影片
開飯介紹
餐廳裝修參考韓國傳統的烤肉店，提供韓燒放題，有各式肉類、海鮮、韓國小食等，另外亦供應韓國傳統飯、麵等料理，適合多人聚餐。
繼續閱讀
營業時間
今日營業
12:00 - 22:30
星期一至日
12:00 - 22:30
公眾假期
12:00 - 22:30
公眾假期前夕
12:00 - 22:30
以上資料只供參考, 請與餐廳確認詳情
有關獎賞計劃
曾幾何時在旺角食過一次平昌韓燒，今次search返見到樂富有間新分店，裝潢風格、食物質素均一樣，但就新淨少少，同無咁多人，記憶中旺角店都係爆曬棚好好生意。由於最高一級嘅「國王御膳」價錢相差太遠，所以揀選左中間嘅「世子御膳」，但其實食物選擇已經非常豐富，每樣食少少已經好飽。有無限任食爐邊蛋，仲可自行加入泡菜，味道更香更惹味！炸物整體黎講幾酥香美味，炸一口芝士脆香得黎好cheesy；吉列大蝦同樣香酥好食。牛肉款式都算豐富，有LA牛排、牛肋骨肉、牛前胸腹肉、T骨、肉眼、西冷、牛舌等等：西冷就會原塊上，自己剪，其脂肪較少，肉味較重，但無咩油香；相反肉眼脂肪較多，油香豐富，肉質亦較滑嫩；另外厚切嘅「西班牙捲狀豬腹肉」大大件，油香及豚肉味並重。T骨脂肪較多，肉質幾鮮嫩，肉味適中；牛肋骨肉亦夠軟腍。雞腎無雪味，自己燒都可以燒到爽滑彈牙及多汁！雞軟骨都正，大大粒，連住適量嘅雞肉，唔係細細粒得舊骨果種，同樣脆香惹味，食到停唔到口！
繼續閱讀
位於樂富廣場三樓，地鐵站一出輕輕鬆鬆易到，門口望入口已經有浸韓國味走出黎，入到去又幾骨子ＷＯ，如果去過韓國自然知道佢有用心Copy返韓國當地店舖裝修過黎香港微調，坐得舒服，櫈亦係儲物箱，講返啲食物，佢有分開散嗌或者放題，難得黎到唔想諗就試下放題啦，同朋友兩個叫左大君餐，海鮮類、豬牛雞都齊備，食物質素仲要有返咁上下，陣間再重點講下邊啲係大力推介食物先，野飲佢都有唔同選擇，喜歡無糖既飲烏龍茶，有糖既就係邪惡可樂或者忌廉鮮奶等等*順帶一提，韓燒係三五知己聚餐好地方，大家收工黎燒下燒下吹下水咁又一晚大力推介食物牛舌 - 大大塊上台已經開心，厚度適中，係爐度灼熟一面到一面，唔沾醬汁都一樣富有牛味同質感，我自己就嗌完再嗌係咁食喇LA牛扒 - 初頭對牛扒冇咩期望，上到枱都唔會話好期待咁，燒完出黎入口，WOW，Yummy！！！燒到外脆內煙韌果個口感係精彩既，而啖啖肉既感受繼續令人開心水冷麵 - 第一次食，以為佢好似日本冷麵咁但又唔似，清淡又有味，麵感爽口彈牙，個人絕對推薦青口＆扇貝 — 海鮮永遠都係冇得輸既只要保存得好，簡單烤熟，伴上檸檬汁就可以入口鯖魚 - 我一個人食左兩大舊，食得豬牛雞肉多，不彷嗌呢個清淡啲既肉類，但一樣咁好味，甚至鍾意清啲既人可能會覺得呢個先係第一豬頸肉 — 油脂分佈一半半既話即係半肥瘦啦，爽口彈牙不在講，自己用生菜包住食更顯得開胃吸引鰻魚 — 鰻魚本身已經好味，自己燒熟之後更加有風味杏鮑菇＆茄子— 輕輕燒熟，之後Juicy既蔬果類就會出現，唔飽又健康，係咁嗌魷魚 — 爭啲漏左佢，彈牙既口感，輕輕點上汁醬，係好好味架！！
繼續閱讀
呢日黎到樂富平昌, 呢間平昌係食韓燒既~ 我因為早黎到, book 左枱入到黎都唔算多人, 但到19:30 左右就開始人多~ 我地揀左要世子set 野飲係出面自己拎, 有水有氣水有茶, 任君選擇! 世子SET可以食埋大君SET入面既野食, 世子SET多左D 靚D 既牛肉同豬, 另外仲有醬油蝦可以叫, 同埋仲多D 海鮮可以叫下~ 我地都有叫到蠔黎食, 店員教我地反轉隻蠔蓋住黎燒, 效果真係唔錯, D 蠔都好快熟同埋夠大隻! 叫店員換網佢地都好好, 好快手! 另外有D 鍋物就係大君SET都叫得, 我地忍唔住叫左辛辣麵黎食, 係屋企真係煮唔到呢個水準同口感, 好高質! 呢度仲有生菜同前菜任食, 想要REFILL乜都可以同店員講, 泡菜都夠哂味道!我都食左好多碟! 另外佢想牛同豬都好味, 食到好香既牛同豬味,又唔會係一燒就爛哂個D, 仲係好完整好香!呢餐真係大滿足!
繼續閱讀
旺角平昌開業多年屢次榮獲「優秀開飯熱店大賞」，早前在樂富廣場開設分店，環境簇新寬敞，裝潢亦充滿韓國燒肉店風格。每位成人由$228起可任食120分鐘，三款套餐分別為「大君御膳」、「世子御膳」及「國王御膳」，當日所選之「世子御膳」每位收費$318，星期五至日、公眾假期及其前夕則貴$20。自助區有各款罐裝飲品。爐邊烤蛋絕對是韓式燒烤的標誌之一，可以自由加入泡菜等其他配料。牛前胸腹肉、T骨牛排、牛肉眼、調味牛舌、香草五花肉、豬皮、護心肉、豬肋骨、豬頸肉、芝士腸等肉類配料款式繁多。另外亦有雞軟骨串、雞腎串、雞肉串等串燒。海鮮方面有半殼石蠔、帶子、油蛤、半殼扇貝、虎蝦、魷魚等，當中特別推薦蝴蝶蝦伴他他醬。醬油鵪鶉蛋、海鮮蔥餅、炒年糕、無骨原味炸雞、辣海鮮豆腐湯、石鍋拌飯、水冷麵、炸紫菜粉絲卷等以至於醬油蝦及醬油蟹韓式料理亦可任食。吉列炸蝦、炸忌廉蟹肉薯餅、脆炸一口芝士、八爪魚刺身沙律、涼拌海青菜等小食和前菜都一應俱全。
繼續閱讀
上次喺「平昌」位於旺角嘅總店食韓燒體驗好好，一直都好想再返去食。咁啱知道原來佢地喺樂富廣場開左新嘅分店，位置更加方便我女朋友屋企，就一於去試下！餐廳location就喺樂富廣場A區，地鐵站出黎就係，所以非常方便。呢度嘅裝修樸實，但坐得都幾舒服而且，油煙味唔會好重。同旺角總店一樣，呢度都係食燒烤放題嘅。今次我地選左「大君」menu，食物種類都唔少，除左好幾款嘅肉類同海鮮之外，都有啲韓式熟食！肉類方面，我覺得調味烤牛肉、LA牛排、同埋牛舌最正，因為呢幾款牛肉嘅牛味十足！海鮮方面，扇貝同埋虎蝦都幾大隻幾新鮮，絕對係回本之選！熟食方面，海鮮豆腐湯好足料，所以非常鮮甜！至於炸蝦就好香好脆，而且大大隻！叫埋碗辛辣麵就最正！另外值得一讚係呢度嘅飲品大部分都係韓國進口嘅，當中連氣泡水同蒸餾水居然都係韓國牌子，即刻覺得好高級！總結：樂富平昌食物、環境、地段都好唔錯，值得推薦！
繼續閱讀