影片
營業時間
今日營業
11:30 - 20:30
星期一至日
11:30 - 20:30
公眾假期
11:30 - 20:30
公眾假期前夕
11:30 - 20:30
以上資料只供參考, 請與餐廳確認詳情
食家推介
「每日用心新鮮製作的健康韓國料理」小編十分同意店主完美做到品牌製作的這句格言!話佢係可能係全區最高質的外賣韓式炸雞小店真心唔誇張，難得K Chef Story在工作及屋企兩區都有分店，絕對要推薦比同事及街坊一試!無論係PIZZA 定炸雞，通常外賣會因為時間已大打折扣，但呢間小店的炸雞、飯卷、粉絲同卷蛋攞到返熙企都依然保持到個新鮮水準，而且韓式料理款式亦十分多，真心抵讚!🍗BBQ甜辣炸雞(無骨) $185推介:⭐️⭐️⭐️⭐️⭐️必點之選!即叫即炸等10分鐘左右十分值得! 共有七種口味選擇，韓國無骨炸雞外皮炸得勁酥脆，內裡又保持到滑雞肉多汁軟口的口感!甜辣炸雞加埋開胃甜辣醬真係頂呱呱~小編食完一件又一件juicy到停唔到口，加埋小店咁精美賞心悅目又散熱的炸雞包裝盒，性價比十分高!🍳原味雞蛋捲 $70 韓迷必食!推介:⭐️⭐️⭐️⭐️⭐️打開蓋已經非常吸晴，雞蛋卷口感厚實大件，蛋香味出奇香濃，加配滿滿嘅茄醬及蜜糖芥末醬，口感綿密非常可口，甚至比正宗韓國菜餐廳更加出色!🍙牛肉飯卷 $55推介:⭐️⭐️⭐️⭐️⭐️牛肉紫菜飯卷包裝精緻，份量落足誠意! 內餡牛肉扎實鮮嫩搭配新鮮配菜紅蘿蔔絲、黃蘿蔔、蛋等，入口帶份甜味充滿豐富口感，新鮮爽口。🍝韓式炒粉絲 $推介:⭐️⭐️⭐️⭐️地道嘅韓式風味炒粉絲，乾身，而且食落口唔會覺得油淋淋，仲有好多配料其他款式還有煎餅、韓式湯品、便當類等，沙田友絕對要一試!
繼續閱讀
個個星期都要食炸雞嘅我😂早幾日見到葵芳超多人食嗰間韓國人做ge K chef story原來已經進駐沙田！跟住我就即刻打畀屋企人問下佢哋願唔願意同我呢個炸雞狂人今晚又食炸雞！由於我係住喺馬鞍山嘅關係其實喺沙田搭巴士返去差唔多都要大半個鐘，好彩呢間嘢過金色袋都算係幾保溫所以返到去都仲係熱嘅！💓💓最令我意外嘅係我另一半差唔多係隔咗三個幾鐘先返到嚟啲雞都竟然仲係脆嘅！🐔韓國有骨炸雞我揀咗呢個芝士味係有少少甜甜地，但真係超好食外面炸得好夠乾身，入面都好有肉汁，佢哋嘅炸雞裹粉都幾特別，唔會索曬啲肉汁淋pp，呢種炸雞係完全唔需要點任何醬汁已經好好食，我叫咗一隻只係180幾蚊，韓國炸雞嚟講真係水準發揮！🍢烤豬肉紫菜包飯有別於一般嘅紫菜包飯，呢度嘅韓式紫菜包飯係有味嘅！唔會令到你覺得佢好淡口，佢嗰種味道係令到我哋全家食都覺得好惹味，食完一嚿又一嚿！會有一種“早知買多一條啦嘅感覺”😂😂😂🍛烤豬肉拌飯呢度嘅烤豬肉拌飯材料除咗有冬菇絲青瓜絲紅蘿蔔絲等等嘅配料之外，佢嘅烤豬肉份量超級足夠！同埋佢成本其實都好大份，基本上一碗已經夠曬兩個人食！同樣都係唔需要加過多嘅醬汁，佢本身天然嘅蔬菜已經好足夠味道💓呢次食嘅炸雞全家都大讚，表示可以encore❤️
繼續閱讀
呢間韓式外賣店嘅包裝幾靚，用金色外賣袋裝住！首先揀咗原隻黑蒜炸雞（無骨），呢個炸雞真係不得了！黑蒜嘅味道好特別，唔會太濃，同炸雞嘅香脆口感好夾！雞肉嫩滑 juicy，完全唔會乾！個醬汁甜甜地，鹹鹹地，好惹味！跟住係牛肉紫菜飯卷同吞拿魚紫菜飯卷，呢兩個飯卷都好味！飯卷嘅米飯煮得啱啱好，唔會太硬，而且飯卷嘅餡料都好多，牛肉同吞拿魚都好新鮮，味道唔錯！紫菜嘅香味濃郁，而且飯卷嘅size都幾大，一份已經好飽肚！
繼續閱讀
熱潮不斷高質炸雞店實在太邪惡，食物非常之地道口味秘製選擇多種，餐店獨家可選擇有骨或無骨滿足客人所需，份量十足酥脆炸雞正宗即叫即製，熱辣開胃質感賣相立體分明，層層肉汁脆口滋味散發，向韓食文化分享幸福歡樂時光！「雪霜芝士炸雞-有骨」整體味道可以、炸粉少紥實乾爽啖啖肉，性價比高有驚喜，芝士粉調味好吃不過重飽足又滿足大大加分「牛肉紫菜飯卷/辣炒豬肉紫菜飯卷」五顏六色飯卷摺疊厚身不易破，做法簡單足料之餘又方便，夾入不同材料做食材味道變得更豐富
繼續閱讀
一向都聽人講沙田好多好嘢食，搬咗嚟之後更加深感受 😍 有時候懶唔想煮飯，買外賣返屋企嘅選擇都好多 🙌🏻 是晚收工經過 K Chef Story 聞到香噴噴嘅炸雞味就突然好想食韓式炸雞配啤酒，估唔到外賣炸雞可以做到咁高水準！👍🏻原味炸雞（全隻，冇骨）一拎盒炸雞，真係隔住個盒都聞到勁香 😍 雖然返屋企都需要啲時間，但返到去個炸雞依然係keep到好脆 🤤 少少鹹鹹香香好惹味，最欣賞嘅係佢炸到個皮好脆夠乾身，唔會油淋淋，但係依然keep到入邊嘅肉質，無骨嘅炸雞啖啖肉非常過癮，估唔到外賣都可以做到拍得住餐廳嘅水準 👍🏻烤豬肉紫菜飯卷紫菜飯卷嘅餡料非常之飽滿，真正做到「飯薄餡靚」 😍 烤豬肉甜甜地好Juicy，配埋醃蘿蔔、青瓜同紅蘿蔔比較清新嘅餡料，食落去口感好豐富，而且亦都唔會好滯 😋芝士Kimchi煎餅喺開放式廚房睇住佢哋將用咗嘅芝士倒落去個煎餅上面，成個感覺勁治癒 🥰 拉絲嘅芝士非常之香濃，煎餅入邊嘅泡菜亦都非常之多，鹹香嘅芝士配埋香辣嘅泡菜煎餅，真心好滿足 😌通常買外賣返屋企，因為都過咗一段時間，味道都會打折，但係呢度嘅炸雞同埋其他食物，就算拎到返屋企，依然都可以keep到個水準，以後偷懶唔想煮飯又多一個選擇啦 😂
繼續閱讀