影片
開飯介紹
裝修走歐陸風格，每逢周末都有3款「全本土人氣Cafe，主打美式牛肉漢堡及澳洲和牛漢堡系列，用料十足，入口肉汁豐富。另有不同口味的漢堡、意大利飯麵及小食。日早餐」選擇。
繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
-
網上訂座服務暫停
食家推介
睇廣告見到十人可以包場任飲任食膽粗粗幾齊十人試吓啦有伏都係齊齊中點知好驚喜食物質素好好真係估唔到放題都keep到質素我地book 七點至十點我六點半左右就到咗我好攰，所以照入去問可唔可以照坐佢地好好呀！俾我坐仲俾我叫埋飲品一路行吹風個人凍凍地飲杯熱苿莉花茶真係䁔唒我地嚟咗幾個人，佢就俾炸嘢，沙律我地食沙律菜好新鮮，炸嘢勁熱勁脆，真係樣樣都好食雞翼係多脆又甜不過裏面啲肉就冇乜味漢堡好juicy 啲個包都烘熱咗！真係估唔到放題都做到即叫即整炸魚手指熱到辣咀炸得好好啲魚肉仲係有水份，唔會乾淨淨牛仔骨好入味估唔到意粉都咁好味個肉醬意粉食完要再encore個墨汁飯我略嫌汁太多，收乾少少會好啲但味道都好好，仲有蟹籽脆卜卜羊架，朋友仔話「蘇」，但我覺得冇蘇我鍾意食牛扒估唔到咁大份因為主菜十人只可以選七份，我以為一碟已經有兩份點知唔係，有兩碟大大碟肉質唔錯，好重牛味我係瘋狂食嘢嗰啲人，我飲咗latte同mocha都好好我有朋友帶咗隻大狗，姐姐仲好好人，幫我地用水沖淡啲骨俾狗狗食我地傾偈嘈咗人地一晚真係好開心好盡興平均每人只係$372一位，食足三個鐘同朋友聚吓，呢度真係一個好地方
繼續閱讀
當日下午要去高山劇場, 於是google下附近有咩食, 咁岩畀我醒起呢間餐廳係附近, 所以就拉埋男朋友去食舖頭面積不大, 都係得幾張枱, 但係非常旺場, 都差唔多坐滿, 等餐期間都不斷聽到有外賣訂單, 睇黎呢間餐廳都幾好口碑~我叫左大啡菇香煎雞扒拿破崙扁意大利粉配黑咖啡, 男朋友叫左和牛洋蔥煙肉漢堡配薯條, 由於店內得2個人係到負責煮野收銀執枱等工作, 所以都要等左差唔多半個鐘D野食先上得…無辦法啦, 小本經營…大啡菇香煎雞扒拿破崙扁意大利粉份量正常, 雞扒略嫌有D少, 不過都煮得不柴, 都可以, 拿破崙扁意粉就相對少少硬, 所以食曬都好飽肚…至於和牛洋蔥煙肉漢堡配薯條, 牛肉煎得好食, 鎖住左肉汁, 另外仲有一條仔酸瓜, 所以解到和牛煙肉漢堡膩的感覺! 薯條新鮮炸起, 非常鬆脆!埋單都要二百幾差不多3百蚊, 價錢少貴.
繼續閱讀
真心覺得今次嚟到嘅餐廳，完全係文青界嘅隱世珍寶👀！我哋嘅味蕾今晚完全係high翻天啦！話唔多講，嗰個香烤紐西蘭羊架真係正到冇話揾，啲肉質軟滑得嚟唔失羊肉嗰股騷味，咬落去啲汁水噴潑，真係惹味到不得了。而家我要大讚下個龍蝦尾意粉，啲麵條滑溜溜嘅，龍蝦肉又甜又彈牙，係完美嘅海鮮愛好者之選。不過吖，最勁嗰個莫過於黑醋蜜糖雞翼，啲雞肉滑過梳乎厘一咬就散開，發眉！再嚟，埋單之前當然要搞定口角，嗌咗兩款意想不到嘅飲品，鮮奶咖啡同朱古力咖啡。朱古力味好夠喉，咖啡意米濃郁得黎又保持咗啲奶香，咁嘅扮工飲品真係令人心曠神怡。總括一句，呢度既食物質素係真材實料，又唔會使你覺得好有壓力，環境舒服冷靜，絕對係同三五知己相聚嘅好地方。要揾個難忘食體驗，記得要mark低呢家餐廳呀！🍽👌🏻
繼續閱讀
黎緊聖誕節想去食好野慶祝 我推介大家去I’s Corner🎄只要10人以上就可以包場任飲任食 啱晒同成班朋友gathering🎊🎉餐廳環境唔錯 食物種類又多 啱晒唔同口味嘅人士👍🏻樣樣都即叫即整 新鮮滾熱辣 正吖😋😋😋除咗任飲任食之外 餐廳更加添置咗卡拉OK系統🎤等嚟到嘅客人 一邊享用美食 亦都可以同時一展歌喉🎵🎶🥗沙律Salad🥗香煎雞扒凱撒沙律日本柚子胡椒醬海蝦沙律🍟小食 Snacks🍕洋蔥卷薯格魚手指炸雞軟骨黑松露薯條黑醋蜜糖雞翼🍔Burger🍔菠蘿煙肉牛肉漢堡🥩主菜 Main Course🍝美國Chairman’s 穀飼1支骨斧頭豬扒加拿大 Northern Gold AAA+ 西冷牛扒香煎鵝肝蟹肉忌廉risotto📍紅磡分店（紅磡北拱街8號薈點地下1號舖）📍石門分店（沙田石門安耀街5號W LUXE地下1-2號舖）
繼續閱讀
第一次寫食評，但真係忍唔住了。我哋一行10人，嚟呢度包場任飲任食，食物質素真係好好，員工也非常之有禮。我有位朋友唔舒服，佢特意為佢選取一啲比較輕可嘅食物，又為佢預備薑茶，真的很貼心😍仲有得包場唱K，感覺very good! 呢個環境，我諗10至15人也相當理想！估唔到網上隨意去選擇，可以找到一間這麼好又能夠共聚嘅地方！餐牌嘅食物差唔多都叫了，因為放低就食，來不切影相😛餐廳的意粉非常好吃，還有蜜糖雞翼😋我的朋友們滿載而歸， 十分開心🥳一定有下次🤗🤗🤗
繼續閱讀
您可能會有興趣的...