280
44
12
| 餐廳: | 五月星牛肉麵 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵觀塘站 B2 出口, 步行約4分鐘
繼續閱讀
電話號碼
34603839
開飯介紹
觀塘工廈內的台灣菜，招牌菜為紅燒牛肉麵，沒有添加味精。刈包也是必試之選。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
相關文章
#MC帶你去觀塘.觀塘返工真係好多好嘢食，淨係駱駝漆大廈都已經係美食集中地，而「五月星牛肉麵」同樣都係駱駝漆大廈嘅人氣食店，晚上7、8點更係全場滿座。➖➖➖➖➖➖➖➖➖➖➖➖➖➖➖➖✨ 五月星牛肉麵.餐廳以以新鮮騸牯牛骨熬煮牛肉麵湯底為招牌菜，而且有多款台式小食選擇，例如大腸包小腸、蚵仔煎等。晚上7、8點更係全場滿座，想試嘅朋友仔就要早啲過嚟食啦。➖➖➖➖➖➖➖➖➖➖➖➖➖➖➖➖🥢 金好呷宮格餐｜$88.啱曬心大心細，咩都想試嘅朋友。依個套餐嘅小食同主食有成16款，每一行揀一款，自由度非常高。✅ 豬頸肉 ︰肉味濃郁，正常發揮。✅ 花枝丸 ︰金黃香脆，而且炸得好乾身，有咬口（嚼勁）。✅ 蒜泥白肉︰肥而不膩，蒜香味重。✅ 甜不辣 ︰口感紮實，有咬口（嚼勁）。✅ 蔥油拌麵︰蔥香濃郁，麵條彈牙。➖➖➖➖➖➖➖➖➖➖➖➖➖➖➖➖🥢 紅燒蜂巢牛肚牛肉麵｜$80.以新鮮騸牯牛骨熬煮湯底，濃而不濁，肉味濃郁帶少少中藥嘅甘醇味，牛肚呈明顯蜂巢紋，好靚仔之餘，食落香脆有彈性；牛肉厚度適中，口感軟腍入味。搭配粗身麵條，口感彈牙煙韌。➖➖➖➖➖➖➖➖➖➖➖➖➖➖➖➖🥢 黑醋豬軟骨滷肉飯｜$69.豬軟骨肉厚但口感軟腍，配埋糖醋汁，酸酸甜甜，十分開胃。➖➖➖➖➖➖➖➖➖➖➖➖➖➖➖➖🥢 大腸包小腸｜$39.經典台灣小食。將糯米腸（大腸）烤過後切開，再中間夾住台灣香腸（小腸），配以台式甜辣醬、酸菜、花生粉、砂糖、青瓜片等，多層次嘅口感，貼近台灣原味道！➖➖➖➖➖➖➖➖➖➖➖➖➖➖➖➖🥢 蚵仔煎｜$48.依道煎得好有台式風味，好有驚喜！蚵仔好新鮮又幾大粒，一啲都唔腥💯，加埋蛋漿皮、生菜絲同醬料，食落幾惹味，充滿台灣風味！➖➖➖➖➖➖➖➖➖➖➖➖➖➖➖➖🥢 試管鹽酥雞｜$49.餐廳提供六色試管粉，可以隨便將調味粉灑落鹽酥雞享用，包括紫薯、芝士、海苔、梅粉、辣椒，及椒鹽粉。鹽酥雞外脆內軟，口感酥脆，配以最簡單嘅椒鹽粉已經好好食。➖➖➖➖➖➖➖➖➖➖➖➖➖➖➖➖🥢 黑糖珍珠奶茶｜$29.正常發揮，奶感偏重，珍珠口感軟糯煙靭。➖➖➖➖➖➖➖➖➖➖➖➖➖➖➖➖🥢 水蜜桃氣泡水｜$30.原罐梳打水上枱，可以慢慢斟！味道清新，淡淡桃味，加上提神嘅梳打水，健康清爽又解渴！➖➖➖➖➖➖➖➖➖➖➖➖➖➖➖➖🥢 百香果益力多｜$28.果味清新嘅百香果，加上酸甜嘅益力多，飲落酸酸甜甜，十分開胃。➖➖➖➖➖➖➖➖➖➖➖➖➖➖➖➖
繼續閱讀
🥡🍜🥢滋味台灣夜市小食☑️招牌紅燒牛肉麵🍜-$75牛肉麵個湯底幾好味，微辣惹味，麵條煙靭有咬口，有兩舊已經索晒汁嘅蘿蔔，而牛肉都有好多件，已經煮得好腍好入味。仲會配埋酸菜同埋蔥花。🆗蒜泥白肉 -$18可能因為食開譚仔嘅蒜泥白肉，expect上面會有一大堆蒜泥，但呢度嘅蒜泥白肉上面就冇咗嗰啲蒜泥，相對失色同埋冇咁濃味，有少少失望，但下面有青瓜墊底，同埋個汁酸酸地都OK好味。☑️肉鬆雙重起司蛋餅🍳 -$42冇諗過呢個蛋餅都好厚身，切開咗四大件，每件都脹卜卜，好足料，有拉絲嘅芝士，好多肉鬆，而蛋餅嘅皮都好脆，整體嚟講好夾好好食😋🆗試管鹽酥雞🐣-$42鹽酥雞好大粒，有8大件，但其實好厚炸粉，不過都炸得好脆，同埋裏面嘅雞肉都唔會過老。試管🧪有六款味粉，分別有海苔味、芝士味、梅子味、孜然粉、紫薯味、及辣粉，大家可以隨便倒落去啲鹽酥雞度，試吓唔同味道嘅混合，呢個gimmick 係幾得意嘅，而我就幾鍾意梅子酸酸地嘅味道。☑️蚵仔煎🫓-$48蚵仔煎喺台灣夜市小食必食之一，呢度嘅蚵仔煎都幾有台式風味，好足料，裏面有大量嘅生菜、蔥花同埋蚵仔，亦都有蛋喺入面，配上煙靭嘅粉漿，同埋獨特嘅調味醬，係絕對值得叫嘅小食👍🏻
繼續閱讀
唔係食招牌牛肉麵都掂喎，惹味邪惡台灣菜😈！・・・・・・・・・・・・・・・・・・・・🍱 金好呷宮格餐 HK$88＞芝士豬扒、台灣腸、麻辣菇菌派對、香芋丸、滷肉飯・味道：芝士豬扒爆晒芝士，豬扒有調味輕手啲就返個芝士嘅濃郁。台灣腸肥膏比例佔好重，食落甜得嚟好正嘅肥膏香🤤，香芋丸同滷肉飯正常發揮！麻辣菇菌exactly係三哥麻辣豬耳味XD，好食嘅，整體不錯！・口感：芝士豬扒不錯呀，欣賞佢有芝士流心同時塊豬扒唔會薄過紙咁，個炸皮仲要係酒樓炸芋角嘅炸皮，超酥脆！🍛 鹽酥雞滷肉飯 HK$68・味道：滷肉肥瘦均稱，唔會過鹹，夠入味！因為台灣部分滷肉飯只追求肥膏飯，本波玻璃胃真係搞唔掂，仲要有油～呢個就啱啱好🤌🏻。鹽酥雞正常啦，咬落仲有輕微雞肉汁～有六款味粉畀你點鹽酥雞食，唔記得有咩味，但有得玩又有得食嘅體驗係幾得意開心的，哈哈哈XD・口感：鹽酥雞炸皮厚薄適中，帶皮肉分雜情況，加分👍🏻。肉質唔鞋但都唔算嫩，正常發揮。係份量細咗啲囉～・・・・・・・・・・・・・・・・・・・・🤰性價比：高～🤰9衝度：9衝～🤰結論：以香港泛濫嘅台灣菜嚟講，呢間中上水平㗎，lunch絕對可以一戰，去吧孩子們～・・・・・・・・・・・・・・・・・・・・
繼續閱讀
今日喺觀塘去到駱駝漆大廈買嘢，想食牛肉麵去到11樓，叫咗個古早煎蛋滷肉飯$48 ，今餐跟午餐加個小食黃金皮蛋$9，有啲有幾種調味俾你㗎，椒鹽，海苔，梅子粉，紫薯粉＇四川辣椒粉，我揀咗海苔，幾好味煎蛋個蛋半熟，滷肉飯都幾好，因為都幾飽，所以個黃金皮蛋打包拎走，下次試吓蚵仔煎同埋招牌紅燒牛肉麵
繼續閱讀
見網上評價唔錯，抱住一試無妨嘅心態嚟試一試，點知中咗伏。 試咗個招牌牛肉麵，私疑個湯底係直接由粉嗰度開出嚟嘅，好濃好油。啲牛肉 同面都索曬湯底啲油， 算勒。！但佢聲稱自己係鮮製湯底我就打死都唔信嘅。 最嬲嘅係，問佢雪櫃嘢飲係咩畀佢兇，落單講晚半秒畀佢怒啤。 你收得呢個價錢畀啲咁嘅服務質素同食物我哋， 是咪當啲食客都係傻㗎，特登走上嚟11樓食啲咁嘅嘢 。小弟自問認為係大伏嚟嘅，各位師兄師姐執生。 駱駝漆好多好嘢食，唔好執著喺呢間。 講多句， 有無搞錯！
繼續閱讀
您可能會有興趣的...