影片
以上資料只供參考, 請與餐廳確認詳情
優惠
88折
【Cafe】$100 通用現金券 **無限兌換**
$88
$100
88折
【九龍城x黃大仙】$100 通用現金券 **無限兌換**
$88
$100
忙裏偷閑、寫意人生，又點少得一杯茶呢？茶既可以為生活點綴，加添品味；又可以成為一種文青風格。嚟到紅磡嘅茶閒裡，餐廳食物種類唔算太多，但就極花心思，由一杯茶、一份主食同甜品，讓你放慢生活嘅步調，享受寧靜嘅片刻。茉莉飄雪茉莉飄雪非常香滑，而雖然係一杯凍飲，但啖啖都帶有茉莉花茶嘅清香，充滿層次，仲夠晒解喝。小青柑酸酸甜甜嘅小青柑，非常滋潤又消滯，飯前飯後都啱飲。桂花烏龍mini林明頓甜品絕對係茶嘅最好朋友。桂花烏龍mini林明頓帶有香濃嘅烏龍茶味，而奶油則加上桂花味，再配搭清新椰絲，甜而不膩，茶香持久。開心果mini林明頓開心果控必試！開心果mini林明頓味道唔會太甜，Nutty味好重，好滿足！川香孜然牛肉、粟米蒸水蛋、清炒廣東菜心配雜糧飯餐廳而家同nutribite合作，推出多款健康配搭，以兩份蛋白質、一份膳食纖維、一份碳水化合物組成。仲會將能量同營養素參考值印係每份食物上面，讓你健康加分。豉油雞扒、粟米蒸水蛋、三色素小炒配牛肉燜飯健康餐又唔一定淡而無味，川香孜然牛肉微辣夠開胃、豉油雞扒嘅醬汁香濃，雞扒入味又唔乾、至於粟米蒸水蛋嘅粟米非常鮮甜。健康餐同樣可以好好味！
繼續閱讀
- 難得放假，真係好想搵個地方鬆一鬆！所以去開紅磡附近，就約朋友搵間Cafe傾計同嘆下！👍🏻- 呢間Cafe係樓上鋪，門口同店內裝修風格一致，全部都係用淺木色格調，富有禪意之餘，仲令人十分放鬆。而餐廳裏面位置非常闊落，無論簡咩位都好適合傾計或者打卡！- 餐單上食物款式唔多，但茶既種類就超乎你想像，而且相當有質素。今次同朋友就叫左兩款菜飯、甜品同茶！👍🏻- 因為我地平時都唔太喜歡飲有糖既飲品，所以今次我地就叫左兩款清茶，包括月下美人同小青柑，兩款都會配上脆脆小食。- 月下美人我地就簡左凍上，呢款茶底係白茶，飲落清洌淡雅，飲落好似冰糖咁，有種好清新既感覺，但都係無糖既。但比起凍上，我更喜歡另一款小青柑，呢款茶同月下美人唔同，係用黑茶做基底。小青柑熱上會有茶壺同微火烘住，未飲已經香味撲鼻。暖笠笠咁飲仲會有柑橘味，清香但醇厚，係我最鍾意既茶！💖💖💖- 至於菜飯，原來係套餐！兩款套餐內容一樣，只係主菜同飲品唔同，配送都會有黃桃同車厘茄。我地今次叫左雞翼同鰻魚加流心蛋。雞翼果款食落有蜜汁味，仲有4隻咁多。而鰻魚加流心蛋更唔洗講，蛋汁混合鰻魚汁同菜飯，非常Creamy。再配上附送既兩杯茶清清味蕾，勁滿足。- 附送兩杯飲品，我地叫左茉莉雪芽同梔子椰青。前者係可以想像既味道，後者就係茶與椰青水既結合，好清甜，算係茶既特飲之一。- 講起特飲，我地都叫左一杯叫爬樓梯既茶特調。我地係貪得意先叫既，結果又出奇地好飲。佢係蜜瓜烏龍茶再加鳳梨蘋果，飲落甜甜地有果香，幫你生活帶一點甜。- 甜品方面，我地叫左糯香銀耳羮、桂花烏龍林明頓同開心果林明頓。- 糯香銀耳羮直程就好似睇宮廷劇果啲咁，食落銀耳爽口，再配搭普洱茶凍同冰糖既清甜，涼涼地唔會膩，係滋潤之選！至於兩款林明頓，我更喜歡桂花烏龍味，因為烏龍茶蛋糕底，再配上荔枝、桂花同椰絲，酸酸甜甜好好味。而開心果就有濃郁開心果味，同樣值得一試。- 老闆娘好好人。閒聊間，佢仲表示好希望多啲人認識茶飲，仲希望客人讀書或者休息，都隨便坐店內放鬆！
繼續閱讀
「茶閒裡」位於土瓜灣，環境優雅靜謐，柔和嘅燈光和木質家具讓整個空間感覺溫馨舒適。呢度好適合朋友聚會，或靜靜享受獨處嘅時光。茶閒裡嘅特色在於專注於優質茶葉的選擇。今天我試咗「正山小種」，正好有85折優惠，立刻點嚟試試。茶葉香氣撲鼻而嚟，入口後味道甘甜，令人陶醉。茶飲仲提供精緻嘅小食搭配，讓人在品茶嘅同時，享受更多美味。特別欣賞嘅仲有由鴨屎香、無花果和開心果製成嘅夢特別嬌，除咗製成品，仲會跟一小杯茶底，讓客人能體驗原茶嘅獨特風味，一份價錢可以品嚐兩種不同的口味。除咗出色的茶品，餐廳還供應幾款主食。鰻魚菜飯嘅魚肉鮮嫩，鰻魚汁與米飯嘅香氣相得益彰，令人垂涎。而腊腸菜飯嘅味道同樣出色。甜品方面，糯香銀耳羹清淡爽口，紅豆芝士蛋糕甜而不膩，非常適合喜愛甜品嘅朋友。雖然主食選擇不多，但呢度重點在於品茶。如果你有興趣品嚐一杯靚茶，「茶閒裡」絕對是一個不錯的選擇。
繼續閱讀
泰式冬陰功湯麵🍜湯底係典型既冬陰功風味 酸酸辣辣既口感一下子就覺得開胃 裡面有蝦、蕃茄、雞肉等配料，蝦既數量都算多 好似食極都有咁 色香味俱全～希望之後用堂食碗會更環保♻️抹茶鮮奶茶🍵 茉莉雪芽抹茶既外觀非常誘人 同emoji 呢杯一樣🍵綠色既抹茶與奶泡交織 味道濃郁 但又唔會過於苦澀 奶茶既甜度剛好 唔會壓過抹茶既風味 兩者既結合感覺非常順口 另外 佢隔離仲有一杯小茉莉茶 味道比較清澈 可以最後享用 如果你係抹茶控 呢杯絕要試👍🏼👍🏼👍🏼鴨屎香單叢🌱呢款茶既香氣獨特 泡開再之後 茶湯呈現出金黃色 聞起黎帶有一絲淡淡既花香同果香喝 口感滑順，回甘持久～感覺非常舒適 而且茶壺都好有特色 呢杯茶非常適合搭配泰式冬陰功湯麵 可以中和湯麵既辛辣🌶️茶閒裡 (紅磡)紅磡馬頭圍道63號啟岸1樓104號舖#中菜#西餐#日本菜#食物打卡#相機食先#食好西系列#好食#好好食#鍾意食#打卡餐廳 #打卡美食#食評#foodie#yummy#yummyfood#hongkongfood#hkfoodie
繼續閱讀
今天黃昏，我和太太在紅磡的茶閒裡餐廳享用了美味的晚餐。這家餐廳以其清新的環境和精緻的菜品而聞名，我們期待已久，終於來到這裡品嚐。我們點了兩個套餐。第一個是什菌臘腸菜飯套餐，內容包括雞面、雜菌、臘腸、青菜、米飯，還有水果和自選的茶飲。這道套餐的雞面濃郁可口，臘腸的香味讓人垂涎，搭配清脆的青菜，讓整體味道更加平衡，讓我感受到家的溫暖。第二個套餐是鰻魚菜飯套餐，裡面則有鮮嫩的鰻魚、青菜和米飯，同樣配有水果和自選茶飲。鰻魚的肉質鮮美，配上米飯，簡直是絕配。青菜的清新口感也為這道菜增添了不少層次。餐廳的氛圍非常舒適，服務人員親切友好，讓我們的用餐體驗更加愉快。這次的晚餐不僅讓我們享受了美食，也增進了彼此的感情。我們一定會再來探索更多的美味選擇！
繼續閱讀