影片
電話號碼
23322188
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
食家推介
【沙田區】【鳥巢】有啲朋友識咗超過二十年，雖然見面次數唔多，但係耐唔時都係要見吓嘅，今次同我一齊食飯嘅呢位就係一個咁嘅人。我哋特登去咗我哋其中一個以前會去行吓嘅沙田禾輋商場懷緬吓過去，呢度嘅變化都大。我哋就喺度試一間叫「鳥巢」嘅上海菜，睇落好似幾好。先試 $75 嘅「家鄉回鍋肉」配飯，唔係罐頭嗰啲嚟，啲回鍋肉炒出嚟熱辣辣，好好食，用佢嚟送飯真係一流呀。之後試 $88 嘅「酸菜活魚片」配飯，我唔係太食得辣所以要咗「小辣」，但係都好唔錯，連啲蓮藕、大豆芽、酸菜、薯粉等配菜都幾好食嘅。我哋兩條佬就咁食呢啲梗係唔夠喉，我哋仲試埋 $40 嘅「上湯小籠包」四隻，佢呢款小籠包唔算大粒，但係 bite size 啱啱好一啖一隻，好啱我。湯汁唔算爆汁，咬落唔會咇到周圍都係嗰隻。但係佢個餡嘅肉味好香，彌補到湯汁嘅不足，就算唔點醋一樣咁正。最後試 $42 嘅「黑金流沙包」三隻，可惜啲嘅係我攤凍咗先食，攪到佢冇咁流，下次食要注意。嘢飲方面，朋友飲 $18 嘅熱「蜂蜜柚子茶」，我就飲 $15 嘅凍「豆漿」，兩者味道都係可以嘅，完全接受到。埋單嘅價錢係 $278，絕對係屋邨商場性價比開心之選。。。（地址：沙田德厚街3號禾輋廣場2樓210A號舖）
繼續閱讀
自從公司搬咗去沙田, 就開始周圍搵食! 附近居住的朋友推介一家隱世寶藏上海菜, 價錢十分大眾化, 食物性價比極高, 那當然要試試啦! 滬菜, 上海菜是我愛的地方菜之一! 菜式清不論是清淡還是濃厚均有很多選擇! 餐廳佔地頗大, 座位寬闊, 以木及灰系列為設計, 簡約時尚 上海菜的座上菜 ~ 上湯小籠包 $40/4隻! 即叫即蒸, 價錢超相宜! 皮夠餡靚, 但不是通透沒咬口那種薄, 肉餡新鮮嫩滑多汁, 是爆汁的那種!花雕醉雞 $78 ~ 酒味香濃, 雞肉嫩滑, 雞皮沒有過多油脂! 晚市才有的乾鍋套餐 $108/3餸、$128/4餸, 還包一碗白飯! 為食的我們當然選4餸啦! 我們點了腩片、豬大腸、鯛魚片、窩筍! 辣味可選微辣至勁辣! 味道也不單一, 有香辣、麻辣、蔥爆及孜然! 首試蔥爆乾鍋! 餸的份量超多, 炒得夠乾身, 蔥爆雖然不辣但仍很惹味! 豬腸煙靭沒有很多肥膏, 沒有內臟腥臭味, 愛了! 腩片是乾鍋不可缺的, 半肥瘦的腩片, 沒有很油膩, 超讚! 鯛魚片沒有腥味, 很滑也很爽口! 窩筍跟別店不同, 切厚件更有咬口! 松子糖醋東海小黃魚 $118 ~ 真心抵! 魚超大一條, 完全沒有魚腥味, 肉很厚! 糖醋醬酸酸甜甜很開胃, 加上彩椒粒及雜果, 松子粒下得很大方, 配飯一流!再來2杯飲品 ~ 檸檬百香果, 酸酸甜甜的很解渴解膩! 豆漿超推介, 豆味很香濃!
繼續閱讀
整個沙田區如果想食上海菜 除左一、兩間大型連鎖店基本上都無其他選擇今次見禾輋開左一間新既上海菜專程黎到試下黑松露冬菇包 3隻 $38必食！以為呢個冬菇同出面點心鋪既一樣誰不知道呢個好食好多！仲有個冬菇”丁” 做工超級仔細餡入面真係有好多菇有時候黑松露既菜式 都落大量黑松露而缺乏考慮與當中食材既平衝因為呢個包 真係值得回頭幫襯酸菜魚 - 飯餐 $88比較港式既酸菜魚較清 唔係果算多油多辣多麻既川菜式做法不過唔好睇佢個樣清清地其實送飯都唔錯 配菜亦都有齊我最多既萵荀、豆芽魚片份量不少亦滑溜呢度跟既”靚仔” (白飯) 亦都夠我2個人食了…上湯小籠包4隻 $40推介皮薄 肉眼都睇到包入面既肉汁了輕輕夾住小籠包頂 你就知佢做得好出色4隻反而唔夠喉上海酸辣湯（例）$58味道偏酸 非11常足料一個例其實完全可以分到4碗兩個人根本飲唔曬性價比完全優勝冬天想飲返碗湯就岩曬喇整體評分:味道: 4.5/5環境: 4.5/5服務: 5/5抵食: 4.5/5 鳥巢📍沙田德厚街3號禾輋廣場2樓210A號舖
繼續閱讀
🌟餐廳：鳥巢📍地址：沙田德厚街3號禾輋廣場2樓210A號舖💰價位：$50～$100⏰營業時間：星期一至日 11:00 - 21:00準時收工約咗爸爸去附近食埋晚飯先返屋企～黎到禾輋廣場，發現呢間「鳥巢」主打性價比高嘅上海菜，啱晒爸爸口味，一於就試吓呢間新開既餐廳先！———————————————————🔹上海酸辣湯辣味酸味夠突出！材料豐富，有齊木耳絲、筍絲、香菇及肉絲，湯底濃稠，令人開胃～———————————————————🔹老上海蔥油雞 配 白飯呢款老上海蔥油雞份量適中～雞肉滑嫩，鮮味十足，重點係自家製蔥油醬汁夠晒惹味，加入蒜片、芫荽、香蔥及特製醬油，更能提升雞嘅鮮味，送飯亦一流！———————————————————🔹上湯小籠包上湯小籠包亦係餐廳主打之一～即叫即蒸熱辣辣，小籠包皮厚薄適中，內餡肉香味濃，湯汁又夠澎湃，值得一試！———————————————————🔹黑金流沙包最後試埋呢一款黑金流沙包作為甜品先～黑金流沙包夠晒型格，內層嘅流沙餡料金黃色，而且鹹蛋黃味亦夠濃厚，鹹鹹甜甜，食得好滿足！———————————————————🔹凍伯爵紅茶 及 冷泡白桃四季春套餐更可加配冷泡茶系列飲品～我就最鍾意呢款冷泡白桃四季春，入口清爽甘香，白桃味突出，更加入爆爆珠，層次感十足～———————————————————😋味道：4/5🏢環境：4/5💁🏻♀️服務：4/5💵價錢：4/5🤟🏻性價比：4/5———————————————————👅整體小總結餐廳主打性價比十足嘅上海菜，環境寬敞舒適，深受街坊歡迎～主打嘅上海菜款式選擇眾多，啱晒鍾意食上海菜嘅朋友仔～
繼續閱讀
系openrice上见到尼间零差评的店，好评又多，就过黎食下，然后点了份酸菜鱼饭跟蒜泥白肉，酸菜鱼连味都没有，好似系开水煮一下，而且鱼肉就五六块，六十几蚊当乞丐咁样俾左整堆乱七八糟的蔬菜，完全唔似酸菜鱼，蒜泥白肉只有表面上的几块猪肉，滴肉又硬又唔系正常的五花肉切，底下全部都系凉皮，然后又整左唔知咩辣椒酱捞，超级难吃，使钱买餐难吃的饭真系受罪，唔知好评系咪刷翻黎噶，反正唔建议过黎试下，切勿中伏啊🤮
繼續閱讀