18
44
65
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
食家推介
啱啱去完旅行,晏晝機返到香港,而返到屋企成兩大喼行李待執拾,晚餐就梗喺費事搞住啦,睇睇錶仲趕得切落去食個下午茶餐當晚餐,慳錢及慳時間。最後選上「牛車水」,因為佢哋嘅茶餐去到6:30pm。話時話,都好耐無嚟幫襯過「牛車水」,因為對佢嘅印象都喺一般般,話好唔好,話差唔差。雖然話嚟食下午茶,但都接近晚市時段,有好多好似我哋咁茶餐當晚餐嘅客人。大多數茶記嘅設定就喺將餐具、調味料擺喺枱側嘅櫃桶,專登都影一影,就喺表示出餐廳唔止地方整潔,企理好多,管理上面都做得唔錯,啲姐姐亦好有禮貌。佢哋嘅下午茶餐唔止供應嘅時間由2:00pm到6:30pm,而且,供應嘅款式都好闊,由三文治、多士、飛碟到碟頭飯,甚至乎鐵板餐都有,實屬少見。泰式雜錦金邊粉 $41無論老婆嘅金邊粉抑或我嘅米線,都非常之大碗,絕對唔似下午茶嘅份量,當晚餐都卓卓有餘呀!雜錦就有啲魷魚、蝦仁、豬頸肉,算喺幾多餸料,而所謂泰式喺個湯底帶點酸咪咪,幾開胃。海鮮喇沙米線 $43而小弟嘅喇沙米線似碗咖喱米線,咪睇個樣好似杰撻撻,跟清湯底撈番勻,就似模似樣似番啲喇沙湯,哈哈!查實,都幾香嘅,而所謂海鮮,其實同上面嘅金邊粉差唔多,都喺蝦仁、魷魚仔,仲伴埋豆卜、椰菜,非常搞嘢,唔理佢正唔正宗,其實味道就唔錯。熱奶茶、熱檸水成個多星期無嘆過熱奶茶,當然嚟到茶記梗喺要整返杯啦,老實講「牛車水」啲奶茶色澤睇落就好對辦,味道都算唔錯,至少都夠芳香先,幼滑度就爭少少。再嚟試試「牛車水」,份量依然喺賣大包,雖然,佢寫明喺東南亞餐廳,但睇番今日所食嘅兩碗粉麵,都有唔正宗之嫌,不過,味道就唔錯,地方大,算好坐, 單純嚟醫肚喺個唔錯嘅選擇。
繼續閱讀
🐑茶走個茶幾香,不過色澤未夠虎珀,而且薄身,有欠回甘,呢個情況係中茶(主管色澤)同埋幼茶(主管色澤及味道)不足所致,係調配混合茶葉份量嘅問題🐑沙爹牛麵,沙爹牛只係微暖,毫無沙爹味,佢係似蠔油獻牛肉多啲,儘管個味道係唔難食嘅。麵湯夠熱,可以浸得番熱本身只係微暖嘅牛肉。牛肉肉質可以,冇專登落好多食粉乸鬆佢。個麵都煮得ok,軟硬程度剛好🐑火腿奄列上枱夠熱,蛋嚟講,當然唔會有坊間其他新派店舖咁加咗日本3.6牛乳嗰啲咁滑啦,但總體嚟講,能夠煎得蛋皮夠薄、保持熱度上枱,而又冇煎老隻蛋,呢個已經係好唔簡單🐑牛油多士,貫切香港茶餐廳,牛油求其搽嘅優良傳統😂,牛油搽唔匀呢個就梗局㗎嘞,而且份量真係少得可憐。多士上枱已經唔脆,應該係一次過烘好多擺旁邊吸收咗水吧嘅水氣所致。對於以上情況,我只能夠表示,早餐時段繁忙,呢個係可以理解嘅
繼續閱讀
今早路經美孚、見有牛車水餐廳,緊係要入內食個早餐先😊因為以前深水埗都有分店😊後來分店結業就再没光顧!早餐:熱奶茶正正常常三文治餐芝士火腿治新鮮方包👍自選雙拼早餐雞扒拼雙烚蛋配湯通粉跟餐包早餐總括:食客大多數係附近老街坊,所以早餐類別都係大路早餐😅
繼續閱讀
牛車水餐廳點解我會稱呼呢間做情懷餐廳因為作為一個美孚人由我細個已經開始幫襯牛車水餐廳餐廳經歷過兩次裝修以前俾我嘅感覺係普遍西餐廳嘅較暗用餐環境裝修後變成一間好光猛嘅餐廳餐廳名菜係馬來咖哩/沙嗲串燒同海南雞飯我個人就通常去餐廳食海南雞飯套餐一碟雞 一碟菜 一碗例湯 一碗雞油飯另外仲包一杯飲品海南雞每一次食嘅部位都唔同有時候會喺雞翼或者雞髀位有時候會喺雞胸位香港人成日都話雞有雞味餐廳就正正做到呢一點我會稱呼佢做平淡的海南雞飯套餐如果你係無太多要求佢會滿足到你嘅期望
繼續閱讀
我明明係叫 496號 炸雞翼 豬仔包 沙律 下午茶餐, 黎到係 鹵水雞翼 仲要無味 肉老 鞋口 , 問職員 點解唔係炸雞翼 佢 仲好肯定 咁同我講‘’ 我地餐廳得一款雞翼 就係炸雞翼 呢個係炸雞翼 ‘’ 跟本完全係亂黎
繼續閱讀