量的海膽醬，配料更有海膽、松葉蟹肉、三文魚子及赤蝦，光是配料已很豐盛呢!濃厚甘甜的海膽醬烏冬，拌以其他鮮甜的配料，這個組合怎可能不好食呢?我和朋友光速便清盤了，真的很推介這個海膽醬烏冬呢!.✿ 安格斯牛肉火鍋 (壽喜燒) $288剛巧當日氣溫突然驟降，見到有湯鍋又有安格斯牛肉便二話不說秒點了；安格斯牛肉有四大片，肉質細緻，味道濃郁，但油花不多，如像我般偏愛油香口感的，也許點選另一款A4和牛鍋會更適合呢!而壽喜燒湯底濃郁帶甜，用以燉煮牛肉及其他野菜配料都很合適啊!.✿ 自家製浸梅酒 $68雖然不擅喝酒，但情意結下本來就特別喜歡梅酒。而這款梅酒由餐廳自家浸泡，酒色乾淨清透，口感滋味爽口，梅子的香氣突出，入口清甜及帶有微微的焦糖香氣，甚得本人歡心呢~
繼續閱讀
上網睇呢間餐廳新開, 而且做緊晚市9折優惠, 於是入黎試下~牛油果松葉蟹肉軟殼蟹卷手拆蟹肉 & 薄切牛油果鋪上面, 中間用珍珠米包裹著脆炸的軟殼蟹一口放落口絕對滿滿的幸福感呢~銀鱈魚西京燒銀鱈魚質感鮮嫩, 魚皮亦燒得挺香脆, 醬汁滲入魚內, 非常入味~安格斯牛肉火鍋（壽喜燒）安格斯牛肉肉味濃郁, 入口即化, 配上壽喜燒汁湯底, 牛肉更為鮮甜~火鍋入亦放入不同的蔬菜 & 粉絲, 煮耐左絕對可以將壽喜燒的甜味慢慢滲入去稻庭烏冬店員建議如果想食彈牙D的話, 放落湯底大概30秒即可享用而且吸收晒湯底的精華, 真係好滿足!明太子長芋山藥燒得挺香脆, 再放上明太子, 微微的辣味更加惹味!自家製免治雞肉棒把雞蛋拌勻, 再配上雞肉棒一起吃, 雞肉質感更加滑捋捋雞翼雞皮燒成金黃香脆, 雞肉也很入味, 平時很少吃雞皮 (雖然好邪惡) 的我, 都不禁食晒佢呀>_<!雞軟骨雞軟骨口感既香脆又有嚼勁, 油脂分布平均, 烤到有少少出油, 但亦不會太油膩自家製浸酒（話梅）微甜的話梅味, 酒精濃度亦不會太烈, 喝下去很順滑很舒服~~
繼續閱讀
琴晚朋友去咗間新開嘅日本餐「酒津」，而家重有九折優惠添，真係好抵食！裝修以淺木色為主，好有日式嘅簡約風格，啲座位布局都好慳心思，坐得舒服之餘又保持到私密感，啱晒同朋友慢慢傾計食嘢。首先上枱嘅係煙燻蘿蔔漬配北海道芝士，煙燻蘿蔔漬本身夠晒開胃，配埋香滑濃郁嘅北海道芝士，味道層次豐富雲海A4和牛刺身配上日本蛋黃，賣相十分高級！肉質油花勻稱，入口即溶，配埋個秘製醬汁，配料同埋紫菜，口感層次完全上升豚足就煮到軟爛，肉質鬆化，骨髓香濃得嚟唔會漏油，非常之惹味牛油果松葉蟹肉軟殼蟹卷都好有新意，牛油果香滑，蟹肉鮮甜，軟殼蟹炸到金黃酥脆，賣相同味道都一流。地雞白湯鍋就更加係驚喜，個湯底用雞腳同雞殼慢燉，啖啖都係純正雞味，骨膠原多到將住個口，飲完仲想添！最後要講吓佢哋自家製嘅浸酒，檸檬味清新醒胃，梅子味甜中帶酸，兩款都唔會好烈，飲落好舒服！最啱同朋友慢慢傾計嗰陣享用。買單嘅時候發現仲有九折優惠，以食材質素同環境嚟講算係非常之唔錯嘅選擇
繼續閱讀
自從去完最近日本之後，就發現喺香港出色嘅日本嘢選擇真係唔多，性價比高嘅都唔易搵，今日食咗呢間個人覺得性價比算幾高，而且食物質素同埋選擇都好好🤩😋好適合同朋友一齊三五知己聚餐傾吓偈✨山葵醃蘿蔔好特別嘅自家製前菜，山葵味好香濃，開胃之選🤩✨虎蝦金柚沙律🥗 $88沙律菜好新鮮，配上清新柚子醋汁真係好開胃🤩👍🏻估唔到呢個價錢可以有八隻大大隻彈牙新鮮虎蝦加埋自家製泰色酸辣汁，無論係賣相定係味道都好好！✨黑松露炸雞 $88前菜小食嚟講份量一啲都唔細，黑松露味係聞得出嘅香，炸得啱啱好，外脆內軟，肉質鮮嫩👀✨特盛碎蔥呑拿魚腩卷六件 $128一上枱就俾佢嘅賣相驚豔到，吞拿魚蓉堆到成座山咁高，好新鮮，完全係入口即溶，性價比超高，下次嚟食一定會繼續嗌😋✨✨海膽醬玉子燒 $88海膽醬好香濃，配上嫩滑嘅玉子燒，香濃嘅蛋汁同海膽醬好平衡👍🏻好出色✨安格斯牛肉壽喜燒 $288時令野菜 $38 (本身已經包咗一個蔬菜鍋)稻庭烏冬 $18大大塊嘅牛肉油脂比例唔算好高，但又相對厚度，所以咬落口感十足。壽喜燒汁比想像中出色，同一般平時食到嘅相比呢個壽喜燒汁底唔會太鹹，甜甜地，稻庭烏冬同埋野菜吸晒湯底嘅汁，非常入味，而且食完都唔會口渴，反映出湯底嘅味道啱啱好😋🙂↕️
繼續閱讀