影片
港鐵觀塘站 B2 出口, 步行約3分鐘
繼續閱讀
電話號碼
27741008
開飯介紹
工廈區地方大且空間感足。菜式賣相精緻，部分菜式分成小碟上菜，方便與人分享。招牌黃金鹹蛋鮮海蝦炒金邊粉，香口惹味。
繼續閱讀
特色
包場派對
附加資料
午市免加一。
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
在都市的喧囂中，總有一些地方能讓人感受到異國的風情與美味。位於市中心的Add Some Thai Restaurant，便是一個讓人流連忘返的泰國餐廳。這裡的裝潢簡約而富有東南亞的風情，讓人一進門就能感受到濃厚的泰國文化氛圍。我們的用餐之旅從招牌的黄金鹹蛋鮮海蝦開始。這道菜品以六隻新鮮的海蝦為主角，外裹鹹蛋黃的香氣四溢，輕輕一咬，海蝦的鮮甜與鹹蛋黃的濃郁完美結合，令人一試成主顧。這道菜不僅色澤金黃誘人，口感也讓人驚艷，是絕對值得推薦的開胃菜。隨後我們品嘗了白雪鮮蜆椰子雞湯。湯品的清香讓人心情愉悅，椰子水的甘甜與雞肉的鮮嫩交織在一起，再加上蜆的海味，讓整道湯品呈現出一種獨特的層次感。而且湯入面有很多不同的蜆類、青口和小章魚。這道湯品的清爽感特別適合炎熱的夏季，讓人一口接一口，根本停不下來。接著，我們點了 A.S.T 泰式燒雞半隻。這道菜的雞肉外焦內嫩，表面的調味料燒烤得恰到好處，散發出迷人的香氣。搭配特製的醬汁，讓雞肉更加美味。這道菜的分量也相當足夠，適合與朋友分享，增添了用餐的樂趣。另外值得一讚的是配菜的蝦片！超香超脆！最後，我們品嘗了 精選黃咖哩新鮮雜菜。這道菜的顏色鮮豔，裡面滿是新鮮的蔬菜，黃咖哩的香氣撲鼻而來，濃郁的咖哩醬與各種蔬菜的搭配讓人感到滿足，既健康又美味。在這一頓豐盛的泰國料理中，無疑是為整個用餐體驗增添了不少色彩。總的來說，Add Some Thai Restaurant不僅提供了美味的泰國菜，還讓人感受到濃厚的文化氛圍。每一道菜品都展現了廚師的用心與對食材的尊重，如果你也想體驗一次難忘的泰式美食之旅，這裡絕對是不容錯過的選擇。下次再來的時候，我一定會再點這些令人驚艷的菜品，期待再次沉浸在這片美味的海洋中。
繼續閱讀
間唔時都會去觀塘工廈睇吓有咩好食，見到Add Some Thai呢間嘅二人套餐都幾抵，同埋前菜、湯、主食等等每樣都有幾個選擇，可以自由揀到想食嘅嘢，就同朋友決定食呢間⭐️ 晚市套餐 - $398 二人用泰式鮮蝦青木瓜沙律前菜已經份量好足，配料都好新鮮，蕃茄仔都係甜甜的。因為用泰式手法去整，食落酸酸辣辣好開胃！泰王椰青雞湯見到好足料，仲落咗菇片等等。飲落淡淡椰子香，雖然有調味但唔會過鹹。小食拼盤有豬頸肉、蝦片、蝦餅、雞肉串同豬肉串，串燒蘸上沙嗲醬食好惹味。豬頸肉微微烤過唔會太燶，蝦片大大嚿煙煙韌韌😍黃咖喱酥炸軟殼蟹配法式蒜蓉包黃咖喱相對上唔會好辣，好啱配飯或者蒜蓉包一齊食，個包沾上咖喱醬，加埋軟殼蟹一啖食落去又多汁又酥炸好滿足！馬拉盞炒通菜一定唔少得要叫返個菜食下，雖然佢係用馬拉盞炒法，但食落唔會好油膩同好多調味咁，反而微清淡再帶點鹹辣味，更加健康。+$42 三色芒果糯米飯雖然本身已經有甜品揀，但因為好想食芒果糯米飯都係加咗錢去轉配呢一個甜品，結果一啲都冇後悔。佢仲配埋椰子雪糕，食落真係有一粒粒椰子粒，好香椰子味。而芒果可能因為都係當季，食落都好甜！+$30 冰震卡通泰檸檬茶好可愛嘅造型，比起港式檸檬茶多咗種泰式甜味，接近少少奶味嘅感覺，建議篤多啲檸檬中和返。+$30 椰林風光夏天最適合飲冰沙，用咗菠蘿配椰奶，甜甜地之餘更加有種清新感，食完辣嘢飲番啖真係超爽
繼續閱讀
泰式口味都係一般港人喜歡之選，今晚就同朋友去了觀塘駱駝漆大廈第一座9樓嘅Add Some Thai Restaurant搵食，店舖在這裡已經開了一段日子，附近想食泰式口味絕對係一個好地方，加上這裡地方相對大，座位舒適，還有獨立房間，朋友聚會或包場攪活動都絕對合適！當然食物質素都好重要，今晚就點了酸辣鳳爪沙律作為前菜，沙律菜好新鮮裏面有西芹，紅蘿蔔絲，小蕃茄等等，鳳爪很入味食落彈牙爽口味道很清爽泰式燒雞，雞肉嫩滑，外皮燒得十分香脆，加埋個秘製醬汁，入口份外惹味！泰式炭燒豬頸肉炒金邊粉，炭燒豬頸肉配泰式香草辣汁酸酸辣辣入口十分開胃，豬頸肉燒得好爽口不會乾身，加埋旁邊炒得泰式炒得好香嘅金邊粉，配上脆口花生碎，入口非常惹味！馬拉盞炒通菜，通菜吸收了馬拉盞鹹香，入口陣陣味重香濃味道，整碟馬拉盞炒通菜份量十足，通菜合時沒有根，炒煮時候剛剛好，軟硬適中，炒得十分惹味泰式酥炸墨魚餅，上枱時熱辣辣，入口啖啖肉之餘，外皮炸得鬆脆可口。內裏的墨魚餅非常軟滑，咬落爽口彈牙。內裏還有墨魚粒，肉質還十分彈牙爽口，配沙律醬入口味道更一流最後就是人氣必選+A.S.T 甜品拼盤，一次過可以品嚐到芒果糯米飯、招牌耶汁千層糕、西式甜點，芒果糯米飯十分軟糯，三款口味，再搭配新鮮香甜芒果令口感清新，甜而不膩。而招牌耶汁千層方面層次分明，入口柔韌香軟十分有口感，當中耶汁既香味都十分濃郁十分配合。其他甜點如馬卡龍口感都鬆軟，雪糕香滑，整體十分配合，分量十足！泥漿浴沙冰，勁濃朱古力味，上面還有個香濃朱古力雪糕球，雖然出面天氣寒冷，但唔會因為咁唔飲佢泰•生椰拿鐵，喝起來的椰味不會太強烈比例剛剛好並且帶有一絲美妙的南洋風味，椰味味入口留香
繼續閱讀
早幾日同朋友去咗呢間泰國餐廳食飯，環境幾闊落、啱晒一大班人Reunion。成間餐廳裝修都幾有泰式feel，燈光行柔和路線，好chill，坐得舒服，同朋友聚舊係唔錯，唔會迫，又唔會太嘈傾到偈，而且食物又幾出色，值得推介。首先要讚嘅係嗰碟蒜蓉翡翠苗，炒得好香，蒜味撲鼻，唔會太油膩，仲加咗啲炸蒜瓣喺面頭，食落有啲脆脆地，幾有驚喜！翡翠苗好嫩，感覺好fresh，開胃又唔heavy。經典炭燒豬頸肉可以燒耐少少，燒到再焦香啲應該會好啲。切開入面啲肉仲係好嫩滑，唔會鞋口。配埋泰式酸辣醬一齊食，正！至於最後嗰碟泰式滷水豬手都好有水準，啲肉煮到入晒味，淋淋地但唔會太肥膩，配埋啲炸蝦餅一齊食，真係好邪惡但好爽口，完全食唔停！ 成餐飯嚟講食物唔錯、氣氛好、價錢合理，可以再嚟第二轉！下次想要試埋冬蔭功湯同埋青木瓜沙律先得！
繼續閱讀
駱駝漆大廈樓上舖Add Some Thai Restaurant，性價比十足，如果係泰菜愛好者嘅話值得一試！A.S.T小食拼盤一次過試勻多款泰式小食，裏面有曼谷經典手打蝦餅、蔬菜長春捲、泰式炸蝦片、酥炸一支骨雞翼、炭燒豬頸肉、迷你無骨酸辣鳳爪沙律，超級豐富。泰式無骨海南雞有驚喜，雞肉非常嫩滑，蘸埋泰式醬汁甜甜酸酸更惹味。 冬蔭功忌廉虎蝦意大利麵冬蔭功嘅酸辣同忌廉嘅creamy完美結合，虎蝦大大隻，肉質彈牙，意粉煮得啱啱好，掛汁能力強，味道層次豐富，好有泰式fusion風味！ 馬拉盞通菜炒得好惹味，馬拉盞香氣撲鼻，係屋企炒唔到嘅鑊氣。另外呢度仲有唔少特色飲品。椰林風光由鳳梨/鳳梨汁/椰奶幾種料打成嘅沙冰，夏日炎炎飲啱曬。西貢少女都好有特色，熱情果茸/薄荷葉/青檸/梳打水飲落好清新，解膩一流！ Add Some Thai Restaurant，真係有泰國嘅味道，餐廳環境舒適，服務態度好，食物質素高，價錢合理，會再Encore！
繼續閱讀
您可能會有興趣的...