影片
港鐵荃灣站 B1 出口, 步行約7分鐘
繼續閱讀
電話號碼
34683298
開飯介紹
主打川菜火鍋，提供各式各樣的火鍋配料，包括新鮮肉類、海鮮和蔬菜，而多款湯底之中，麻辣湯底香氣濃郁；另外多款川式小菜，是喜歡麻辣口味的食客必食之選。
繼續閱讀
營業時間
今日營業
06:30 - 00:00
星期一至日
06:30 - 00:00
以上資料只供參考, 請與餐廳確認詳情
有關獎賞計劃
今時今日任飲任食邊爐竟然可以$200有找，睇到個價錢我哋都完全唔相信。最重要係佢呢個價錢仲有超多嘅選擇，淨係湯底已經有18款，而所謂嘅湯底仲係包括烤魚雞煲酸菜魚呢一類足料鍋底。我哋今晚叫咗嘅係雞煲，佢個雞煲真係超好食，個汁暫時係我食過最好食嘅雞煲汁，而且佢啲雞仲好滑，但係又夠晒入味，嗌咗小辣啱啱好。佢個份量兩個人嘅話應該都係上咗半隻雞。然之後更加經驗嘅嘢就嚟啦，因為佢呢度叫其他火鍋料係唔會落單㗎，因為全部都擺晒喺出邊俾你自己揀。最基本嘅菇類丸類瓜瓜菜菜就必定㗎啦。但係估唔到海鮮同埋肉類都係擺晒喺度任你拎。種類仲要唔少添，淨係海鮮都至少有六款，肉類都至少有四五款。而且佢啲海鮮仲好新鮮，啲虎蝦都好大隻，最重要係夠晒新鮮爽口彈牙。最特別嘅係佢仲要泥鯭㖭啊。泥鯭打邊爐真係好鮮甜㗎。然之後呢個手切肥牛都係任拎㗎。然後佢哋只有自己醃嘅花雕雞件都係超級無敵勁嫩滑，我想講佢啲雞真係好出色。至於牛板鍵就每台會送一碟，肉質係真係比較嫩腍啲，但係以呢個價錢其他擺喺出邊任拎嘅肉都其實好高性價比。另一個驚喜位係佢個飲品櫃，除咗普通出邊買到嘅罐裝紙包飲品之外，仲有佢哋自家製嘅冷泡茶同埋檸檬茶。最最最最最最最重要嘅係呢度係有成五款唔同嘅啤酒任飲。坊間其他好多任食或者放題，就算有啤酒俾你任飲都可能只係得一兩款，但係呢度真係比足晒咁多款你慢慢嘆。就好似我哋咁樣儲齊咗五色戰隊，試勻晒邊一隻最好飲添。食完之後佢仲有生果俾你做埋飯後果，真係好貼心㗎。啲橙同埋西瓜都好甜，其實佢仲有雪糕同埋其他甜品，但係真係已經飽到食唔落啦。呢個價錢滿足咁多個願望真係不得了。
繼續閱讀
尋晚同班friend去咗大滿足火鍋冰室打邊爐，真係食到捧住個肚走！🤣 餐廳都幾爆場，平日夜晚去坐滿咁濟😝有分室內同室外坐～佢哋有成18款鍋底，真係好誇張！我哋見到好多枱都叫咗烤魚雞煲，勁香！不過我哋最後都係揀咗椰子雞鍋，因為想試吓佢哋標榜落足3個椰子嘅湯底🥥🥥🥥！任飲任食兩小時，真係夠晒時間慢慢嘆！仲有前菜俾大家食住等，好貼心🥰！飲品方面，除咗特飲，仲有啤酒汽水，啱晒唔同口味嘅朋友🍻！🥥椰子雞鍋 (落3個椰子)個湯底真係好清甜，椰子味好香濃，飲完一碗又一碗！🥥🤤 正呀！🥩頂級牛板腱 (每枱送一碟)呢個牛板腱真係不得了！😍 油花分佈均勻，肉質鮮嫩淥一淥就食得，入口即溶！😋😋😋 🥩手切牛肉味比較濃郁，口感更有咬口鍾意食牛嘅朋友一定要試吓！🥩🤤🦐新鮮基圍蝦基圍蝦好新鮮，肉質爽口彈牙，蝦味濃郁！🦐🦐🦐我哋淥完之後，啲蝦殼好易剝，食得好方便！🦪 香甜波波蜆波波蜆好鮮甜，而且size都幾粒🫶🏿我哋淥咗一大盤，食到好過癮！🥰🦀蟹+瀨尿蝦🦐我哋仲拎咗隻蟹仔同瀨尿蝦🦀蟹肉同蝦肉加少少湯味食落好清甜💕🥬蔬菜蔬菜都好新鮮，種類都幾多我哋拎咗啲菜、菇、豆腐等等，均衡飲食嘛！🥬🍄🥦🧋特飲：紅豆鮮草凍鮮奶🫘呢杯特飲真係好特別！紅豆、鮮草、鮮奶，三個願望一次滿足！紅豆綿密香甜，鮮草清涼解渴，鮮奶香濃順滑，真係好夾！👍🏻👍🏻👍🏻🍨芝麻雪糕+曲奇雪糕最後當然要食甜品啦！芝麻雪糕同曲奇雪糕都好好味！芝麻雪糕芝麻味好香濃，曲奇雪糕就充滿咗曲奇嘅香味，兩個都好正！🍦🍦🍦💕餐廳性價比都唔錯！食物新鮮，選擇多，湯底正，服務好，環境舒適！下次一定會再嚟食！💯💯💯
繼續閱讀
18款唔同火鍋鍋底～滿足！晚市$200有找～滿足！仲有埋海鮮食～大滿足！大滿足火鍋冰室真係做到！肉類都有好幾款：手切肥牛、牛板鍵、黑毛豬等等～飲品、甜品、海鮮、火鍋配料等等任飲任食！一定食到飽飽😍湯底揀咗蕃茄湯，酸酸甜甜，真係好開胃！而且仲好解膩，火鍋湯底推薦之一！牛肉都好好味，油脂分佈得好好，性價比好高！仲要係任食！抵啊！-
繼續閱讀
之前經開荃灣大坡坊，見到呢間冰室有火鍋放題，好想試，今日終於有機會，原來價錢平日只需要人均200蚊到，真係好抵！呢間冰室裝修平實，放題價錢貼地。日頭係普通茶餐廳，夜晚就搖身一變火鍋放題🤩餐廳有18種特色湯底，包括雞煲，烤魚，椰子雞鍋等，兩位可以選擇一個湯底，四位仲可以選擇兩個湯底，一個價錢，就可以無限食豬牛羊同其他火鍋配料。真係好豐富！我哋叫咗個健康蕃茄湯底，嚟到蕃茄滿滿，酸酸甜甜，茄汁湯底濃郁，打邊爐前可以飲下蕃茄湯，好清新！店家有好多飲品選擇，仲有自家製嘅茶飲，包括香水檸檬茶同紅豆冰等，好特別。一開始會贈送牛頸脊，嚟到時肥瘦均勻，好香牛味，好讚！火鍋配料都好多選擇，重點例如蠔、聖子、魷魚花甲等，海鮮新鮮，蜆冇沙，放落打邊爐鮮味十足。另外肉類同蔬菜都好新鮮。 唔錯打完邊爐仲可以食雪糕生果做甜品，結束完美嘅放題！😋😋
繼續閱讀
荃灣任食雞煲/烤魚‼️係回憶中學生時代食開嘅價錢🥹晚市成人只係$198一位（加一前）🥹 仲要任食兩小時一個價錢可以任選18款火鍋鍋底 有烤魚或者雞煲選擇 或者淨係想打邊爐都得😆今次選擇咗個唔辣嘅蒜香味烤魚🐟 成條魚真係勁大條，仲要炸完之後好香 魚肉啖啖肉😋😋 蒜頭真係絕對唔吝嗇，有勁多蒜頭😍😍自助櫃有多款海鮮蔬菜同埋丸類選擇😚尤其推薦嘅海鮮包括有海蝦同埋蜆肉 咁嘅價錢食到咁新鮮嘅海鮮都真係冇得頂👍 仲要不斷refill 唔會話攞完一轉就冇晒啲海鮮蠔仔就比較細粒 似係整蠔仔餅果d，而海螺吸收晒湯底嘅精華都非常惹味🥩 肉類嚟講有美國肥牛、手切牛肉同埋黑毛豬 尤其欣賞個手切牛肉 非常有咬口 好有潮州牛肉邊爐嘅風味😊😊 飲品有多款罐裝同埋冷泡茶 啱晒一邊打邊爐一路飲 🤩 啤酒都有得選擇，但係部份就唔係任飲而最後甜品方面都有雪糕同埋涼粉 雪糕有好多款味道 我尤其鍾意個忌廉曲奇同埋黑芝麻😙 總括嚟講加一之前$200都唔使嘅雞煲烤魚邊爐，而家真係少之有少 而且食物種類非常豐富，而海鮮質素絕對唔差 性價比都真係好高
繼續閱讀